Sutan Syahrir

Galat skrip: tidak ada modul tersebut "Infobox Wikidata".

Sutan Syahrir (ejeân sabbhân: Soetan Sjahrir, 5 Maret 1909-9 April 1966) iyâ arèya intelektual, perintis, bân revolusioner kamardhikaan Inḍonèsia.[1] Samarena Inḍonèsia mardhika, jèya dhâddhi politikus bân perdana menteri Inḍonèsia ḍâ'-kaḍâ'. Jèya ajabat dhâddhi perdana menteri Inḍonèsia ḍâri Novembèr 1945 sampe' 20 Juni 1947. Sjahrir amaddhâk Partai Sosialis Inḍonèsia è taon 1948. Jèya adhingghâl omor ḍâlem pengasingan dhâddhi tawanan polituk bân ekoburaghi neng TMP Kalibata, Jakarta. Sutan Sjahrir ètettepaghi dhâddhi sala sèttong Pahlawan Nasional Inḍonèsia è tangghâl 9 April 1966 lebet Keppres nomor 76 taon 1966.[1]

Kaoḍi'ân

[beccè' | beccè' sombher]

Sjahrir lahèr è Padang Panjang, Somattra Bârâ' ḍâri pasangan Mohammad Rasad kalabân gelar Maharaja Soetan bin Leman kalabân gelar Soetan Palindih ḍâri Koto Gadang, Agam, Somattra Bârâ', bân Puti Siti Rabiah sè asalla ḍâri naghârâ Natal, Mandailing Natal, Somattra Ḍâjhâ.[2] Ramana ajabat dhâddhi panasehat sultan Deli bân kapala jâksa (landraad) è Medan. Sjahrir sataretanan sarama bi' Rohana Kudu, aktivis sârta wartawan bini' sè rajhâ. Sjahrir sataretanan teppa' bi' Soetan Sjahsam, makelar saham pribumi palèng anḍi' pangalaman e masana bân Soetan Noeralamsjah, jaksa bân politikus Partai Inḍonèsia Raya (Parindra).[3]

Sjahrir nganyam pendidikan è sakola ḍhâsar (ELS) bân sakola nganengnga (MULO) sè bhâghus e Meḍan.[4] Jârèya sè ngèbâ ḍâ' pan-saponapan ku-buku asèng bân ratosan novel Blândhâ. Malemma rowa angamen è Hotel De Boer (satèya Hotel Natour Dharma Deli), hotel khosos kaangghuy tamoy-tamoy Eropa.

Bhâkto 1926, rowa la marè ḍâri MULO, maso' sakola lanjutan attas (AMS) è Banḍung. È sakolana dissa, rowa aghâlimpo' ḍâlem Himpunan Teater Mahasiswa Inḍonèsia (Batovis) dhâddhi sotraḍârâ, panolès skenario, bân aktor.[5] Hasèl mangghung rowa egunaaghi kaangghuy abârâghâdhi sakola sè rowa paddhâk, Tjahja Volksuniversiteit (Cahaya Universitas Rakyat).

È kalangan morèd sakola nganengnga (AMS) Banḍung, Sjahrir dhâddhi bintang. Sjahrir bennè morèd sè ghun marepot abâ'ân bi' ku-buku pangajhârân bân kalakowan roma.[1] Rowa aktib ḍâlem ghâlimpo' debat è sakola'ana. Sjahrir pole maso' ḍâlem aksi pendidikan tao horop kalabân gratis bâgi na'-kana' ḍâri kalowarga ta' mampo ḍâlem Tjahja Volksuniversiteit.

Aksi sosial Sjahrir kantos ḍâpa' dhâddhi politis. Nalèka para ngangoḍâ ghi' cekka' ḍâlem perhimpunan-perhimpunan kadaerahan, è tangghâl 20 Pebruari 1927, Sjahrir tamasok ḍâlem sapolo oreng pangâgâs pamaddhâk himpunan ngangoḍâ nasionalis, Jong Indonesië.[6] Perhimpunan rowa kantos aobè nyama dhâddhi Pemuda Indonesia sè dhâddhi pangebâ'ânna panyalenggara Kongres Pemuda Indonesia, kongres monumental sè ghâbây Sumpah Pemuda è 1928.

