Soldanella alpina

Soldanella alpina
	; Soldanella alpina en Baviera
Classifigazion sientífiga
Regn:	Plantae;
SubRegn:	Tracheobionta;
Division:	Magnoliophyta;
Clas:	Magnoliopsida;
Subclassa:	Dilleniidae;
Ùrden:	Ericales;
Famìa:	Primulaceae;
Stìrpa:	Primuleae;
Zèner:	Soldanella;
Spéce:	S. alpina;
Nomm binomial
	Soldanella alpina; L.

Chest artícol a l'è scricc in Lumbàrt, ortograféa orientàl unificàda.

Soldanella alpina l'è 'na spéce de piànta erbàcea de la famìa botànica de le Primulaceae.

Descrisiù

L'è 'na piànta de 30 ghèi de altèsa, co fòie dispunìde endèna rüzitìna bazàl, col gambì lónch de 1 a 6 ghèi co pilizì glandulàr cürcc cürcc, che va vià prèst e che düra mìa 'nfìna a la madürasiù de la piànta. La làmina de la fòia l'è spèsa, a fùrma de rugnù, quàze circolàr, làrga de 1,5 a 6 ghèi, condena scaadüra a la bàze, a ólte de 1/6 de la longhèsa, vérde scüre, löstre, de spès entréghe, co l'òrlo pià e scorzégne a tocàle. El gambì del fiùr l'è lónch dei 5 ai 15 ghèi quan che l'è fiurìt, 'nfìna a 30 ghèi quan che 'l pórta 'l fröt. La 'nfiurescènsa l'è a ombrèla de 2 a 5 fiùr ermafrudìcc, de culùr celèst-viòla, co pedezèi de 3 a 15 mm.

El càles el g'ha 5 sépali tacàcc ensèma, de culùr maròn-rós. La coròla l'è de 8 a 13 mm, de lar biànca, dividìda 'nfìna a la metà de la longhèsa o pò a de piö en 4, 5 o 6 lòbi o lacìnie lineàre e strète, con 5 pétali tacàcc ensèma endèla zòna inferiùra a fùrma de turtaröl, de 7 a 15 mm de longhèsa, 5 stam mìa pilùs saldàcc edèla tèrsa part bàsa, co filamèncc piö cürcc dei sachèi del pòlen. L'ovàre l'è súpero. El fröt l'è 'na càpsula de 10 a 15 mm de longhèsa, deisènta, che se dèrf en 10 décc. La pulinizasiù la se fà per mès dei insècc.

Habitat

La preferés i teré frèsch, piö o méno gras. La é sö 'ndèi pracc alpì ömecc per enfiltrasiù, valète nevùze e depresiù. Se la tróa dei 1350 a 2600 méter söl leèl del mar.

Distribusiù

'N Europa, se la tróa 'n Spàgna, Francia, Germània, Svìsera, Austria, Italia, Bulgaria e Repüblica Céca.

Sinònim

Soldanella alpina subsp. alpina L.
Soldanella alpina subsp. cantabrica Kress

Bibliografìa