WebPositive
|
Quest articol chì l'è scrivud in lombard, con la Noeuva Ortografia Lombarda |
WebPositive (scrivud anca Web+) a l'è el web browser che l'è mitud insema a Haiku, desvilupad per sostituì el vegg BeZillaBrowser cont un software fondad in sul WebKit. El ciapa el nom del vegg browser per BeOS, ciamad NetPositive, ma el sostituiss Net con Web, el nom del motor che 'l dopera.
Storia
[Modifega | modifica 'l sorgent]In la Google Summer of Code del 2009 el Maxime Simon, guidad del Ryan Leavengood, l'ha lavorad a 'n port del WebKit per Haiku, roba che la mena a 'n browser prototip ciamad HaikuLauncher, che l'ha mostrad che 'l WebKit el fonziona, ma el faseva poch alter. In del fevrer 2010 el Stephan Aßmus el ciapa in man el codes de 'sto prototip per fàll pussee doperabel, che la deventa la r488, mituda poeu dent pussee inanz in l'ann in Haiku R1 / Alpha 2. In del midem ann, el Ryan Leavengood el ciapa ancamò el controll del desvilup.
I prime version del browser doperaven i servizzi de cURL, che però eren propi lent e pien de bug, per esempi cont el fìle di cookie che 'l deventava trop gross e 'l blocava el programa, in del 2013 el deventa ciar che 'l podeva vesser pu doperad e in l'otover el Adrien Destugues a l'è ciapad a lavorà a temp pien in su 'sto browser chi, e 'l sostituiss el cURL cont el Service Kit de l'Haiku, oltra a fà pussee bon el suport per l'HTML5 e in general la stabilità del programa.