Баласана

Баласана или детска поза

Баласана (санскрит: बालासन) или детска поза,[1] — клекната асана во современите јога вежби. Баласана е спротивна (контра) асана за различни асани и обично се практикува пред и после сирсасана.[2]

Етимологија и потекло

[уреди | уреди извор]

Името доаѓа од санскритските зборови बाल бала, „дете“ и आसन асана, „држење“ или „седиште“.[3] Баласана не била опишана се до 20 век; одредена слична поза се појавува во Примарната гимнастика на Нилс Бук од 1924 година.[4][5] Ананда баласаната е илустрирана како кандукасана (поза во форма на топка) во Сритатваниди од 19 век.[6]

Опис

[уреди | уреди извор]

Од клекната положба, спуштете го челото на подот и опуштете ги рацете покрај телото, со дланките свртени нагоре.[7]

Варијации

[уреди | уреди извор]
Зајачка поза

Доколку е потребно, и во тек на бременост, колената можат да бидат раширени.[7] Рацете можат да бидат испружени напред пред главата.[8] Ако се појави непријатност во вратот и рамената, може да се стави ќебе свиткано во ролна на задниот дел од потколениците и челото да се потпре на подлактиците.[9]

Утана шишосана или „Проширена кучешка поза“ се изведува со истегнување нанапред од позиција на сите четири екстремитети, додека подлактиците и челото не допрат до подот, а бутовите останат во вертикална положба. Оваа асана претставува премин позиција помеѓу баласана и адо мука шванасана (Надолна кучешка поза).[10]

Парсва баласана (санскрит: बालासन, позната како „Странична детска поза“),[11] а понекогаш наречена суцирандрасана (सुचिरंध्रासन), што значи „Окото на иглата поза“ или „Поза на игла со нишка“, се изведува со поставување на главата и стапалата како во баласана, колената се свиткани, колковите подигнати и едно рамо останува на подот. Едната рака е испружена пред лицето, формирајќи прав агол со телото и допирајќи го подот. Другата рака може да биде испружена нанапред над главата, свиткана зад грбот или подигната вертикално во воздух.[12]

Слични пози

[уреди | уреди извор]

Шасангасана (शसांगासन) или „Зајачка поза“, практикувана во Бикрам јогата, се изведува со опашната коска нагоре, додека бутовите не се исправат и главата и рацете се насочени назад кон стапалата, создавајќи интензивно виткање на 'рбетот.[13]

Поврзано

[уреди | уреди извор]

Наводи

[уреди | уреди извор]
  1. ↑ „Child's Pose“. Yoga Journal. Архивирано од изворникот на 11 May 2011. Посетено на 2011-04-09.
  2. ↑ „4 Counter Poses to Do Before and After Headstand“. Virginia is for Yoga Lovers. Архивирано од изворникот на 27 November 2016. Посетено на 2016-11-27.
  3. ↑ Sinha, S. C. (1996). Dictionary of Philosophy. Anmol Publications. стр. 18. ISBN 978-81-7041-293-9.
  4. ↑ Singleton, Mark (2010). Yoga body : the origins of modern posture practice. Oxford University Press. стр. 200. ISBN 978-0-19-539534-1. OCLC 318191988.
  5. ↑ Bukh, Niels (2010) [1924]. Primary Gymnastics. Tufts Press. стр. 32. ISBN 978-1446527351.
  6. ↑ Sjoman, Norman E. (1999) [1996]. The Yoga Tradition of the Mysore Palace (2nd. изд.). Abhinav Publications. стр. 15, 70, plate 1 (pose 6). ISBN 81-7017-389-2.
  7. ↑ 7,0 7,1 Lidell, Lucy; The Sivananda Yoga Centre (1983). The book of yoga. Ebury. стр. 37, 161. ISBN 978-0-85223-297-2. OCLC 12457963.
  8. ↑ Anon (28 August 2007). „Child's Pose“. Yoga Journal. Посетено на 10 February 2019.
  9. ↑ Ashworth, Kathryn. „3 Variations to Try When Child's Pose Doesn't Feel Like a Resting Pose“. Yoga International. Посетено на 17 March 2019.
  10. ↑ Anon (28 August 2007). „Extended Puppy Pose“. Yoga Journal. Посетено на 10 February 2019.
  11. ↑ „Threaded Needle: Parsva Balasana“. Inspire Yoga. Посетено на 25 November 2022.
  12. ↑ „Eye of the Needle: Sucirandhrasana“. Yoga Basics. Посетено на 25 November 2022.
  13. ↑ „Learn Sasangasana (Rabbit Pose)“. Yoga International. Посетено на 23 April 2019.

Надворешни врски

[уреди | уреди извор]