Елизабет Ванџиру Ватути (р. 1 август1995) — кениска активистка за животна средина и клима и основач на иницијативата Зелена генерација, која ги негува младите да ја сакаат природата и да бидат еколошки свесни на млада возраст и сега има засадено 30.000 садници дрвја во Кенија.[1][2]
Во 2019 година ѝ била доделена наградата Африканска зелена личност на годината од Фондацијата Eleven Eleven Twelve[3] и била прогласена за една од 100-те највлијателни млади Африканци од Африканските младински награди.[4]
Ватути пораснала во округот Ниери, кој е познат по тоа што има највисока шумска покривка во Кенија.[6] Своето прво дрво го засадила на седумгодишна возраст и во своето средно училиште основала еколошки клуб со помош на нејзиниот професор по географија, кој се понудил да биде покровител на клубот.[7] Таа била дел од раководството на Клубот за животна средина на Универзитетот Кенија (KUNEC) каде што можела да спроведе бројни активности; како што се садење дрвја, чистење и еколошка едукација; сето тоа додека се зголемува свеста за глобалните еколошки предизвици како климатските промени.[8]
Во 2016 година, таа ја основала иницијативата Зелена генерација, со фокус на негување на повеќе млади ентузијасти за животна средина, практично образование за животната средина и климата, градење отпорност на климата и позеленување училишта. Нејзиното видео „Шумата е дел од мене [9] “ било прикажано од Глобалниот форум за пејзажи (GLF) како дел од серијата на Младински гласови во пејзажи.
Таа е добитник на наградата за стипендија за Вангари Матаи за нејзината извонредна страст и посветеност за зачувување на животната средина.[10] Ватути е исто така полноправна членка на Движењето Зелен појас, кое го основа покојниот професор Вангари Маатаи, кој е пример на Ватути и голема инспирација и влијание [11]
Во 2019 година, на Меѓународниот ден на младите, таа била препознаена од војводата и војвотката од Сасекс на нивниот Инстаграм[12] за нејзината работа во зачувување на животната средина. Таа била прикажана и на веб-страницата на Кралицата Комонвелт Траст.[13][14] Истата година таа била претставена заедно со Ванеса Накате и Оладусо Аденике од Гринпис како една од тројцата млади црни активисти за климата во Африка кои се обидуваат да го спасат светот.