Škoda 29T
| Škoda 29T | |
|---|---|
| Tram | |
 El tram in servizzi | |
| Agn de costruzion | 2014-2016 |
| Agn de esercizi | 2015- |
| Quantitaa produxida | 30 |
| Costruidor | Škoda |
| Lungeza | 32'495 mm |
| Largeza | 2'480 mm |
| Alteza | 3'569 mm |
| Capacitaa | 69 post settaa, 276 in pee |
| Quota del pian del pestar | 350 mm |
| Scartament | 1'000 mm |
| Massa a vœd | 47,4 t |
| Velocitaa massema omologada | 65 km/h (de progett 90 km/h) |
| Alimentazion | De linia aerea, 600 V |
| Autonomia | 700 meter |
El Škoda 29T a l'è on tram articolaa e monodirezional a pianal rebassaa doperaa in su la red di tram de Bratislava, fondaa in sul Škoda 26T doperaa in Ongaria.
Design
[Modifega | modifica 'l sorgent]El tram a l'è on elettrotreno a volta capacità e a cinch sezion con quatter carrej e cinch port per lat. El 88% del tram a l'è a pianal rebassaa.
El gh'ha l'aria condizionada, el Wi-Fi, on moderno sistema de informazion ai passegee cont 12 schermi Full-HD e altoparlant, validator touch. I port se derven cont on botton, e ògni portà la gh'ha on sensor infraross che la se pò doperà per vedè la gent che la entra e la sortiss e per sarà i port de la gent la entra no.
Controll
[Modifega | modifica 'l sorgent]El sistema de guida a l'è manual cont ona manetta e sistema de l'omm mort integraa e du botton: Quell a manzina el controlla i lus e quell a drizza el controlla la campanella, che la se pò pizzà anca cont el pedal drizz. Quell manzin, inveci, el controlla la sabbiera.
El gh'ha on sistema de guìda computerizzada che 'l mostra la velocità, el stat de la sabbiera, el contròll elettronich del sistema, el controlla i validator e i videocamer del veicol e 'l gestiss el sistema de informazion ai passegee, che 'l fonziona automaticament cont el GPS.
Motor
[Modifega | modifica 'l sorgent]In teoria el tram a l'è bon de rivà a 90 km/h ma la compagnia i ha limitaa a 65 km/h. El pò fà finna a 700 meter sènza elettricità cont i accumulator.
El gh'ha trii freni: Quej elettrodinamich, che menen el tram finna a 5 km/h e cont el recuver de l'energia, quej a disch, che fermen el tram finna a 0 km/h e quej de emergenza elettromagnetich, che se attiven cont el botton appòsta o se la manetta a l'è tiràda indree totalment.
Galleria di foto
[Modifega | modifica 'l sorgent]-
29T in servizzi -
Tram in su la linia 4 -
29T cont on Tatra K2S -
Tram in longhezza
_a_29_T_(7412).JPG)
.JPG)
Riferiment
[Modifega | modifica 'l sorgent]- Škoda 29T/30T tram design
- Dopravný podnik podpísal kontrakt na dodávku 15 jednosmerných električiek Škoda 29T.
- Výrobca postupne dodá ďalších 15 nových električiek