Suzuki Fronte

Fronte 360 sedan
Panjalehan
Tahun dibuek	03.1967–10.1970
Kantua cabang	Kosai Assembly Plant, Hamana-gun, Shizuoka, Japan
Badan jo karangko
Bantuak oto	2-door sedan
Masin oto	RR layout
Tanago oto
Masin	356 cc LC10 two-stroke I3 475 cc LC50 two-stroke I3 (export only)
Tipe papindahan gigi	4-speed manual
Ukuran bagian oto
Sumbu roda	1,960 mm (77.2 in)
Panjang oto	2,995 mm (117.9 in)
Leba oto	1,295 mm (51.0 in)
Tinggi oto	1,290 mm (50.8 in)
Barek oto	425 kg (937 lb)

Suzuki Fronte adolah salah ciek jinih oto nan di buek dek parusahaan oto Suzuki nan barado di negara Japang. Oto ko partamo kali di luncuan ka pasa pado tahun 1962. Bantuak oto nyo partamo tu babantuak sedan. Oto nan banamo Suzuki Fronte ko marupoan oto Suzuki nan partamo nan di jua di Indonesia pado tahun 1976. Oto Suzuki Fronte ko adolah salah ciek oto nan basajarah dari Suzuki di Indonesia, salain oto lainyo nan banamo oto Carry ST 10. PT. Suzuki Indomobil Motor marupoan parusahaan cabang dari Suzuki nan mangalola pamasaran Suzuki Fronte di Indonesia.^[1]

Awal mulo

Oto ko partamo kali di jua kapasaran pado bulan Maret tahun 1962. Namo lengkap oto ko iolah The Suzulight Fronte. Oto ko marupoan seri pambaharuan dari oto sabalumnyo nan banamo Suzulight SS. Oto ko di tahun partamonyo di paruntuakan sabagai oto untuak mangangkuik panumpang. Pada tahun 1963, Suzuki mangaluan produksi oto Suzuki Fronte nan di paruntuakan untuak balap oto. Oto tasabuik ikuik partamo kali pado kajuaaraan balap oto Grand Prix Jepang nan ikuik di kelas C1, yaitunyo kelas balao untuak oto nan batanago masin indak labiah dari 400 cc.^[2][3] Produksi oto generasi kaduo dimulai sakitar tahun 1967 nan katiko itu di agia namo Suzuki Fronte LC10. Kamudian Generasi katigo dimulai pulo pado tahun 1970 nan diagia namo jo Fronte LC10 Type II. Pado generasi nan katigo iko adonyo produksi oto Suzuki Fronte nan punyo desain nan panuah jo gaya yaitunyo Suzuki Sting Ray. Oto ko dipakiroan bahwasanyo namo dari Sting Ray ko marupoan namo nan mambari inspirasi panamoan oto LCGC Wagon R Sting Ray nan kamudian dipasarkan pado tahun 2014. Oto Suzuki Fronte LC20 alah ado di Japang samanjak tahun 1973 dan satiok tahun mangalami babarapo kali parubahan tampilan bantuak nyo. Pado tahun 1975, Suzuki akhianyo mangaluaan Fronte SS20 nan punyo spesifikasi masin 550 cc dari Daihatsu. Iko marupoan dampak dari parubahan regulasi Kei Car di negara Japang. Izin Completely Cnock Down (CKD) untuak Suzuki Fronte di Indonesia, tetap manggunoan LC20 supayo pajaknyo indak malonjak naik tinggi. Iko dapek manjadi sademikian rupo karano CKD dianggap alah indak bakalanjutan lai. Jinih masin nan digunoan tetap dari LC20 sahinggo versi Suzuki Fronte nan ado di Indonesia batipe Suzuki SS20 nan masinnyo batipe LC20. Pajak indaklah salah ciek alasan modifikasi mobil Suzuki Fronte di Indonesia. Alum ado adonyo aturan jo standar bateh emisi pambuangan gas asok kandaraan sarupo di negara Japang marupoan adonyo alasan mamodifikasi oto Suzuki Fronte di Indonesia. Karano itu pamasangan masin ketek iko ke badan oto Suzuki Fronte dek parusahaan Suzuki dianggapnyo legal.^[4]

