Rasuna Said

Infobox orangRasuna Said
Biografi
Lahia14 September 1910 Edit nilai pada Wikidata
Maninjau Edit nilai pada Wikidata
Kamatian2 Nopember 1965 Edit nilai pada Wikidata (55 tahun (id) terjemahkan)
Daerah Kusuih Ibukota Jakarta Edit nilai pada Wikidata
Panyabab kamatianKanker payudara (id) Terjemahkan Edit nilai pada Wikidata
Tampek dimakamkanTaman Makam Pahlawan Nasional Utama Kalibata (id) Terjemahkan Edit nilai pada Wikidata
Kalompok etnisUrang Minangkabau Edit nilai pada Wikidata
AgamoIslam Edit nilai pada Wikidata
AlmamaterDiniyyah Puteri Edit nilai pada Wikidata
Kagiatan
KarajoPolitikus Edit nilai pada Wikidata
Kaluarga
Pasangan hiduikDuski Samad Edit nilai pada Wikidata
Panghargaan

Hj. Rangkayo Rasuna Said[1] (14 September 1910 – 2 November 1965) adolah pajuang kamardekaan dan politikus Indonesia nan dianugerahi gala pahlawan nasional Indonesia. Mode Kartini, inyo juo mampajungan adonyo pasamoan hak antaro laki-laki jo padusi. Inyo dimakamkan di TMP Kalibata, Jakarta.

Kaidupan mulonyo

[suntiang | suntiang sumber]

Rasuna Said dilahiakan pado 14 September 1910 di Desa Panyinggahan, Maninjau, Kabupaten Agam, Sumatera Barat.[2] Inyo marupoan katurunan bangsawan Minang. Ayahnyo banamo Muhamad Said, saurang saudagar Minangkabau, aktivis pagarakan, jo guru nan manjadi tokoh Taman Siswa.[3]

Kaluargo Rasuna Said adolah kaluargo baragamo Islam nan taat. inyo gadang di rumah pamannyo karano karajo ayahnyo nan mambuek ayahnyo acok indak barado di rumah. Indak mode saudara-saudaranyo, inyo basikola di sikola agamo, nan indak sekuler, jo salapeh pindah ka Padang Panjang, di mano inyo basikola di Diniyah School, nan manggabungkan mato palajaran agamo dan mato palajaran khusus. Pado taun 1923, inyo manjadi asisten guru di Sekolah Diniyah Putri nan baru didirikan, tatapi baliak ka kampuang halamannyo tigo salapeh sikola itu ancua karano gampo. lalu inyo baraja salamo duo taun di sikola nan terkait jo aktivisme politik jo agamo, jo mancaliak pidato nan diagiah dek direktur sikola tantang nasionalisme jo kamardekaan Indonesia.[4][5]

Salapeh manamaikan janjang pandidikan Sekolah Dasar (SD), Rasuna Said gadang dikiriman sang ayah untuak malanjuikan pandidikan di pesantren Ar-Rasyidiyah. katiko itu, inyo marupoan satu-satunyo santri padusi. Inyo dikana haruih sosok nan pandai, cadiak, jo pambarani. Rasuna Said lalu malanjuikan pandidikan di Diniyah Putri Padang Panjang, lalu basuo jo Rahmah El Yunusiyyah, saurang tokoh garakan Thawalib. garakan Thawalib adolah garakan nan dibangun kaum reformis Islam di Sumatera Barat. Banyak pamimpin garakan iko dipangaruahi dek pamikiaran nasionalis-Islam Turki, Mustafa Kemal Atatürk.

Rasuna Said sangaiklah mancaliak kamajuan dan pandidikan kaum padusi, inyo sampat maaja di Diniyah Putri haruih guru. Namun pado taun 1930, Rasuna Said barenti maaja karano mampunyoi pandangan baso kemajuan kaum padusi indak anyo bisa didapaik jo mandirian sakolah, tatapi haruih disertai pajuangan politik. Rasuna Said nionyo mamasuakan pandidikan politik dalam kurikulum sikola Diniyah School Putri, tatapi ditolak. Rasuna Said lalu mandalami agamo pado Haji Rasul atau Dr H Abdul Karim Amrullah nan maajaan pantiangnyo pambaharuan pamikiaran Islam jo kabebasan bapikia nan beko banyak mampangaruahi pandangan Rasuna Said.

