Antenimierandoholona (Madagasikara)
Ny Antenimieradoholona dia andrim-panjakana misolo tena ny vahoaka sady mpanao lalàna ary manara-maso ny asan' ny Governemanta, manampy ny Antenimierampirena ao amin' ny Antenimieran' i Madagasikara. Ity Antenimierandoholona ity dia ahitana loholona miisa 18 izay miasa mandritra ny fito taona.
Andraikitra
[hanova | hanova ny fango]Ny fandaminana sy ny fahefan' ny Antenimierandoholona malagasy dia nalaina tahaka avy amin' ny Antenimierandoholona frantsay. Miasa mandritra ny fito taona ny mpikambana ao aminy (amin' ity Repoblika fahefatra ity), izay atao hoe loholona.
Miisa 18 (raha 33 izany teo aloha) ny loholona ao amin' ny Antenimierandoholona malagasy, ka ny 12 amin' izy ireo (raha 22 izany teo aloha) no lany amin' ny fifidianana ataon' ny mpifidy vaventy, fa ny 6 (raha 11 izany teo aloha) dia tendren' ny filoham-pirenena.
Andraikitra iarahany amin' ny Antenimierampirenena sy ny Piraiminisitra ny fanaovan-dalàna. Ny Antenimierandoholona, miaraka amin' ny Antenimierampirenena, ihany koa no mankatò ny volavolan-dalàna momba ny fitantanam-bola ary mandatsa-bato miaraka amin' ny Antenimierampirenena izy amin' ny fanapahan-kevitra momba ny fidiran' ny firenena amin' ny ady.