Ayat-Ayat Cinta 2

Ayat-Ayat Cinta 2 iyâ arèya filem Inḍonèsia sè rèlès tangghâl 21 Ḍèsèmber 2017.^[1] Film arèya èrèles jughân tangghâl 11 Jânuwari 2018 è Malaysia sareng Brunei Darussalam. Sutradarana Guntur Soehardjanto. Filem rèya filem kaḍuwâ’ ḍâri Ayat-Ayat Cinta.^[2]

Rèngkessan carèta

Filem rèya acarèta Fahri (Fedi Nuril) sè oḍi’ kadhibi’ è Edinburgh bhârâng asisten Halusi (Pandji Pragiwaksono). Fahri kaèlangan Aisha pèttong bulân. Aisha èlang è Gaza, Palestin. Fahri terros nantos Aisha. Aslina Fahri seḍḍhi. Fahri sibok dhâddhi dosen bân pengusaha è Edinburgh. Kancana bâkto è Al-Azhar, Misbah ngampong ngènep è romana Fahri. Fahri segghut ngadepaghi masala sareng ghâ-tatangghâna, yakni mba Yahudi, Catarina (Dewi Irawan), Keira McGils (Chelsea Islan), pamaèn biola sè bejhik sara ka Fahri polana ngangghep Fahri teroris. Fahri istiqomah abhânto ghâ-tatangghâna polana bâḍâ amanah Aisha. Niat bhâgus Fahri mala dhâddhi sala paham. Kaoḍi'ânna Fahri sajân rumit ding la Hulya (Tatjana Saphira), sapopona Aisha atemmo Fahri.^[3]

Aktor bân aktris

È bâbâ rèya aktor bân aktris Ayat-Ayat Cinta 2:^[4]

• Fedi Nuril mènangka Fahri bin Abdullah Shiddiq
• Tatjana Saphira mènangka Hulya
• Chelsea Islan mènangka Keira
• Jihane Almira Chedid mènangka Clara
• Dewi Sandra mènangka Sabina
• Nur Fazura mènangka Brenda
• Pandji Pragiwaksono mènangka Hulusi
• Bront Palarae mènangka Baruch
• Dewi Irawan mènangka Catarina
• Deborah Whyte mènangka Janet
• Cole Gribble mènangka Jason
• Arie Untung mènangka Misbah
• Melayu Nicole Hall mènangka Layla
• Millane Fernandez mènangka Lynda
• Mathias Muchus mènangka Anomma Fahri
• Syifa Hadju mènangka Fatimah
• Paul Lapsley mènangka polisi

Produksi

Filem rèya èsutradai sareng Guntur Soehardjanto. Sè nolès skenario iyâ arèya Alim Sudio bân Ifan Islami. Carèta filem arèya mondhut dâri novella Habiburrahman el-Shirazy. Produser filem rèya yakni Manoj Punjabi bân Dhamoo Punjabi.

Proses maca skenario èmolaè è bulân April. Proses syuting èmolaè 5 Agustus 2017, abitta 50 arè. Filem rèya alatar è Gaza, Skotlandia, London, Budapest, bân Jakarta.^[5] Ca'èpon Manoj, proyek rèya proyek sè rajâ, lebbi ḍâri 16 miliar.^[6]

Musik

Album soundtrack èrilis tangghâl 4 Ḍèsèmber 2017. Albumma ènyanyiaghi Rossa (Bulan Dikekang Malam), Krisdayanti (Ayat-Ayat Cinta 2), Isyana Sarasvati (Masih Berharap) Raisa (Teduhnya Wanita), Payung Teduh (di Antara Pepohonan), Sarah Saputri (Harapku), Yeshua (Kamu Tulang Rusukku), Ryan Ho (Bila Jodohku Kamu), Dengarkan Dia (Bersenyawa), bân Cassandra (Cinta Bukan Milik Kita).^[7]

Promosi

Trailer èrilis Satto, 21 Oktober 2017. Neng ḍâlâm trailer bâḍâ ca’ Inggris bân abitta 2 menit 13 detik.^[8] Trailerra masok 15 trending YouTube Indonesia langsung saarè lastarèna èluncuraghi. Ḍâlem du arè, trailerra ètèngghu lebbi ḍâri 400.000 orèng bân èlikes 9.000 orèng. Mongghu MD Pictures, rèya prestasi pertamana.

Tayang

Premier film rèya tangghâl 7 Desember 2017 è XXI Epicentrum, Kuningan, Jakarta Lao’. Tayang abhâreng è Indonesia tangghâl 21 Ḍèsèmber 2017.^[1]

Penonton

Film rèya ngaollè  2.840.159 orèng è tayangan bioskop Indonesia bân ranking 3 box office Indonesia taon 2017.

Sombher

1. Fajarina, Nurin, liputan6, "30 Hari Lagi, Empat Diva Ini Tampil di Konser Ayat Ayat Cinta", aksès 2023-01-20.
2. Susmitha, Chelin Indra, solopos.com, "Film Ayat Ayat Cinta 2 Tayang di 3 Negara Tetangga", aksès 2023-01-20.
3. viu.com, "Sinopsis Ayat-Ayat Cinta 2", aksès 2023-01-20.
4. imdb.com, "The Second Verses of Love (2017) Full Cast & Crew", aksès 2023-01-20.
5. kumparan.com, "Cerita Tatjana Saphira yang Tertekan Main Film Ayat-ayat Cinta 2", aksès 2017-11-04.
6. Bahar, Komario, hotdetik, "Penantian 1 Windu dan di Balik Edinburgh Jadi Latar Film Ayat-Ayat Cinta 2", aksès 2017-11-04.
7. Bahri, Syaiful, fimela.com, "Tantangan dan Kejutan di Album Soundtrack Ayat Ayat Cinta 2", aksès 2023-01-20.
8. MD Picutres, YouTube.com, "Ayat-Ayat Cinta 2 - Official Trailer", aksès 2023-01-20.