Sri Owen
Sri Owen | |
|---|---|
 Sri Owen di Oxford Symposium on Food and Cookery, 2012 | |
| Lahia | 1935 (umur 88–89 tahun) |
| Alma mater | Universitas Gajah Mada |
| Karojo | Guru masak jo panulih buku masakan |
| Pasangan | Roger Owen (maningga 2021) |
| Website | sriowen.com |
Sri Owen (lahia 31 Maret 1935; umua 89 taun) adolah saurang guru masak jo panulih buku resep Indonesia nan tingga di London, Inggirih. Inyo adolah panulih buku resep babahaso Inggirih partamo nan didedikasian untuak masakan Indonesia, jo diakui sabagai pakar kuliner Indonesia takamuko.[1]
Kahidupan awal
[suntiang | suntiang sumber]Sri Owen lahia di Padang Panjang, Sumatra Barat, nan katiko itu marupokan bagian dari Hindia Balando, pado tanggal 31 Maret 1935. Inyo lahia dari kaluarga Minangkabau di kota nan manjadi pusek budayo Minangkabau. Inyo adolah anak paliang gaek dari anam basudaro nan kasadoalahnyo padusi.[2]
Pado maso keteknyo, Hindia Balando diduduaki dek Japang. Katiko Parang Dunia II, jutaan urang Indonesia mati akibek kalaparan, karajo paso, jo karusuhan.[3] Urang tuonyo bakarajo sabagai guru, dan kaluarganyo pindah ka Jakarta, kamudian manatap di Magelang, Jawa Tangah, pado taun 1949. Sri malanjuikan sakolahnyo ka Yogyakarta, baraja bahaso Inggirih di Universitas Gajah Mada. Satalah lulus, inyo mangaja di universitas jo manjadi kapalo perpustakaan. Di sinan, inyo basobok jo Roger Owen pado taun 1961, saurang dosen lulusan Universitas Oxford Inggirih nan mangaja sejarah di Indonesia salamo tigo taun. Sri jo Roger manikah pado taun 1962.[4]
Karier
[suntiang | suntiang sumber]Satalah ikuik lakinyo ka London pado taun 1963, Sri bakarajo sabagai panerjemah, panyiar jo produser di BBC Far Eastern Service salamo ampia 20 taun. Pado taun 1984, Roger jo Sri pindah basamo kaduo anaknyo ka Desa Wimbledon. Di sinan, Sri manjua masakan jo makanan ringan Indonesia di sabuah kadai di High Street.[5]
Buku masak partamonya, The Home Book Of Indonesian Cookery, ditabikan dek Faber pado taun 1976, nan barisi resep-resep kaluarga nan diturunkan dari inyiaknyo jo dicatat dengan cermat dek amaknyo. Sri kamudian manulih labiah dari salusin buku tantang pangan Indonesia jo negara-negara Asia lainnyo. Salah saurang mentornyo nan paliang baparan adolah Alan Davidson, panulih The Oxford Companion to Food. Buku Sri nan ka-15, Sri Owen’s Indonesian Food, didedikasiannyo untuak David.[6] Sri bapandapek baso randang nan diakui dek sajumlah negara sabagai masakan nasionalnyo adolah masakan Minangkabau.[7]
Salain manulih, Sri alah mangadokan demo masak, lokakarya, jo kursus mamasak di saluruah dunia, jo alah muncul di BBC TV basamo koki tanamo lainnyo, tamasuak Raymond Blanc.[4]
Pangakuan
[suntiang | suntiang sumber]The Rice Book dipiliah dek Bee Wilson dari majalah Observer Food Monthly sabagai ciek dari 50 buku masak tabaik sapanjang maso. Buku tabaru Sri bajudul Sri Owen’s Indonesian Food adolah buku nan ditulihnyo sabagai autobiografi untuak marayoan kelezatan masakan di negara kalahirannyo.[8]
Melissa Clark dari New York Times mangutip pandapek Paul Levy, katua Oxford Symposium on Food and Cookery, nan manyabuik baso kapandaian Sri dalam mamperkenalkan masakan Indonesia sabandiang jo panulih kuliner lainnyo nan mangungkap babagai resep makanan dari saluruah dunia ka dunia babahaso Inggirih, misalnyo Elizabeth David (masakan Mediterania), Jane Grigson (masakan Eropa jo masakan tradisional Inggirih), Claudia Roden (masakan Timur Tengah), jo Julia Child (masakan Parancih klasik).[9]
Sri Owen digambaran dek Nikkei Asia sabagai "panulih masakan Indonesia nan bajaso mamperkenalkan masakan negaranyo kapado dunia".[10] Inyo mambimbiang koki-koki mudo jo panulih Lara Lee,[11] nan nio ikuik "barbagi masakan Indonesia nan lamak ka saluruah dunia".[12] San Francisco Chronicle manyabuik Sri sabagai "urang nan paliang nyato dalam masakan Indonesia",[13] sadangkan Mayukh Sen manggambarkan Sri sabagai "padusi nan maubah caro bapikia kito tahadap makanan Indonesia".[14]
Bibliografi
[suntiang | suntiang sumber]- The Home Book Of Indonesia Cookery (1976) ISBN 978-0571108503
- Indonesian Food and Cookery (1980) ISBN 978-0907325000
- Indonesian and Thai Cookery (1988) ISBN 978-0861887804
- Exotic Feasts (1991) ISBN 978-1856260367
- Indonesian Regional Food and Cookery (1994) ISBN 978-0711212732
- The Rice Book (1993) ISBN 978-0711222601
- Healthy Thai Cooking (1997) ISBN 978-0711211315
- The Classic Asian Cookbook (1998) ISBN 978-0751304398
- Noodles: The New Way (2000) ISBN 978-0375504365
- New Wave Asian (2002) ISBN 978-1903845783
- Sri Owen's Indonesian Food (2008) ISBN 978-1910496718
Pangharagoan
[suntiang | suntiang sumber]- Indonesian Food and Cookery, manarimo Langhe Ceretto Prize jo masuak nominasi Julia Child award.