Kontroversi poligami pernah ramai manjadi polemik di ranah Minang taun 1930-an. Iko akibaiknyo pado maningkaiknyo angko kawin cerai. Rasuna Said manganggap parangai iko bagian dari pelecehan terhadap kaum padusi.

Pajuangan Politik

[suntiang | suntiang sumber]

Mulo pajuangan politik Rasuna Said katiko baraktivitas di Sarekat Rakyat (SR) subagai Sekretaris cabang. Rasuna Said lalu bagabuang jo Soematra Thawalib dan mandirian Persatuan Muslimin Indonesia (PERMI) di Bukittinggi pado taun 1930. Rasuna Said ikut juo maaja di sikola-sikola nan didirian PERMI jo salapeh mandirian Sekolah Thawalib di Padang, jo mamimpin Kursus Putri dan Normal Kursus di Bukittinggi. Rasuna Said sangaik mahia dalam bapidato mangacam pamarintahan Balando. Rasuna Said tacataik subagai padusi patamo nan kanai ukum Speek Delict, yaitu ukum kolonial Balando nan manyatoan baso siapopun dapek diukum karano babicaro manantang Balando.

Pado taun 1926, Rasuna Said aktif dalam organisasi Sarekat Rakyat nan baafiliasi jo komunis, dibubarkan salapeh pamberontakan komunis nan gagal di Sumatera Barat pado taun 1927. taun barikuiknyo, inyo manjadi anggota Partai Sarekat Islam, naiak ka posisi kapamimpinan cabang Maninjau. Salapeh tagaknyo pado taun 1930, inyo bagabuang jo Persatuan Muslim Indonesia (Permi), sabuah organisasi berbasis Islam jo nasionalisme. taun barikuiknyo, Rasuna baliak maaja di Padang Panjang, maninggaan karajonyo salapeh basalisiah jo pamimpinnyo karano Rasuna alah maaja murik-muriknyo tantang paralunyo tindakan politik untuak mawujuikan kamardekaan Indonesia, jo pindah ka Padang, di mano pimpinan Permi bermarkas. Di sinan, inyo mandirian sikola untuak anak padusi.

Pado tanggal 23 Oktober 1932, dalam rapek umum bagian padusi Permi di Padang Panjang, Rasuna manyampaian pidato publik bajudul "Langkah-Langkah Menuju kamardekaan Rakyat Indonesia" di mano inyo mangutuak pangancuran mato pancaharian rakyaik jo karusakan nan dibuek pado rakyaik Indonesia dek kolonialisme. Barapo minggu salapeh itu, dalam pidato lain di Payakumbuh di hadapan saribu urang, inyo mangecekan kabijakan Permi adolah dibuek imperialisme subagai musuah. anyo mandapek paringakan dari saurang pajabaik, inyo malanjuikan jo sakali lai mangacekan baso Al-Qur'an manyabuik imperialisme subagai musuah Islam. Inyo mamproklamirkan, "Kito haruih mancapai kamardekaan Indonesia, kamardekaan haruih datang." Indak lama salapeh itu inyo ditangkok dan didakwa "mayeba kabancian", manjadi padusi Indonesia patamo nan didakwa jo Speekdelict — pelanggaran babicaro. lalu inyo dijatuahi ukuman 15 bulan panjaro, nan mambueknyo takana sacaro nasional karano jajak jo ukumannyo dilaporkan sacaro laweh. Inyo manggunoan persidangannyo untuak maajak kamardekaan, jo manarik dukungan laweh. Inyo dipanjaro di Semarang, Jawa Tangah. Labiah dari saribu urang datang untuak mancaliak barangkwnyo kapal nan mambawonyo ka Jawa.[6][7]

Rasuna Said sampat ditangkok basamo kawan sapajuangannyo Rasimah Ismail, jo dipanjaro pado taun 1932 di Semarang. Salapeh kalua dari panjaro, Rasuna Said manaruihan pandidikannya di Islamic College pimpinan KH Mochtar Jahja dan Dr Kusuma Atmaja.

