Циклонот Пер е моќна бура со тропски ветрови која го погодила западниот брег на Шведска и Норвешка, утрото на 14 јануари 2007 година. Во Шведска од невремето загинале шест лица, а без струја останале приближно 300.000 домаќинства.
Бурата била официјално именувана како циклон Хано од Слободниот универзитет во Берлин, кој ги именува сите области со низок притисок што ја зафаќа Европа, додека бурата била наречена Пер од Норвешката метеоролошка служба, која ги именува сите силни бури што ја погодуваат Норвешка.
Маж на 60-годишна возраст загинал кога неговиот автомобил бил погоден од дрво што паднало во округот Јеншепинг на 14 јануари. Жена која патувала со него се здобила со полесни повреди.[1]
9-годишно момче во Мотала починало откако дрво паднало врз него околу пладне на 14 јануари.[2]
24-годишен камионџија загинал во Уларед кога камионот го удрил дрво на 14 јануари.[3]