Диме Тасовски

Диме Тасовски
Позиција	Kрилен центар
Висина	2,00 м
Тежина	кг
Број	10
Роден	8 ноември 1980(1980-11-08) (44 г.) Титов Велес, СР Македонија, СФРЈ
Националност	Македонец
Проф. кариера	1996–2021
Клубови
1996-2003	Жито Вардар
2003	Вардар
2004-2007	Работнички
2007-2008	Струмица 2005
2008-2009	Работнички
2009	Политехна Халикина
2010	Трепча
2010-2011	Фени Индустри
2011	Работнички
2012-2014	Лирија
2014-2015	Карпош Соколи
2015-2016	Струмица
2016-2017	Работнички
2017-2021	Гостивар
Репрезентација
Инфо од: 01.06.2021.

Диме Тасовски (роден на 2 ноември 1980 во Велес) — македонски поранешен кошаркар и репрезентативец. Тој настапувал на позицијата крилен центар и поголемиот дел од неговата играчка кариера го поминал во клубовите од Првата македонска кошаркарска лига. Иако е роден во Велес, тој е израснат во Градско, од каде е неговото семејство.

Кариера

На почетокот на неговата кариера, тој бил именуван под презимето Тасов.^[1] Тасовски ја започнал кариерата во младинските екипи на Жито Вардар во Велес. Своето прво првенствено финале било во сезоната 1996/97 со Жито Вардар, кое Тасовски го загубил од Годел Работнички.^[2] Огромниот подем во неговата игра се случил кога на чело на велешкиот суперлигаш дошол српскиот стручњак Михајло Увалин, кој му дал целосна слобода во играта. Во 2001 и 2002 година, заедно со Александар Димитровски, бил носител на играта на Жито Вардар, но клубот набрзо се распаднал поради финансиска криза. Тасовски ја прифатил понудата од Вардар Осигурување и продолжил со блескавите игри. Тоа било препорака Фершпед Работнички да го ангажира за претстојните натпревари во Купот на ФИБА и во вториот дел од домашното Првенство. Во втората сезона со Фершпед Работнички, Тасовски по вторпат ја освоил двојната круна, а бил прогласен и за МВП на Купот.^[3] Во сезоната 2006/2007 со Фершпед Работнички станал вицешампион во Првенството, откако во финалето загубиле од Струмица 2005. За следната 2007/2008 сезона, Диме потпишал за тогашниот шампион Струмица 2005,^[4], но и таму бил вицепрвак во Првенство и Купот, овој пат губејќи од Фени Индустри. Диме се вратил во Фершпед Работнички во 2008 година,^[5] притоа повторно освојувајки ја титулата во Првенството.^[6] По една сезона во Работнички, Тасовски го прекинал договорот и потпишал за украинска Политехна Халикина, играјќи таму една полусезона.^[7] Втората полусезона ја одиграл во косовскиот клуб Трепча од Косовска Митровица.^[8] Сезоната 2010/2011 ја одиграл во Фени Индустри каде го освоил Првенството и Балканската лига.^[9] Во 2011 година, Тасовски повторно потпишал за Работнички.^[10] На полусезона го напуштил Работнички и се преселил во Лирија.^[11] Со Лирија, Диме Тасовски стигнал до финалето во Купот на Македонија 2014.^[12] По распаѓањето на Лирија поради немање своја сала, Диме го напуштил клубот и потпишал за Карпош Соколи.^[13][14] За сезоната 2015/16, тој потпишал за КК Струмица.^[15][16] На крајот на јануари 2016 година, Диме ја напуштил Струмица и по четврти пат потпишал за Работнички.^[17][18][19] Во август 2017 година Диме потпишал за новиот прволигаш Гостивар.^[20] За сезоната 2018/19, Тасовски продолжил во редовите на Гостивар.^[21] Тасовски и Гостивар, во јули 2019 година, се договориле за уште една сезона.^[22][23] За сезоната 2020/21, тој продолжил да игра во редовите на Гостивар за уште една сезона,^[24] најавувајќи потоа негово пензионирање.^[25][26] По елиминирање на Гостивар во четвртфиналето во разигрувањето во мај 2021 година, како што било најавено, тој се пензионирал од професионалното играње кошарка.^[27]

