Vault 7
Vault 7 l'è 'na serie de document segret de la CIA daa foeura de WikiLeaks el 7 de marz del 2017 che cuntaven su comé fà la guerra informatega e la sorvelianza digital.
I file, con data in tra el 2013-2016, mostren di metod per sbusà la sigurezza di browser, la pupart di smartphone (Android e iOS), i sistema desktop e anca di Smart TV ma minga di exploit che pòden vess doperaa di virus writer.
L'è staa descovert anca che i Stat Unii faseven del spionà de massa in Europa con bas in del Consolaa General di Stat Unii a Francofort, in Germania. El procurator todesch l'ha scominciaa di indagin in su quella acusa lì.
Tecnologia comprometuda
[Modifega | modifica 'l sorgent]Smartphone
[Modifega | modifica 'l sorgent]Sia i smartphone iOS che Android eren tacaa cont i strument elettronegh del governo american, la Apple però l'ha garantii che 'sti menasc de sicurezza hinn staa giamò reboccaa cont el ultim iOS.
Messaggistega istantanea
[Modifega | modifica 'l sorgent]In di document l'è 'gnuu foeura che Telegram e Signal hinn segur a nivell crittografegh, e che donca gh'è besogn de infettà el smartphone per sbusàj.
Centralin di vettur
[Modifega | modifica 'l sorgent]WikiLeaks l'ha sostegnuu che la CIA la pò modifegà i centralin di vettur e addirittura coppà 'na persona senza fàll descovrì, ma nissun ricercador independent l'ha confermaa la possibilità.
Weeping Angel
[Modifega | modifica 'l sorgent]L'attacch Weeping Angel (angiol che 'l piang) el pertoca i Smart TV de la Samsung e 'l permett el sò us 'me strument de sorvelianza. A bon cunt gh'è besogn de avègh 'n access USB a la Television, e donca l'è mia ritegnuu bon per la sorvelianza de massa.