Suzuki di Indonesia

Suzuki mulai bukak usaho di Indonesia samanjak tahun 1970. Partamo kali Suzuki di Indonesia ko hanyo manjua sapeda motor nan bamasin duo tak katiko otu. Pado tahun 1975 barulah dimulai pambuatan komponen-komponen kandaraan dek pabrik Suzuki nan barado di daerah Cakung.^[5] Sataun sasudahnyo, Suzuki Indonesia mulai manjua oto dari sabalumnyo hanyo manjua motor sajo. Oto nan partamo di jua dek Suzuki iolah oto Carry ST10 jo oto Suzuki Fronte LC20. ^[4] Oto Suzuki Fronte nan di jua di Indonesia hanyo oto nan punyo ampek pintu, babeda jo lua nagari nan dijua jo tipe duo pintu jo ampek pintu. Di Indonesia oto Suzuki Fronte ko diparuntuakan untuak mambawo panumpang.^[5]

Bantuak

Suzuki Fronte ko punyo duo bantuak yaitunyo oto nan duo pintu jo oto nan ampek pintu. Untuak warna oto ko tasadio duo piliahan warna, warna biru mudo jo warna ijau galok. Nan babeda jo oto lainnyo iolah latak sariangan hawo nyo, oto ko sariangan hawo nyo barado di bagian balakang oto. Ciri khas Suzuki Fronte iko adolah adonyo samacam logo tigo garih nan disabuik juo jo Progressive Triad nan tadapek di bagian sampiang balakang oto ko. Untuak mode kaco spion, oto ko manggunoan mode kaco spion corong nan bawarna itam. Oto ko manggunoan pelek ban nan baukuran 10 incih. Salanjuinyo, oto Suzuki Fronte ko punyo barek oto sakitar 540 kilogram.^[6][7]

Mode

Fronte 360 Sedan

Oto Suzuki Fronte 360 ko marupoan mode oto nan punyo duo pintu nan manyurupoi bantuak oto sedan. Oto ko dipakankan partamo kali pado bulan Maret 1967. Oto sabalumnyo manggantian oto pandahulu sabalumnyo yaitunyo oto Suzulight Fronte. Oto ko mampunyoi masin nan talatak di bagian balakang oto. Oto ko di produksi salah ciek nyo untuak basaiang jo oto lain yaitunyo oto subaru 360. Produksi oto ko malalui babagai pangujian bia hasia nan di dapek maksimal. Oto ko di uji cubo di lintehan atau jalur oto Suzuki di Ryūyō, Japang. Salanjuinyo, untuak ma uji katahan oto ko tahadok babagai cuaca, oto ko di uji tes cuaca tropis di negara Thailand sarato jo uji tes cuaca dingin di Pulau Hokaido, Japang. Untuak panjualan oto Fronte 360 ko, parusahaan ko basaiang jo babarapo oto lainyo sarupo Mitsubishi Minica, Daihatsu Fellow, jo Subaru 360.^{[8] [9] [10]}

Fronte 550

Oto Suzuki Fronte 550 ko tadiri ateh babagai banyak model pulo. Model-model dari oto ko yaitunyo Fronte 7-S, Fronte ss30/ss40, Fronte CN11S, joFronte CB71 . Oto Fronte 7-S mulai di jua pado tahun 1976. Oto ko punyo duo jo ampek pintu. Oto ko punyo gigi ampek. Oto Fronte aa30/ss40 ko di jua pado bulan Mai 1979 hinggo tahun 1984. Oto ko disabuik ju sabagai Suzuki FX. Oto ko punyo 5 pintu. Salain di Japang oto ko di Produksi oulo di Pakistan jo di Kenya. Oto Fronte CN11S marupoan oto nan dibuek pado tahun 1988 di Japang. Oto ko punyo limo pintu. Oto Fronte CB71 marupoan oto nan di produksi samanjak tahun 1984 hinggo tahun 2018. Oto ko di buek juo di Chino jo di Pakistan. Pado tahun 1994, oto ko baganti namo jo namo Mehran di Pakistan.^{[11] [12]}