Репрезентативна кариера

Македонската кошаркарска репрезентација заедно со Диме Тасовски се вратила во европската А-дивизија, а тој бил еден од најдобрите поединци во победите над Австрија. Диме бил во селекцијата за време на Евробаскетот 2009.^[28]

Успеси

Титули Работнички Прва македонска лига (4) : 2003/04, 2004/05, 2005/06, 2008/09 Куп на Македонија (3) : 2004, 2005, 2006 Суперкуп на Македонија (1) : 2011 Струмица 2005 Суперкуп на Македонија (1) : 2007 Фени Индустри Прва македонска лига (1) : 2010/11 Балканска лига (1) : 2010/11

Признанија Најдобар домашен кошаркар за 2005 година[29][30][31] Најкорисен играч на финалето во Купот на Македонија - издание 2005[32] Најкорисен играч на разигрувањето во лигата 2005/06[33][34] Прва најдобра петорка на сезоната 2006/07[35] Најдобра домашна петорка на сезоната 2006/07[35] Најкорисен играч во Суперкупот на Македонија - издание 2007[36] Прва најдобра петорка на сезоната 2007/08[37] Најдобра домашна петорка на сезоната 2007/08[37] Најкорисен играч на финалето во лигата 2008/09[38] Почесно споменување во сезоната 2010/11[39] Eurobasket.com - Трета најдобра петорка на сезоната 2013/14 Eurobasket.com - Најдобра домашна петорка на сезоната 2013/14 Домашен играч на сезоната 2016/17[40] Втора најдобра петорка на сезоната 2016/17[40] Најдобра домашна петорка на сезоната 2016/17[40] Почесно споменување во сезоната 2018/19[41]