Rasuna dibebaskan dari pajaro pado taun 1934. Inyo baraja di Sakolah pandidikan Keguruan Permi di Padang salamo ampek taun. inyo bakarajo haruih jurnalis, manulih artikel nan mangaritik kolonialisme Belanda di jurnal sekolah kaguruan Raya. Pado taun 1937 inyo pindah ka Medan, lalu baliak ka Padang salapeh invasi Jepang ka Hindia Belanda. Inyo ditangkok dek Jepang karano kaanggotaannyo dalam organisasi pro-kamardekaan Indonesia, tatapi dibebaskan salapeh waktu nan singkek karano pihak berwenang khawatir manyebabkan kaindakpuehan publik. Pado taun 1943 inyo bagabuang jo pasukan sukarelawan militer Giyugun nan sangek nasionalis, nan alah didirian dek Jepang di Sumatra. Inyo mambantu mandirian bagian padusi, Hahanokai.[8][9]

Kaidupan Pribadi

[suntiang | suntiang sumber]

Pado taun 1929, Rasuna manikah jo Duski Samad, inyo saurang rekan pangaja jo aktivis politik. Urang tuonyo indak marestui panikahan tasabuik. Mareka punyo saurang putri, tatapi panikahan itu baakia jo pacaraian pado awa taun 1930-an. lalu inyo diam-diam manikah jo Bariun AS, muski inyo mangecekan baso pajuangan kamardekaan labiah pantiang daripado suaminyo.[10]

Maningga dunia

[suntiang | suntiang sumber]

Rasuna maningga di Jakarta karano kanker darah pado 2 November 1965. Inyo maninggaan saurang putri (Auda Zaschkya Duski) jo 6 cucu (Kurnia Tiara Agusta, Anugerah Mutia Rusda, Moh. Ibrahim, Moh. Yusuf, Rommel Abdillah dan Natasha Quratul'Ain). Janazahnyo dimakamkan di Taman Makam Pahlawan Kalibata, Jakarta Selatan.

Rujuakan

[suntiang | suntiang sumber]
  1. ↑ Indrawati, Indrawati; Tarjana, Sri Samiati; Nurkamto, Joko (2019). "Globalization and Language Hegemony". Digital Press Social Sciences and Humanities. 2: 00010. doi:10.29037/digitalpress.42261. ISSN 2654-9433. 
  2. ↑ Agnesti, Narani; Sanjaya, Ageng (2022-01-15). "PERJUANGAN HJ. RANGKAYO RASUNA SAID SEBAGAI PEJUANG POLITIK DAN PEMIKIR PERGERAKAN PADA MASA PRA KEMERDEKAAN". Kalpataru: Jurnal Sejarah dan Pembelajaran Sejarah. 7 (2): 153–160. doi:10.31851/kalpataru.v7i2.7163. ISSN 2621-7058. 
  3. ↑ Prosiding Seminar Nasional & Call for Paper "Peran Perempuan Sebagai Pahlawan di Era Pandemi" PSGESI LPPM UWP. 9 (01). 2022-11-16. doi:10.38156/gesi.v9i01. ISSN 2355-2611 http://dx.doi.org/10.38156/gesi.v9i01.  Tidak memiliki atau tanpa |title= (bantuan)
  4. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  5. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  6. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  7. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  8. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  9. ↑ Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  10. ↑ Sihombing, Elvina; Rifayanti, Rina; Putri, Elda Trialisa (2021-12-27). "Kecerdasan Emosional Dengan Penyesuaian Pernikahan Pada Istri yang Menikah Berbeda Suku Dengan Pasangan". Psikoborneo: Jurnal Ilmiah Psikologi. 9 (4): 876. doi:10.30872/psikoborneo.v9i4.6812. ISSN 2477-2674. 

Pautan lua

[suntiang | suntiang sumber]
  Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.