CH-ѕвезда

CH-ѕвезда — вид на јаглеродна ѕвезда која се одликува со присуството на исклучително силни впивни појаси поради присуството на CH (метилидин) во нејзиниот спектар. Му припаѓа на населението II,[1] што значи дека е слаба со метали и средовечна. Важи за недоволно сјајна во споредба со класичните јаглеродни ѕвезди (C–N). Поимот „CH-ѕвезда“ го вовел Филип Ч. Кинан во 1942 г. како подвид на класата C што се применува за јаглеродни ѕвезди. Главната молекуларна одлика по која се распознаени првите пет CH-ѕвезди е Фраунхоферовиот појас G.[2]

Во 1975 г. Јашуо Јамашита забелжал дека некои поврели јаглеродни ѕвезди покажувале типични спектарски одлики на CH-ѕвезда, но без истите кинематички својства — ги немале истите просторни брзини својствени за постарото ѕвездено население. Овие се наречени CH-видни ѕвезди.[3] Многу CH-ѕвезди се членови на двојни ѕвездени системи, и разумно е да се претпостави дека ова е (или билп) случај со сите CH-ѕвезди. Како и бариумските ѕвезди, тие веројатно се производ од пренос на маса од поранешниот класичен јаглероден придружник (сега изродено бело џуџе) во сегашната CH-ѕвезда.[4]

Наводи

[уреди | уреди извор]
  1. ↑ McClure, Robert D.; Woodsworth, A. W. (1 април 1990), „The binary nature of the barium and CH stars. III - Orbital parameters“, Astrophysical Journal, Part 1, 352: 709–723, Bibcode:1990ApJ...352..709M, doi:10.1086/168573.
  2. ↑ Hearnshaw, John B. (2014), The Analysis of Starlight: Two Centuries of Astronomical Spectroscopy (2. изд.), Cambridge University Press, стр. 233, ISBN 978-1107782914.
  3. ↑ Sperauskas, J.; и др. (јули 2016), „The Binary Nature of CH-Like Stars“, The Astrophysical Journal, 826 (1): 13, Bibcode:2016ApJ...826...85S, doi:10.3847/0004-637X/826/1/85, 85.
  4. ↑ Goswami, Aruna (2005). „CH stars at high Galactic latitudes“. Monthly Notices of the Royal Astronomical Society. 359 (2): 531–544. arXiv:astro-ph/0507202. Bibcode:2005MNRAS.359..531G. doi:10.1111/j.1365-2966.2005.08917.x. S2CID 14521922.

Надворешни врски

[уреди | уреди извор]