Наводи

1. МТВ 2 (4 мај 2020). „Zito Vardar - Kumanovo“. канал MKD Video на Youtube. Посетено на 15 мај 2020.
2. „Тасовски уште не е за старо железо“. basketball.mk преку web.archive.org. 26 октомври 2019. Архивирано од изворникот на 2019-10-26. Посетено на 27 октомври 2019.
3. „Срамежливото момче не се срами да освојува трофеи“. star.vest.com.mk. 31 декември 2005.^{[мртва врска]}
4. „Тасовски во Струмица 2005?“. sportskoradion903.com.mk. 8 јуни 2007. Архивирано од изворникот на 2016-03-05. Посетено на 2015-02-06.
5. „Диме Тасовски две години во Фершпед Работнички“. star.vest.com.mk. 2 октомври 2008. Архивирано од изворникот на 2016-03-04. Посетено на 2015-02-06.
6. „Тасовски ја врати титулата во "Градски парк"“. novamakedonija.com.mk. 8 јуни 2009.^{[мртва врска]}
7. „Тасовски е во центарот на свинскиот грип во Украина!“. novamakedonija.com.mk. 12 ноември 2009.^{[мртва врска]}
8. „Косово ни стана кошаркарско Елдорадо“. novamakedonija.com.mk. 26 февруари 2010.^{[мртва врска]}
9. „Фени индустри најдобар на Балканот“. kajgana.com. 18 април 2011. Архивирано од изворникот на 2016-03-12. Посетено на 2015-02-06.
10. „Тасовски потпиша за Работнички“. ekipa.mk. 12 септември 2011.^{[мртва врска]}
11. „И Павловиќ го напушта „Градски парк"?“. mkd.mk. 2 февруари 2012.
12. „Лирија ги испоти „металците", но пехарот остана кај МЗТ (76-73)“. ekipa.mk. 9 февруари 2014.^{[мртва врска]}
13. „Лирија продолжува да се распаѓа: И Тасовски го напушти „бродот што тоне" – потпиша за Карпош Соколи!“. sportmedia.mk. 6 септември 2014.
14. „Диме Тасовски продолжува во Карпош Соколи“. sport365.mk. 9 септември 2014.^{[мртва врска]}
15. Подновен ростерот на Струмица со две нови засилувања Архивирано на 6 октомври 2015 г. ekipa.mk 5 октомври 2015
16. Струмица се засилува: Тасовски и Гоцевски доаѓаат Архивирано на 6 октомври 2015 г. sport365.mk 5 октомври 2015
17. Искусниот Тасовски се врати во „Градски Парк“^{[мртва врска]} derbi.mk 27 јануари 2016
18. Диме Тасовски се враќа во „Градски Парк“ Архивирано на 29 јануари 2016 г. ekipa.mk 27 јануари 2016
19. Тасовски повторно во тимот на Работнички^{[мртва врска]} sport365.mk 27 јануари 2016
20. „Диме Тасовски потпиша за Гостивар!“. ekipa.mk. 10 август 2017. Посетено на 15 октомври 2017.
21. „Тасовски и Зекири остануваат во Гостивар“. ekipa.mk. 13 јули 2018. Посетено на 14 јули 2018.
22. „Гостивар го задржа искусниот Диме Тасовски!“. gol.mk преку web.archive.org. 17 јули 2019. Архивирано од изворникот на 2019-07-20. Посетено на 20 јули 2019.
23. „Костоски уште една година во Гостивар“. ekipa.mk преку web.archive.org. 19 јули 2019. Посетено на 20 јули 2019.
24. „Гостивар остана без најдобриот стрелец“. ekipa.mk преку web.archive.org. 16 јуни 2020. Архивирано од изворникот на 17 јуни 2020. Посетено на 18 јуни 2020.
25. „Диме Тасовски ќе се пензионира во Гостивар!“. gol.mk преку web.archive.org. 17 јуни 2020. Архивирано од изворникот на 17 јуни 2020. Посетено на 18 јуни 2020.
26. „Тасовски уште една година во Гостивар“. ekipa.mk преку web.archive.org. 17 јуни 2020. Архивирано од изворникот на 17 јуни 2020. Посетено на 18 јуни 2020.
27. „ПОД ОБРАЧ со Диме Тасовски: Најтежок за чување ми беше Перо Блажевски, никогаш не заиграв за МЗТ…“. ekipa.mk преку web.archive.org. 25 мај 2021. Архивирано од изворникот на 2021-06-01. Посетено на 1 јуни 2021.
28. „Арсиќ го скрати списокот на 16 кошаркари“. ohridnews.com. 20 јуни 2009.
29. „Тасовски кошаркар на годината“. time.mk. 29 декември 2005. Посетено на 26 февруари 2018.
30. „Диме Тасовски и Тодор Гечевски - кошаркари во годината“. star.dnevnik.com.mk. 31 декември 2005. Архивирано од изворникот на 2016-03-05. Посетено на 2015-02-06.
31. „Тасовски - играч на годината“. vesnik.com. 29 декември 2005. Посетено на 24 декември 2018.^{[мртва врска]}
32. "Шпедитерите" наздравија со шампањско по шести пат^{[мртва врска]} vecer.mk 30 април 2005
33. „Ова е веќе видено“. vecer.mk. 22 мај 2006. Посетено на 7 јануари 2019.^{[мртва врска]}
34. „Се е исто, само навивачите ги нема“. dnevnik.mk. 22 мај 2006. Посетено на 17 септември 2016.^{[мртва врска]}
35. „Eurobasket.com All-Macedonian League Awards 2006-07“. eurobasket.com. Посетено на 15 ноември 2017.
36. „Шампионот ги соголе вардарци“. vecer.mk. 1 октомври 2007. Посетено на 3 октомври 2015.^{[мртва врска]}
37. „Eurobasket.com All-Macedonian League Awards 2007-08“. eurobasket.com. Посетено на 15 ноември 2017.
38. „Фершпед Работнички со рекордна 14. титула“. vest.mk. 9 јуни 2009. Посетено на 17 септември 2016.^{[мртва врска]}
39. „Eurobasket.com All-Macedonian League Awards 2010-11“. eurobasket.com. Посетено на 15 ноември 2017.
40. „Eurobasket.com All-Macedonian League Awards 2017“. eurobasket.com. 29 мај 2017. Посетено на 7 февруари 2018.
41. „Eurobasket.com All-Macedonian League Awards 2019“. eurobasket.com преку web.archive.org. 18 јуни 2019. Архивирано од изворникот на 2019-06-22. Посетено на 22 јуни 2019.

Надворешни врски

• Профил на Диме Тасовски на Eurobasket.com
• Профил на Диме Тасовски на Basketball.realgm.com
• Профил на Диме Тасовски на Eurobasket2011.com Архивирано на 2 април 2015 г.
• Профил на Диме Тасовски на archive.fiba.com