Крчин

Крчин
Поглед на билото на Крчин
Највисока точка
Надм. вис.	2343 м
Матичен врв	Голем Крчин
Географија
Крчин на карта
Место	Македонија  Албанија
Покраина	MK
Матичен венец	Кораб-Дешат-Крчин

Крчин — планина во Западна Македонија и Албанија, којашто се протега во продолжение на планината Дешат и е дел од поголемиот венец Шара-Кораб-Дешат-Крчин-Стогово-Караорман, односно таа го претставува најјужниот дел од веригата на планинскиот масив Кораб-Дешат-Крчин.

Местоположба

Се протега од Сува Бара (2.080 м) на север, до дното на Дебарската Котлина на југ во должина од 13 км. Има изразено било, од кое се издаваат повеќе врвови преку 2.000 м. Највисок е Голем Крчин (2.341 м), по што следат Рудина 2.238 м, Дели Сеница 2.174 м и Црвена Плоча (2.107 м).^[1]

Геологија

Планината се состои од флишни седименти. Кај бањата Косоврасти, варовниците преоѓаат во гипс, анхидрит и сулфурни наслаги. Во околината на бањата Бањиште, тлото се состои од сивобели варовници со дебелина од 300–400 м.

Крчин има најголеми резерви на гипс на Балканот, поради што има и фабрика за негова преработка.

Растителност

На Крчин расте ендемскиот македонски каранфил (Dianthus macedonicus), што може да се најде само на оваа планина.^[2]

Галерија

• 
  Поглед на највисокиот врв по сртот на Крчин
• 
  Насамарен коњ високо на Крчин
• 
  Поглед на билото и највисокиот врв на Крчин

Поврзано

• Дешат
• Дебарско Езеро
• Општина Дебар
• Дебар — округ во Албанија

Наводи

1. Ристовски, Блаже, уред. (2009). „Крчин“. Македонска енциклопедија. , книга . Скопје: МАНУ.
2. Ристовски, Блаже, уред. (2009). „каранфил, македонски“. Македонска енциклопедија. , книга . Скопје: МАНУ.

Надворешни врски

• Крчин и Дешат Архивирано на 15 август 2019 г. — Tourguide.mk
• Крчин^{[мртва врска]} — ПК „Македон“
• Репортажа од искачување на Крчин Архивирано на 24 ноември 2013 г. — ПСД „Макпетрол“
• Крчин и Дешат — „Македонска нација“