Евгениј Шчербањ
| Евгениј Шчербањ | |
|---|---|
 | |
| Роден(а) | Евгениј Александрович Шчербањ 18 јануари 1946 Константиновка, Харковска област (Советски Сојуз) |
| Починал(а) | 3 ноември 1996 Донецк, Украина |
| Националност |  Украинец |
| Државјанство | Украина |
| Занимање | Политичар, стопанственик |
| Активен период | 1994-1996 |
| Сопружник | Надја Шербан |
| Деца | Руслан, Евгениј |
Евгениј Шчербањ (украински: Євген Олександрович Щербань, Константиновка, 18 јануари 1946 - Донецк, 3 ноември 1996) бил украински стопанственик и политичар.[1] Како член на Либералната Партија на Украина, бил избран за пратеник во Врховната Рада како претставник од Донечката област.[2] Неговото име станало познато по неговиот атентат, а неговиот лик бил често користен во политичките превирања на украинската политичка сцена по 2003 г.
Животопис
[уреди | уреди извор]Евгениј Шчербањ е роден во селото Константиновка, кое се наоѓа во Харковска област. Во периодот 1972-1977 студирал на рударско-индустрискиот факултет во Донецк, денес преименуван во Донечки државен технички универзитет. Сѐ до 1988 г. работел како рударски инженер, а по осамостојувањето на Украина основал свое претпријатие под името „Прогрес“, кое низ годините променило неколку имиња. Кон средината на 90-тите години од XX век, бил еден од најбогатите луѓе во земјата и влијателен член на украинскиот Парламент, каде ја застапувал неговата матична партија Либерална Партија на Украина.[1][3][4]
Атентатот
[уреди | уреди извор]Тој и неговата сопруга Надежда биле убиени на пистата од Донечкиот аеродром, на 3 ноември 1996 г. од страна на неколку луѓе преправени како полицајци.[1][2] Помеѓу убијците биле Вадим Болоцки, Генадиј Зангелиди и други. Обвинителите изјавиле дека атентатот бил изведен со намера да се отстрани можната конкуренција за преземање на индустриските капацитети кои работат со украинскиот земен гас.[1] Во 2002 г. осуммина биле уапсени под сомнеж дека тие се посочените извршители на делото. Сите од нив биле прогласени за виновни и осудени, а тројца добиле казнена мерка доживотен затвор.[1]
Поврзани настани
[уреди | уреди извор]Случајно, ова убиство претходело на заминувањето на гувернерот Владимир Шчербањ (не бил во роднински врски со Евгениј) од позицијата прв човек на Донечката област. На тоа место дошол поранешниот министер за јаглена индустрија Серхиј Пољаков, по препорака на премиерот Виктор Јанукович.
Пред тоа, во декември 1995 г. кога Пољаков го преземал министерското место, во Донецк бил формиран индустрискиот сојуз Дохбас, или скратено ИСД. Раководител на тој сојуз бил Сергеј Тарута, но многумина верувале дека Шчербањ бил главниот човек кој дејствувал од позадина. Во тоа време (крајот на 1995 г.) се случил и атентатот врз Ахат Брагин, по што следело финансиското и политичко издигнување на Рихат Ахметов. Потоа се случиле уште неколку успешни убиства врз важни луѓе од ИСД, но сепак ова врз Шербан предизвикало најмногу контроверзи и полемики.
Наводи
[уреди | уреди извор]- ↑ 1,0 1,1 1,2 1,3 1,4 Taylor: Firtash blames notorious 1996 murder on ex-premier Lazarenko, Kyiv Post (3 декември 2010)
- ↑ 2,0 2,1 The clan from Donetsk PART I Архивирано на 13 февруари 2013 г., The Ukrainian Weekly (12 јануари 2003)
- ↑ Unbroken Ties: The State, Interest Associations, and Corporatism in Post-Soviet Ukraine од Пол Кубицек, University of Michigan Press, 2002, ISBN 0472110306/ISBN 978-0472110308 (стр. 59)
- ↑ Fight over natural gas trade seen at core of 1996 murder of wealthy Yevhen Shcherban, Kyiv Post (3 ноември 2011)
Надворешни врски
[уреди | уреди извор]- Облікова картка на сайті Верховної Ради України (украински)