Автор | Оноре Д'Орфе |
---|---|
Изворен наслов | L'Astrée |
Земја | Франција |
Јазик | француски |
Жанр | пасторален роман |
Издадена | 1607–1627 |
Астреја (француски: L'Astrée) — пасторален роман од францускиот писател Оноре Д'Орфе, објавен во периодот 1607–1627.[1] Веројатно најзначајното книжевно дело во француската литература од 17. век, Астреја била ословена како „роман од романи“ поради обемноста (шест томови, 40 приказни на 5399 страници), но и поради успехот низ цела Европа. Била преведена на повеќе светски јазици и читана на секое судење. И денес се печати во бројни примероци, во целосна и скратена верзија. Првите три делови биле објавени во 1607, 1610 и 1619. По смртта на Д'Орфе во 1625, четвртиот дел бил довршен од Балтазар Баро, а Пјер Бојтел имал придонес во петтиот и шестиот дел,[2] кои најчесто се бројат како еден дел.
Содржината е сложена, но главната приказна е за љубовта помеѓу овчарот Селадон и селанката Астреја од француската провинција Форез во V век. Перфидните политички амбиции на другите ликови создаваат незгоди за двојката и го чинат поголемиот дел од заплетот. Дејството е често прекинувано од раскажување за минатото на ликовите, кое иако не е директно поврзано со главната приказна, служи за објаснување на околината во која тие живеат. Описот на Д'Орфе за Форез е доста детален и веродостоен на реалниот изглед. Љубовта на Селадон била опишана како чисто духовна од филозофот Шарл Фурние во неговото дело Теорија на четирите движења.[3][4] Книгата била преработена во филм од страна на режисерот Ерик Ромер, и во опера од композиторот Жерар Песон.