Dhâddhi morèd sakola nganengnga, Sjahrir la ekennal bi' polisi Banḍung dhâddhi katowa redaksi majalah Himpunan Pemuda Nasionalis. Ḍâlem enga'na kancana è AMS, Sjahrir segghut bhuru egigiri polisi polana cengngèl maca korran sè bâḍâ berta pemberontakan PKI 1926, korran sè epacekka' è papan bân malolo ejâghâ polisi male ta' ebâca para mored.

Sjahrir alanjutaghi pendidikan ka naghârâ Blândhâ è Fakultas Hukum, Universitas Amsterdam. È dissa, Sjahrir ngaḍâlemmè sosialisme.[7] Kalabân ghu-ongghu rowa hoso' bi' teori-teori sosialisme. Rowa akor bi' Salomon Tas, Katowa ghálimpo' Mahasiswa Sosial Demokrat, bân binèna Maria Duchateau, sè ghu'-agghu' bhâkal kabin bân Sjahrir, maske sakejje'. (Ghu'-agghu' Sjahrir kabin pole bi' Poppy, kaka' sè palèng towa ḍâri Soedjatmoko bân Miriam Boediardjo).

Ḍâlem tolèsan enga’na, Salomon Tas acarèta Sjahrir sè nyarè ca-kanca radikal, alegger ce’ jâuna ka kacèr, sampe’ ka kalangan anarkis sè ngaramaghi sakabbhina hal sè kapitalisme maabit odi’ kalabân kolektif –salèng mèrri’ sèttong bân salaènna ghun perak sikat ghighi. Ḍârina terro lebbi ngennalla dunnya proletar bân organisasi pergerkanna, dhâddhina Sjahrir alako ḍâ’ Sekretaris Federasi Buruh Transportasi Internasional.

Salaèn acabbhur ka ḍâlem sosialisme, Sjahrir aktif kèya ḍâlem Perhimpunan Inḍonèsia (PI) sè bhâkto rowa èpimpin bi’ Mohammad Hatta. È awwal 1930, pamarènta Hindia Blândâ sajen bhengngis ḍâ’ organisasi pergerakan nasional, kalabân aksi razia bân amenjara pamèmpèn pergerakan è tanah air, sè abuntok pembubaran Partai Nasional Indonesia (PNI) bi’ aktivis PNI ḍhibi’.Berta kasèbbhut mamètto kakobâteran è kalangan aktivis PI è Blândâ. Sadhâjâna segghut ngoca' sopajâ pergerakan jhâ' dhâddhi englop polana pamèmpenna èpenjara. Serrowan rowa èkoca'aghi lebet tolèsan. Bhâreng Hatta, kaḍuwâ'na rajin nolès è Daulat Rakjat, majalah anḍi'na Pendidikan Nasional Indonesia, bân amisiaghi pendidikan rakyât kodhu dhâddhi togas otama pamèmpen politik.

"Ḍâ'-kaḍâ', maju sadhâjâna adidik, iyâ arèya mametakan jâlân nojju kamardhikaan," ca'na.

Akhèr taon 1931, Sjahrir anigghâlaghi kampussa ghâbây abâli ka tanah air bân maso' ḍâlem pargâraghân nasional. Sjahrir duli agabhung ḍâlem organisasi Partai Nasional Indonesia (PNI baru), sè etowaè ḍibi' bhâkto Juni 1932. Pangalaman mamaso'en abâ' ḍâlem dunnya proletar rowa èpraktekaghi è tanah air. Sjahrir maso' ḍâlem pergerakan buruh. Rowa mamoat bânnya' tolèsanna tentang parburuan ḍâlem Daulat Rakyat. Rowa pole segghut acaca akadhi pergerakan buruh ḍâlem forum-forum politik. Mei 1933, Sjahrir èdaulat dhâddhi Katowa Kongres Kaom Buruh Inḍonèsia.

Hatta pas bâli ka tanah air bhâkto Agustus 1932, kantos laju jèya amèmpen PNI Anyar. Bersama Hatta, Sjahrir anyèttèr PNI Anyar kalabân organisasi pencetak kader-kader pergerakan. Adâsarraghi analisis pamarènta kolonial Blândhâ, gerakan politik Hatta bân Sjahrir ḍâlem PNI Anyat justru lebbi radikal katèmbhâng Soekarno bi' PNI-na sè ngandelaghi mobilisasi massa. PNI Anyar, metorot polisi kolonial, cokop paḍâ bi' organisasi Barat. Maskè ta' osa aksi massa bân agitasi, kalabân cerdas, laon tapè paste, PNI Anyar adidik kader-kader pergerakan sè siap aguli ka arah tojjuwân revolusionerra.