Spesifikasi

Oto Suzuk Archived 2022-06-29 di Wayback Machine.i Fronte ko manggunoan masin duo tak nan punyo tigo salinder sarato jo aia pandingin untuak masin. Kapasiteh masin nan digunoan hanyo 360 cc. Oto iko manggunoan panggarak roda balakang sarato jo latak masin nan barado di bagian balakang oto. Pangaturan suplai bahan baka ka dalam masin manggunoan karburator nan dilatakkan pado posisi mandata atau rabah. Tanago maksimum nan dapek ditampuah adolah 33,5 Hourse Power pado kacepatan 6000 Rpm jo torsi 41 Newton meter pado 4500 Rpm. Jinih transmisi nan digunoan adolah transmisi manual 4 buah gigi. Jinih transmisi iko manyarupoi transmisi oto pado tahun 1970-an. Di Indonesia, Suzuki Fronte hanyo ado jo model nan 4 pintu, sadangkan di lua Indonesia, Suzuki Fronte dijua juo dalam bantuak coupe atau 2 pintu. Ado duo pilihan warna untuak oto iko, yaitunyo warna biru mudo jo warna ijau galok. Ciek nan manjadi ciri khas dek oto iko adolah adonyo lubang hawo di bagian balakang oto. Bagian mungkonyo manggunoan kaco spion tanduak nan babantuak corong bawarna itam. Kaki-kakinyo manggunoan coil spring di bagian mungko sarato jo semi-trailing arm ditambah pulo jo coil spring di bagian balakang oto. Pelek roda nan digunoan adolah pelek nan baukuran 10 inci. Barek barasiah dari oto Suzuki Fronte ko jo muatan 4 urang panumpang adolah sakitar 545 Kilogram.^[4]

Rujuakan

1. "Fakta Suzuki Fronte". twitter.com. Diakses tanggal 04 Mei 2020.  Parameter |first1= tanpa |last1= di Authors list (bantuan); Periksa nilai tanggal di: |access-date= (bantuan)
2. (dalam bahaso Japanese). Tokyo: Yaesu Publishing. 4 Nopember 2007. p. 59. ISBN 978-4-86144-083-0. 
3. "JAMA -JAMAGAZINE-". web.archive.org. 2013-10-02. Diarsipkan dari versi asli tanggal 2013-10-02. Diakses tanggal 2020-05-04. 
4. Alfan, Charis (14 Agustus 2016). "Suzuki Fronte LC20 SS20". mobilmotorlama.com. Diakses tanggal 04 Mei 2020.  Periksa nilai tanggal di: |access-date= (bantuan)
5. "Sejarah Suzuki Di Indonesia". garasi.id. 15 Juni 2019. Diakses tanggal 04 Mei 2020.  Parameter |first1= tanpa |last1= di Authors list (bantuan); Periksa nilai tanggal di: |access-date= (bantuan)
6. Arya, Amos (20 Oktober 2017). "Desain Eksterior Suzuki Ignis Sudah Turun Temurun". otospirit.com. Diakses tanggal 04 Mei 2020.  Periksa nilai tanggal di: |access-date= (bantuan)
7. Momot, Ivan Casagrande (26 Oktober 2017). "Lihat Langsung Nenek Moyang Suzuki Ignis di Jepang. Ini Lho Ciri Khususnya!". gridoto.com. Diakses tanggal 04 Mei 2020.  Periksa nilai tanggal di: |access-date= (bantuan)
8. (dalam bahaso Japanese) Car Graphic: Car Archives Vol. 5, '70s Japanese Cars. Tokyo: Nigensha. 4 Nopember 2007. p. 140. ISBN 978-4-544-09175-5. 
9. Ozeki, p. 28
10. Schoenmaker, Johan (2015-02-26). "Suzuki Fronte Geschiedenis" [The history of the Suzuki Fronte] (dalam bahasa Dutch). Suzuki klassiekers. Diarsipkan dari versi asli tanggal 2016-08-15. Pemeliharaan CS1: Bahasa yang tidak diketahui (link)
11. Meyer, p. 9
12. Mastrostefano, Raffaele, ed (1985) (dalam bahaso Italian). Quattroruote: Tutte le Auto del Mondo 1985. Milano: Editoriale Domus S.p.A. p. 225. ISBN 88-7212-012-8.