Balado

Balado

Udang balado
Asa
Namo lain	Samba balado
Wilayah	Sumatera Barat
Nagara asa	Indonesia
Rincian
Jinih	samba utamo
Suhu panyajian	angek
Bahan utamo	talua, ayam, dagiang, lauak pado campuran bumbu jo tomaik nan baagiah banyak lado.
v t e

Balado adolah jinih bumbu (campuran bahan) padeh nan ditamukan pado masakan Minangkabau nan dari Sumatera Barat, Indonesia.^[1] Bumbu balado dibuek jo manggoreng sarato mancampua lado sirah (adopulo variasi ijau) jo bumbu-bumbu cando bawang putiah, bawang merah, tomaik, jo saketek asam kapeh pado minyak goreng.

Bahan-bahannyo sarupo sabananyo jo mambuek sambalado. Namun, indak sarupo sambalado nan biasonyo dihidang tapisah untuak panambah salero, bumbu balado dicampua sarato digoreng basamo jo bahan samba utamo dan dipalakukan sarupo samba utamo. Balado sasuai untuak udang goreng, cumi, lauak (utuah atau potongan), ayam, talua abuih, dendeng, taruang, atau kantang.^[2]

Dek bahan jo caro mamasak nan saroman, istilah balado acok batuka pakai jo sambal goreng. Walau baitu, istilah balado labiah spesifik marujuak pado tradisi masak Minangkabau, samantaro sambal goreng marujuak pado tradisi masak masakan Indonesia sacaro umum.

Asa jo pakambangan

Balado adolah salah satu teknik mamasak tradisional urang Minangkabau, nan manjadi dasa masakan Padang. Mulonyo lado merah di Sumatera dibaok dek kolonial Spanyol jo Portugih pado abaik ka 16-17.

Dek tanamonyo masakan Padang di Indonesia, balado pun samakin tanamo di lua Sumatera. Panyajian jo pangolahan bahan makanan jo balado manjadi bagian pantiang dalam panyajian masakan Padang di babagai lapau nasi jo restoran Padang. Salain itu, pangolahan sarupo ko alah manjadi spesialisasi masakan Padang nan indak dimiliki restoran masakan daerah lain.

Pangolahan jo panyajian

Balado dapek dibuek dari baragam jinih produk makanan: dagiang, ikan, ayam, tahu, tempe, sayua, jo talua abuih (ayam atau itiak). Ampia acok untuak dibuek jo ciek bahan utamo, kadang-kadang ado pulo nan mancampuanyo. Dagiang, ayam, lauak gadang, taruang, jo kantang dikarek-karek sabalun diolah, jo taluanyo dikupeh. Dagiang nan acok digunokan adolah dagiang nan masih matah, sarato acok mamakai dagiang dendeng nan alah dikarek tipih-tipih.

Pizza balado, Jakarta

Ado duo tahap manggoreng makanan nan umum pado panyajian jo balado: partamo dalam minyak goreng, nan sacaro khusus untuak manggoreng lado jo bumbu-bumbunyo. Pado tahap kaduo, nan ka jadi bahan utamo digoreng dalam wajan atau cambuang basi lalu kudian baru dicampua jo lado sarato bumbunyo. Nan paliang pantiang adolah sabalun manggoreng, lado sarato bumbunyo alah digiliang talabiah dulu baiak dalam giliangan aluih atau kasa (labiah dipiliah). Bumbu-bumbu ikuik digiliang antaronyo garam, gulo, kunyik, parasan asam kapeh jo daun limau, tomaik, sarato bawang (merah jo putiah). Dalam pamasakannyo, sado bahan tasabuik diaduak supayo marato di sado sisi salamo babarapo minik.

Pado taun 2000-an, lah mulai restoran jo kadai-kadai makanan non Minangkabau maadopsi balado ka menunyo, sarupo pizza balado. Balado dalam panyajiannyo ado nan dicampua lansuang ka menunyo atau adopulo nan disajikan tapisah. Balado nan manjadi ciri khas Minang sacaro capek tanamo ka sadoalah Indonesia sairiang dek tanamonyo masakan Padang.^[3]

Ragam

Dalam bahaso Minang kato balado aratinyo "diagiah lado" atau "jo lado". Dek karano itu, panamoan makanan biasonyo jo manggabuangan namo bahan utamo diikuti kato "balado" di akhianyo, misalnyo:

• Ayam balado ^[4]
• Bada balado
• Baluik balado
• Cumi balado^[5]
• Dendeng balado^[6]
• Kantang balado^[7]
• Talua balado^[8]
• Taruang balado^[9]
• Tuna balado^[10]
• Udang balado^[11]
• Sambalado (ladonyo surang nan dijadian samba (bahan utamo)).^[12]

Galeri

• Ragam balado
• 
  Bada balado
• 
  Baluik balado
• 
  Dendeng balado
• 
  Talua balado
• 
  Taruang balado
• 
  Udang balado

Pado budayo populer

Balado nan padeh manjadi inspirasi pado lagu dangdut populer bajudul Sambalado nan dinyanyikan Ayu Tingting.^[13]

Caliak pulo

• Masakan Indonesia
• Masakan Padang
• Sambalado
• Sambal
• Rica-rica
• Dabu-dabu

Rujuakan

1. Pepy Nasution (7 August 2008). "Balado, The Tangy Chili Sambal from West Sumatra". Indonesia Eats. Diarsipkan dari versi asli tanggal 8 November 2019. Diakses tanggal 8 November 2019. 
2. "Balado sauce". SBS. 
3. Nikmatnya Pizza Dengan Topping Terong Balado (Indonesia). Tribun Kaltim (26 апреля 2016). — Surek kaba elektronik. Data diakses pado 14 Oktober 2016.
4. Gilang Shanahan (13 October 2014). "Balado Chicken / Ayam Balado". 
5. "Cumi balado Pete (spicy dried squid with sator bean)". Dapur Dini. 14 May 2012. 
6. Rima Sjoekri (10 September 2013). "Mum's Dendeng Balado". Food 52. 
7. "Kentang Balado". Sajian Sedap (dalam bahasa Indonesian). Diarsipkan dari versi asli tanggal 2019-11-08. Diakses tanggal 2019-11-08. Pemeliharaan CS1: Bahasa yang tidak diketahui (link)
8. Anita (4 August 2013). "Telur Balado – Eggs with Chili Sauce". Daily Cooking Quest. Diarsipkan dari versi asli tanggal 8 November 2019. Diakses tanggal 8 November 2019. 
9. "Balado Terong Recipe". 
10. "Nikmatnya Ikan Tuna Balado". Nova. 8 May 2017. Diarsipkan dari versi asli tanggal 8 November 2019. Diakses tanggal 8 November 2019. 
11. Anita (29 October 2015). "Balado Udang – Shrimps in Spicy Chili Sauce". Daily Cooking Quest. Diarsipkan dari versi asli tanggal 8 November 2019. Diakses tanggal 8 November 2019. 
12. "Resep Sambal lado". Cookpad. 
13. "Ayu Ting Ting - Sambalado (Official Music Video)". Youtube. 

Pautan lua

• Indonesian Balado sauce recipe from SBS
• Balado Sambal – Indonesian Chili Sambal (sauce) from Food Whirl
• Egg balado recipe Archived 2019-11-08 di Wayback Machine.