Nasi Padang

Infotaula de menjarNasi Padang
Asa
Nagara asaIndonesia Edit nilai pada Wikidata
Rincian
Jinihsamba utamo Edit nilai pada Wikidata
Bahan utamobareh Edit nilai pada Wikidata

Nasi Padang adolah nasi putiah nan disajikan jo berbagai macam lauak pauak khas Indonesia. Padang marujuak pado ibu kota provinsi Sumatera Barat. Nasi Padang marupokan sabuah hidangan nan disajikan secaro cukuik jo dagiang, ikan, sayuran, dan makanan padeh lainnyo nan dimakan jo nasi putiah.[1]

Restoran Padang biasonyo ditandai jo bangunan sarupo Rumah Gadang jo gaya khas etalasenyo. Etalase Nasi Padang di mungko restoran, biasonyo terdiri dari piriang dan mangkuak nan ditumpuak sedemikian rupo, ditata dan diisi jo berbagai hidangan.

Ado duo jinih nan melayani di sabuah restoran Padang, pesan (ordering) dan hidang (melayani). Pesan iolah caro nan paliang umum, biasonyo dilakukan oleh ciek atau duo pelanggan. Pelanggan melihat berbagai jinih hidangan, mamiliah hidangan nan nio dimakan, kemudian hidangan tu akan disajikan dek pelayannyo. Hal ko biasonyo umum dilakukan di restoran-restoran ketek di Padang.

Pado restoran Padang nan gadang, hidang meriah (melayani) biasonyo dilakukan. Perjamuan hidangan paliang cocok untuak makan basamo-samo. Sasudah pelanggan duduak, mereka indak harus memesan. Namun, pelayan datang mambaok piriang nan ditumpuak di ateh tangannyo, kamudian nyo sajikan di ateh meja. Puluhan piriang ketek nan panuah jo berbagai raso makanan, seperti : randang dagiang jawi, dendeng balado, tunjang, cincang, ayam bakar, ayam goreng, terong balado, gulai ikan, sayuran nan diabuih, dan tantu sajo samba saus padeh, dll. Lusinan piriang iolah jumlah nan normal, bisa mancapai 14 hidangan atau labiah. Nasi Padang akan langsuang ado dimeja secaro prasmanan. Palanggan pun hanyo mambayia apo sajo makanan nan alah dimakan.[2]

Bak cando rumah makan masakan Minang lainnyo, biasonyo masakan ko dimakan jo tangan. Disadioan pulo basuah tangan (kobokan), dalam mangkuak ketek barisi aia langkok jo irisan limau nipih sabagai pangarumnyo. Aia ko biaso dipakai untuak mambasuah tangan sabalun jo sasudah makan. Kok pelanggan indak nio makan jo tangan langsuang, disadioan pulo sendok jo garpu dek pelayannyo.

Rujuakan

[suntiang | suntiang sumber]
  1. ↑ "Padang's Feast Fit for a King". EatingAsia. Diakses tanggal 2019-10-30. 
  2. ↑ "A unique of Padang | padangbaycity.com". web.archive.org. 2010-12-14. Diarsipkan dari versi asli tanggal 2010-12-14. Diakses tanggal 2019-10-30. 

Pautan Lua

[suntiang | suntiang sumber]
Search Wikimedia Commons Ado kategori tantang Nasi Padang di Wikimedia Commons