- The Rice Book mamanangkan Andre Simon Memorial Award pado taun 1993.
- Sri Owen manarimo Lifetime Achievement Award pado bulan Juni 2017 dari Guild of Food Writers di London.[15]
Liek pulo
[suntiang | suntiang sumber]- Masakan Padang, khas suku Minangkabau
Rujuakan
[suntiang | suntiang sumber]- ↑ Sen, Mayukh (4 Mei 2017). "The Woman Who Changed the Way We Think About Indonesian Food". Food52. Diakses tanggal 9 Januari 2024.
- ↑ Rahman, Fadly (1 September 2020). "Tracing the origins of rendang and its development". Journal of Ethnic Foods. 7 (1): 28. doi:10.1186/s42779-020-00065-1
. ISSN 2352-6181.
- ↑ Dower, John W. (1986). War without mercy : race and power in the Pacific war (edisi ke-1st). New York: Pantheon Books. ISBN 0-394-50030-X. OCLC 13064585. https://www.worldcat.org/oclc/13064585.
- ↑ a b Lestari, Sri (5 Juli 2018). "Sri Owen mengenalkan masakan Indonesia lewat buku". BBC News Indonesia. Diakses tanggal 9 Januari 2024.
- ↑ "A lifetime's love of food: Sri Owen's favourite Indonesian recipes". South China Morning Post (dalam bahasa Inggris). 8 Juni 2021. Diakses tanggal 9 Januari 2024.
- ↑ "Mixed with memories". Financial Times. 13 September 2008. Diakses tanggal 9 Januari 2024.
- ↑ Magazine, B. B. C. "Sri Owen, Perkenalkan Masakan Indonesia ke Dunia Lewat Buku". detiknews (dalam bahasa Indonesia). Diakses tanggal 9 Januari 2024.
- ↑ "OFM 50 best cookbooks: The Rice Book". The Observer. 13 Agustus 2010. Diakses tanggal 9 Januari 2024.
- ↑ Clark, Melissa (1 November 2021). "Traveling the World for Recipes, but Always Looking for Home". The New York Times (dalam bahasa Inggris). ISSN 0362-4331. Diakses tanggal 9 Januari 2024.
- ↑ "Bali scores gastro-points with 'indescribable' roast duck". Nikkei Asia (dalam bahasa Inggris). Diakses tanggal 9 Januari 2024.
- ↑ Stewart, Kayla (27 Oktober 2020). "Capturing the Heat and Crunch of Indonesian Cooking". The New York Times (dalam bahasa Inggris). ISSN 0362-4331. Diakses tanggal 9 Januari 2024.
- ↑ Brehaut, Laura (26 Februari 2021). "'It's always a feast': In Coconut and Sambal, chef Lara Lee shares recipes from her Indonesian kitchen". National Post (dalam bahasa Inggris). Diakses tanggal 9 Januari 2024.
- ↑ Gold, Amanda (14 Januari 2009). "Autobiography captures flavors of Indonesia". SFGATE (dalam bahasa Inggris). Diakses tanggal 9 Januari 2024.
- ↑ "The Woman Who Changed the Way We Think About Indonesian Food". Food52 (dalam bahasa Inggris). 4 Mei 2017. Diakses tanggal 9 Januari 2024.
- ↑ "Awards 2017 Winners". Guild of Food Writers. 23 Juni 2017. Diakses tanggal 9 Januari 2024.
