Yuni adolah pilem drama Indonesia tahun 2021 nan disutradarai jo ditulih dek Kamila Andini. Pilem ko marupoan proyek pilem nan disiapan sajak tahun 2017 jo diproduksi dek Fourcolours Films jo produser Ifa Isfansyah. Tokoh Yuni diparanan dek Arawinda Kirana, nan marupoan debut layar lebarnyo jo berhasil mamanangan Piala Citra untuak Pameran Utama Perempuan Terbaik.[1]
Yuni (Arawinda Kirana) saurang gadih píntar nan punyo mimpi gadang. Impiannyo nio kuliah satinggi-tingginyo. Suatu hari, Yuni dilamar dek saurang laki-laki nan indak inyo kenal. Yuni manulak lamaran tu sahinggo manjadi bahan pambicaroan urang-urang disakitarnyo. Lamaran kaduo pun tibo, Yuni masih manulak jo labiah mamantiangan untuak manggapai cita-citanyo. Namun, ado sabuah mitos nan menghantuinyo basonyo kalau saurang gadih manulak duo kali lamaran, inyo indak akan pernah manikah salamonyo. Dek masalah mitos samo tekanan nan dirasoan dek Yuni, inyo jadi harus baurusan jo Yoga (Kevin Ardilova), kawan samaso keteknyo nan pamalu, Pak Damar (Dimas Aditya), jo guru sastra favoritnyo di sikolah.[1]
Dilansir dari akun Instagram Ifa Isfansyah, produser sarato suami dari Kamila Andini, proyek ko mulai diinisiasi sajak 2017 katiko asisten rumah tangganyo nan masih mudo mintak izin untuak pulang kampung. Asistennyo tu akan amnjadi saurang nenek dek anaknyo nan masih mudo akan malahian sasudah manikah di umua nan masih mudo. Sajak itu Kamila Andini tahu apo nan harusnyo suaroan di pilem salanjuiknyo. Inyo punyo duo anak padusi mayoritas remaja Indonesia na indak tingga di kota gadang nan manjadi urgensinyo untuak dicaritoan tantang Yuni, saurang remaja padusi nan punyo mompi gadang tapi tapi hidup di dunia sakitarnyo nan samakin mangetek.[1]
Produksi pilem ko adolah Fourcolours Films bakarajo samo jo Akanga Film Asia (Singapura), Manny Films (Perancis) jo Kedai Film (Indonesia) sarato didukuang dek Cercamon World Sales. Pilem ko mandapek dukuangan pandanaan dari Infocomm Media Development Authority (IMDA), Singapore Film Comission, Aide Aux Cinémas Du Monde CNC France, Visions Sud Est Switzerland, Purin Pictures Thailand, MPA-APSA Academy Film Fund Australia jo taseleksi manjadi bagian dari Torino Film Lab di Italia. Indak lamo sudah tu, pado Januari 2021 rumah produksi pilem tanamo di Indonesia, Starvision Plus malalui sang produser Ir. Chand Parwez Servia di Instagram pribadinyo, maumuman basonyo inyo resmi bagabuang sabagai ko-rumah produksi untuak mandistribusian pilem Yuni di Indonesia.[2]
Pilem Yuni maambiak setting di daerah Banten, dialog antar tokohnyo babahaso Jawa Banten jo Sunda Banten. Salain artis nasional, pilem ko tadiri dari banyak pamain jo kru lokal dari Banten. Untuak panggarapan pilem ko, para artis manjalani palatihan dialek bahaso daerah Banten. Kamila Andini baralasan manggunoan bahaso daerah di Banten dek karano pilem panjang nan manggunoan bahaso ko sangaiklah minim bahkan nyaris indak ado.[2]
Pilem Yuni tayang patamo kali jo bakompetisi di ajang Festival Film Internasional Toronto 2021. Pado acara tu bakompetisi pulo tujuah pilem tapiliah lainnyo dari sajumlah negara, sarupo Seperti Dendam, jo Rindu Harus Dibayar Tuntas.[2] Dalam ajang tu pulo pilem Yuni berhasil mamanangan panghargoan Platform Prize.[3] Pilem ko tayang pulo patamo kali di ajang Festival Film Internasional Busan 2021 dalam program A Window on Asian Cinema basamo pilem lainnyo sarupo Seperti Dendam, Rindu Harus Dibayar Tuntas, Penyalin Cahaya, jo Laut Memanggilku. Di Indonesia, pilem Yuni tayang di bioskop pado 9 Desember 2021. Pado 3 Februari 2022, malalui rumah produk Antisipasi Pictures Singapore, pilem Yuni tayang.[4]
Pilem Yuni basamo parusahaan produksi PT. Forka Sejahtera Nusantara tamasuak ciek dari 22 panarimo bantuan pamarintah Kementerian Pariwisata jo Ekonomi Kreatif Republik Indonesia untuak promosi pilem nan mancapai Rp 1,5 miliar dalam lingkup program Pemulihan Ekonomi Nasional (PEN) dek pandemi Covid-19 di Indonesia.[4]
| Tahun | Penghargaan | Kategori | Penerima | Hasil |
|---|---|---|---|---|
| 2021 | Festival Film Internasional Toronto | Platform Prize | Fourcolours Films | Manang |
| Festival Film Indonesia | Film Cerita Panjang Terbaik | Ifa Isfansyah & Chand Parwez Servia | Nominasi | |
| Sutradara Terbaik | Kamila Andini | Nominasi | ||
| Pemeran Utama Perempuan Terbaik | Arawinda Kirana | Manang | ||
| Pemeran Pendukung Pria Terbaik | Dimas Aditya | Nominasi | ||
| Pemeran Pendukung Perempuan Terbaik | Asmara Abigail | Nominasi | ||
| Penulis Skenario Terbaik | Kamila Andini & Prima Rusdi | Nominasi | ||
| Penyunting Gambar Terbaik | Cesa David Luckmansyah | Nominasi | ||
| Penata Efek Visual Terbaik | Nara Dipa | Nominasi | ||
| Penata Suara Terbaik | Sutrisno & Wahyu Tri Purnomo | Nominasi | ||
| Penata Musik Terbaik | Mar Galo & Ken Jenie | Nominasi | ||
| Pencipta Lagu Tema Terbaik | Umar Muslim – Musikalisasi puisi karya Sapardi Djoko Damono "Hujan Bulan Juni" | Nominasi | ||
| Pengarah Artistik Terbaik | Budi Riyanto Karung | Nominasi | ||
| Penata Busana Terbaik | Hagai Pakan | Nominasi | ||
| Penata Rias Terbaik | Eba Sheba | Nominasi | ||
| Festival Film Tempo | Film Pilihan | Ifa Isfansyah & Chand Parwez Servia | Nominasi | |
| Sutradara Pilihan | Kamila Andini | Nominasi | ||
| Aktris Pilihan | Arawinda Kirana | Manang | ||
| Aktor Pendukung Pilihan | Kevin Ardilova | Nominasi | ||
| Aktris Pendukung Pilihan | Asmara Abigail | Nominasi | ||
| Marissa Anita | Nominasi | |||
| Skenario Pilihan | Kamila Andini & Prima Rusdi | Nominasi | ||
| Red Sea International Film Festival | Silver Yusr Award For Best Actress | Arawinda Kirana | Manang |