Polana tako' apotensi revolusioner PNI Anyar, bhâkto Februari 1934, pamarènta kolonial ameghâk, amenjara, pas muang Sjahrir, Hatt, bân pan-brempan pamèmpen PNI Anyar ka Boven Digoel. Para' sataon ḍâlem kawasân malaria è Papua rowa, Hatta bân Sjahrir èpinda ka Banda Neira ghâbây ngajâlenè masa buengan salama ènnem taon.

Bhâkto pendudughâ Jepang

[beccè' | beccè' sombher]

Perpa'na Soekarno bân Hatta ajâlin lakon bhâreng bi' Jepang, Sjahrir maddhâk jâringan gerakan bawah tanah anti-fasis. Sjahrir parcajâ Jepang ta' kera menang perang. Mangkana jèyâ, kaom pergerakan kodhu anyiapaghi abâ' ghâbây arebbhu' kamardikaan è bhâkto sè pas. Simpul-simpul jâringan gerakan bawah tanah ghâlimpo' Sjahrir aropa'aghi kader-kader PNI Anyar sè pagghun nerrosaghi pergerakan bân kader-kader ngoḍâ iyâ arèya para mahasiswa progresif.

Sastra, tokoh tua pergerakan buruh sè akrab bi' Sjahrir, anolès:

"È bâbâ kapamèmpenan Syahir, sadâjhâna aghuli è bâbâ tana, anyoson kakowadhân subjektif, so nantos perkembangan kabâḍâ'ân objektif bân kantosna èto-bâkto psikologis ghâbây arebbhut kakowasaan bân kamardhikaan."

Kabâdâ'ân objektif rowa kèya sajân tera' perpa'na Jepang sajân kasoddhul bi' pasukan Sekutu. Sjahrir tao perkembangan Perang Dunia kalabân cara tek-ngètek ngeḍingaghi bèrta ḍâri stasion radio loar negeri. Bhâkto rowa, sakabbhina radio ta' bisa meghâk bèrta luar negeri polana èsegel bi' Jepang. Berta-berta kasèbbhut lajhu rowa èsampaiaghi ka Hatta. Kantos jarèya, Sjahrir anyiapaghi gerakan bâbâ tana ghâbây arebbhut kakowasaan ḍâri tananga Jepang.

Sjahrir sè èsokong para ngangoḍâ nyoddul Soekarno bân Hatta ghâbây aproklamasiaghi kamardhikaan è 15 Agustus polana Jepang marè pasra. Sjahrir siyap bi' massa gerakan bâbá tana ghâbây alancaraghi aksi parebbu'ân kakowasaan dhâddhi simbol sokongan rakyat. Soekarno bân Hatta sè ghitak tao berta pasrana Jepang, ta' nagghâpè sacara posètèp. Rèng-orèng jârèya nantos katerrangan ḍâri pihak Jepang sè bâḍâ è Indonesia, bân proklamasi rowa mustè sasowai prosedur lebèt kapotosan Panitia Persiapan Kemerdekaan Indonesia (PPKI) sè èbentok bi' Jepang. Sasowai rencana PPKI, kamardhikaan bhâkal èproklamasiaghi è 24 September 1945. Sèkap Soekarno bân Hatta kasèbbhut makocèbâ para ngangoḍâ, polana sèkap rowa arèsiko kamardhikaan RI ènèlai kalabân hadiah Jepang bân RI arèya ghâbâyânna Jepang. Ghâbây ngasoddul lebbi kerras, para ngangoḍâ kèya angèco' Soekarno bân Hatta è 16 Agustus. Aherra, Soekarno bân Hatta aproklamasiaghi kamardhikaan RI è 17 Agustus.

Bhâkto revolusi nasional Inḍonèsia

[beccè' | beccè' sombher]

Revolusi ciptaaghi atmosfer amoghán bân kakowadhân, polana rowa malarat ghâbây mèkker jhârni. Saèngghâ sakonè' tokoh sè anḍi' konsep bân nete strategi maongghu ghuna angendaliaghi kecamuk revolusi. Bâkto rowa, bâḍâ ḍuwâ' orèng bi' pekkèranna sè populer pas èyanut bânnya' kalangan pejuang republik, Tan Malaka bân Sutan Sjahrir. Ḍuwâ' tokoh pergerakan kamardhikaan sè ènilai steril ḍâri noda kolaborasi bi' Pamarènta'an Faris Jepang, maskè pas alabân jâlân ḍâlem majuangaghi kedaulatan republik.

