Вељко Антонијевиќ (р. 28 мај 1992 година) е српски фудбалер од средниот ред кој моментално игра за ФК Динамо од Врање во Првата српска лига.
Вељко Антонијевиќ е роден во Рашка.[1] Тој пристигнал во клубот Слога од Ваљево од локалниот клуб Бане. По игрите во младинските категории, тој го одиграл својот прв натпревар за првиот тим на Слога во сезоната 2010–11 во Српската лига Запад. На почетокот на сезоната можноста најчесто ја добивал како резервен играч од клупата, но подоцна, во втората полусезона, често ги започнувал натпреварите од почетокот. Во својата прва сениорска сезона, тој одиграл 19 лигашки натпревари и постигнал 1 гол.[2] Против тимот на Црвена ѕвезда од Белград.[3] во купот на Србија Антонијевиќ бил резервен играч и не влегол во игра.
За сезоната 2011–12, Антонијевиќ бил стандарден првотимец, го носел со дресот со број 8. На теренот играл по десната страна во средниот ред. До 19то коло бил стандарден, но подоцна се повредил. Поради повредата не играл до 25то коло. Во 25 коло настапил, но во 23та минута ја обновил повредата.[4] 3 од вкупно 19 натпревари започнал од клупата, а 12 пати бил заменет во текот на натпреварите. Тој постигнал 2 гола, еден против тимот на Младеновац[5] и другиот против екипата на Раднички од Сомбор,[6] и двата на домашен терен.
Откако ја санирал повредата, Антонијевиќ ја започнал сезоната во првите 11 играчи. Подоцна повторно му се јавиле проблемите од истата повреда, па играл со променлив квалитет. Во натамошниот тек на сезоната често пати бил резервен играч и ја добивал минутажата од клупата. Тоа се случило од 18 коло па до 26 коло. Иако пропуштил подобар дел од сезоната, поради повреда, сепак одиграл 25 натпревари во кои придонел тимот да опстои во лигата. Во тој период клубот бил член на српската прва лига.[7]
Повеќето играчи од претходната сезона го напуштиле клубот на Слога од Ваљево,и место во тимот обезбедиле играчи од градот Краљево и околината како и од младинскиот тим. Само мал дел биле поискусни играчи. Тренерот Вељко Доведан го вклучил Антонијевиќ во стартните 11 играачи. Тој зедно со соиграчите имале огромни заслуги за вкупно 7 победи во првата полусезона и нерешениот резултат против тимот на Војводина во купот. Вељко имал 28 лигашки настапи и тоа сите како стартер, а постигнал 2 гола. Еден од тие два гола бил оној директно од корнер, против екипата на БСК од Борча.[8]
Првиот натпревар во сезоната 2014-15 Антонијевиќ го пропуштил поради суспензија од жолти картони.[9] Започнувајќи од вториот натпревар, против клубот на Бачка од Бачка Паланка, ги одиграл сите 14 натпревари, до крајот на првата полусезона. Тој постигнал 1 гол против тимот на Бачка, од директен слободен удар на домашен терен. Овој натпревар тимот на Слога го загубила со резултат од 1:4.[10] Како еден од најискусните играчи во тимот сменил многу позиции на теренот. Тој играл на својата почетна позиција како десен играч од средниот ред, но играл и како десен бек, или како централен и офанзивен играч за врска. По завршувањето на договорот и по завршувањето на првата полусезона го напуштил клубот на Слога.[11]
Антонијевиќ потпишал со клубот на Јагодина во јануари 2015 година.[12] Главно натпреварите ги минувал на клупата за резервни играчи, но дебитирал во Јелен Суперлигата играјќи во 29 коло од првенството, против тимот на Раднички од Крагуевац.[13] Тој бил заменет од клупата на натпревар против ОФК Београд, иако постигнал гол на тој натпревар.[14] По една година помината во тимот на Јагодина, Антонијевиќ го раскинал договорот и го напуштил клубот во јануари 2016 година.[15]
| Клуб | Сезона | Лига, натпревари и постигнати голови | Куп натпревари | Континентални Европски натпревари | Други | Вкупно | ||||||
|---|---|---|---|---|---|---|---|---|---|---|---|---|
| Лига | Натпревари | Голови | Натпревари | Голови | Натпревари | Голови | Натпревари | Голови | Натпревари | Голови | ||
| Слога Краљево | 2010–11 [2] | Лига Запад | 19 | 1 | 0 | 0 | - | - | 19 | 1 | ||
| 2011–12 | Прва лига | 19 | 2 | - | - | - | 19 | 2 | ||||
| 2012–13 | 25 | 0 | 0 | 0 | - | - | 25 | 0 | ||||
| 2013–14 | 28 | 2 | 1 | 0 | - | - | 29 | 0 | ||||
| 2014–15 | 14 | 1 | 0 | 0 | - | - | 14 | 1 | ||||
| Вкупно | 105 | 6 | 1 | 0 | - | - | 106 | 6 | ||||
| Јагодина | 2014–15 | Суперлига | 2 | 1 | - | - | - | 2 | 1 | |||
| 2015–16 | 4 | 0 | 1 | 0 | - | - | 5 | 0 | ||||
| Вкупно | 6 | 1 | 1 | 0 | - | - | 6 | 1 | ||||
| БСК Борча | 2015–16 | Прва лига | 11 | 0 | - | - | - | 11 | 0 | |||
| 2016–17 | 0 | 0 | 0 | 0 | - | - | 0 | 0 | ||||
| Вкупно | 11 | 0 | 0 | 0 | - | - | 11 | 0 | ||||
| Вкупно во кариерата | 122 | 7 | 2 | 0 | - | - | 124 | 7 | ||||