Ula kapalo-duo
 | Artikel ko indak ado rujuakan sumber tapicayo jadi isinyo indak dapek dipastian. Bantulah mamelok-i artikel ko jo manambahkan rujuakan nan layak. Artikel nan indak dapek diverifikasi ka dihapuih bilo-bilo maso dek Panguruih. |
Ula kapalo-duo atau ula-pipa ikua-sirah (bahaso Inggirih: Red-tailed Pipe Snake, Common Pipe Snake atau Two-headed Snake) adolah sajinih ula primitif panggali liang nan mauni tanah subua dan lambok di kawasan tropis Asia Tenggara. Ula iko disabuik "ulaa kapalo-duo" karano bantuak ikuanyo nan tumpua dan leba, hampia mirip jo bantuak kapalo aslinyo. Pabedaannyo, pado bagian bawah ikuanyo barono sirah tarang, sadangkan bagian bawah kapalanyo barono kaputihan.
Ula iko juo disabuik jo namo-namo lokal, di antaronyo: oray totog atau oray teropong (Sunda), majara (Toraja), ulaa galenggang, dan lain-lain. Namo ilmiahnyo adolah (bahaso Latin: Cylindrophis ruffus) (Laurenti, 1768). Namo marganyo surang, Cylindrophis berasal dari duo kato, yaitu kylinder = "batang panggiliang" atau "pipa tabuang", dan ophis = "ula", samantaro namo spesifiknyo, ruffus, yang artinyo "kamerah-merahan", marujuak pado pola balang-balang barono sirah tarang atau oranye yang tadapaik di kaduo sisi badannyo, dari lihia hinggo ikua.
Panganalan
[suntiang | suntiang sumber]Panjang tubuh ula kapalo-duo dewasa dapek mancapai 1 meter, namun spesimen nan acok ditamukan panjangnyo indak labiah dari 70 cm. Panampang tubuhnyo babantuak silindris, jo ikua nan pendek dan babantuak tumpua, sangek saroman jo bantuak kapalonyo dan nyaris indak bisa dibedakan. Kapalo dan lihia indak dapek dibedakan. Matonyo baukuran ketek.
Tubuh bagian ateh barono dasar hitam jo balang-balang barono sirah tarang atau jingga/oranye di kaduo sisi badannyo, dari lihia hinggo ikua. Kapalo barono hitam. rono-rono tarang iko acok mamuda atau mailang setiok batambahnyo umua dan ukuran tubuhnyo, sahinggo ula nan alah bakambang mamiliki rono dominan kahitaman. Sisi bawah tubuh (ventral) barono hitam jo balang-balang putiah nan baselang-seling agak baaturan, takadang pola balang hitam-putih itu manyarupai kotak-kotak hitam-putih pado papan catur. Bagian bawah ikua barono sirah tarang, mambueknyo acok disangko sabagai ula cabai (Maticora intestinalis) yang babiso.