Bâkto kaburu rowa, Bung Sjahrir noles Perjuangan Kita. Risala pera parsoalan ḍâlem revolusi Inḍonèsia, sakaligus analisis ekonomi-politik dunnyâ samarèna Perang Dunia II. Perjuangan Kita moddhul maenga'. Risalah rowa èbhârât pedoman bân peta ghuna angamudiaghi kapal Republik Inḍonèsia è tengnga bâḍây revolusi.

Tolèsan-tolèsan Sjahrir ḍâlem Perjuangan Kita, aghâbây paddhâng alaènan bân anyerang Soekarno. Bhilâ Soekarno ce' obsesina ḍâ' panyettongan bân kasettongan, Sjahrir ango' nolesa, "Sapan penyettongan ghun bhâkal asèpat taktis, temporer, bân polè rowa insidental. Usaha-usaha ghâbây anyatoaghi sacara maksa, ghun ngasèllaghi ana' bencong. Panyettongan samacem rowa bhâkal sakè', tasengsal, bân marosak pergeraka."

Bân rowa angecam Soekarno. "Nasionalisme sè Soekarno maddhâk è attas solidaritas hierarkis, feodalistis: sanyatana aropaaghi fasisme, moso sè palèng rajhâ kamajuan dunnya bân rakyat sadhâjâ." Rowa polè congoco gaya agitasi massa Soekarno sè metorota ta' ngèbhâ kajhârnèan.

Perjuangan Kita iyâ arèya karjâ sè palèng rajhâna Sjahrir, ca'na Salomon Tas, bhâreng sorat-sorat potilika èbâkto pabuengan è Boven Digul bân Banda Neira. Manuskrip rowa èsebbhut Indonesianis Ben Anderson kalabân, "Tong-sèttonga osaha ghâbây anganalèsis sacara sistematis kakowatan domestik bân internasional sè mangaroè Inḍonèsia bân sè aberrè' perspektif sè maso' akal bâghi ghulina kamardhikaan è masa ḍâteng."

Pas ngabhukteaghi, è Nopembèr'45 Sjahrir èsokong ngagoḍâ bân ètonjhu' dhâddhi formatur kabinet parlementer. È omor 36 taon, la molaè lakon Sjahrir ḍâlem pangghung majuangaghi kedaulatan Republik Inḍonèsia, dhâddhi Perdana Menteri sè palèng ngoḍâ è dunnya, ngarangkap Menteri Luar Negeri bân Menteri Dalam Negeri.

Sombhèr

[beccè' | beccè' sombher]
  1. ↑ 1,0 1,1 1,2 Adryamarthanino, Verelladevanka. "Sutan Sjahrir: Masa Muda, Kiprah, Penculikan, dan Akhir Hidup", kompas.com. Aksès 2023-07-01.
  2. ↑ "100 Tahun Sutan Sjahrir Pemikiran dan Kiprah sang Pejuang". sutansjahrir.com. Aksès 2023-07-01.
  3. ↑ Matanasi, Petrik . "Rumitnya Kisah Asmara Sutan Sjahrir dan Maria Duchateau", tirto.id. Aksès 2023-07-01.
  4. ↑ Perpustakaan Ordo Karmel Indonesia. "Mengenang Sjahrir". Aksès 2023-07-01.
  5. ↑ Adryamarthanino, Verelladevanka. "Sutan Sjahrir: Masa Muda, Kiprah, Penculikan, dan Akhir Hidup Diarsipkan 2023-07-01 di Wayback Machine.", yayasan proklamator bung Hatta. Aks 2023-07-01.
  6. ↑ Dwi, Andika. "17 Tokoh Kemerdekaan Indonesia, dari Bung Karno hingga Moewardi", tempo.co. Aksès 2023-07-01.
  7. ↑ Aslim, Faisal. "Sutan Sjahrir, Arsitek di Balik Layar Kemerdekaan Indonesia Diarsipkan 2023-07-01 di Wayback Machine.", zenius.net. Aksès 2023-07-01.