Лештен

Лештен Лещен
Кметството на селото
Лештен
Местоположба во областа Лештен Местоположба на Лештен во Општина Грмен и Благоевградската област
Координати: 41°38′N 23°49′E / 41.633°N 23.817°E / 41.633; 23.817
Земја	Бугарија
Област	Благоевградска област
Општина	Грмен
Површина
• Вкупна	16.569 км^2 (6,397 ми^2)
Надм. вис.	&100000000000010930000001.093 м
Население (2015)
• Вкупно	10
• Густина	0,00.060/км^2 (0,0.016/ми^2)
Час. појас	EET (UTC+2)
• Лето (ЛСВ)	EEST (UTC+3)
Пошт. бр.	2962
Повик. бр.	07527

Лештен — село во Грменско, Пиринска Македонија, денес во општината Грмен на Благоевградската област, југозападна Бугарија.

Географија и местоположба

Црква во селото

Стара куќа во селото

Селото Лештен се наоѓа на 14 километри североисточно од Неврокоп и на 7 километри североисточно од општинскиот центар Грмен. Селото е планинско кое се наоѓа на надморска висина од 1093 метри на екстремните јужни падини на Западни Родопи. Атарот на селото зафаќа површина од 16.569 км². Поради својата местоположба, селото има возбудлив поглед кон Неврокопската долина и Пирин, прекрасна архитектура чии куќи се типични за регионот.

Историја

Османлиско Царство

Во текот на XIX век, селото било чисто македонско и припаѓало кон Неврокопската каза. Црквата „Света Петка“ бил изградена во 1833 година.^[1] Во „Етнографија на Адријанопол, Монастир и Салоника“ се вели дека во 1873 г. Лештен (Leschtène) е село со 59 семејства и 200 Македонци.^[2][3] Во 1889 година Стефан Верковиќ („Топографическо-этнографическій очеркъ Македоніи“) за селото запишал дека во него има 56 бугарски куќи.^[2][4]

Во 1891 година Георги Стрезов за селото напишал:

Лештен, ¹⁄₂ час до левиот брег на Канина. Патот од Неврокоп до Фотовишта е рамен а одовде започнува да е стрмен и тесен. Нормалниот пат трае 4 часа. На прво место е сточарството. Бугарска црква. Куќи 56, бугарски. Најновото бугарско село...^[2][5]

Според статистиката на Васил К’нчов („Македонија. Етнографија и статистика“) во 1900 година селото имало 480 жители, сите Македонци.^[2][6]

Бугарија

По крајот на Балканските војни, селото било вклучено во составот на Бугарија.

Во тоа време селото било општински центар со развиена трговија. Општината постоела до 1934 година, по што нејзините архиви биле преместени во општината во селото Ковачевица. Регистрите за граѓански статус се наоѓаат во општинскиот центар на селото Грмен, а ЕСГРАОН се наоѓа во селото Горно Драаново заедно со стар регистар за месното население.

Обновени се многу од старите куќи во селото, додека нивниот автентичен архитектонски стил е зачуван и куќите се претворени во вили за одмор за туристите. Поради автентичниот изглед на селото, таму честопати се правени играни филмови и музички видеа.

Население^[2][7]

Население на Лештен по попис^[7]

Година	1934	1946	1956	1965	1975	1985	1992	2001	2011	2015
Жители	554	571	503	294	87	64	35	8	2	10

Население по возраст
од 2011 година^[8]:

Личности

Родени во Лештен

• Григориј Софиев, учесник во Руско-турската војна^[9]
• Илија Д. Алексов, доброволец во Македонско-одринските доброволни чети^[10]
• Костадин (Коста) Т. Аврамов, доброволец во Македонско-одринските доброволни чети^[11]
• Коста Ив. Бабаџанов, доброволец во Македонско-одринските доброволни чети^[12]
• Николај Кашев (р. 1941), бугарски сликар
• Симеон Апостолов, доброволец во Македонско-одринските доброволни чети^[13]
• Тодоро Андреев, доброволец во Македонско-одринските доброволни чети^[14]

Наводи

1. Енциклопедия Пирински край, том I. Благоевград: Редакция „Енциклопедия“. 1995. стр. 510. ISBN 954-90006-1-3.
2. Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
3. Македония и Одринско. Статистика на населението от 1873 г., Македонски научен институт, София, 1995, стр. 128 – 129.
4. Верковичъ, С.И. „Топографическо-этнографическій очеркъ Македоніи“. СПб, 1889, стр. 234-235.
5. Стрезов, Георги. Два санджака от Източна Македония. Периодично списание на Българското книжовно дружество в Средец, кн. XXXVII и XXXVIII, 1891, стр. 10.
6. Кънчов, Васил. Македония. Етнография и статистика, София, 1900, стр. 195.
7. (бугарски) https://web.archive.org/web/20160304125710/http://www.nsi.bg/nrnm/show9.php?sid=2212&ezik=bul. Архивирано од за населението на с. Лещен, общ. Гърмен, обл. Благоевград изворникот на 2016-03-04. Посетено на 2018-02-04.
8. „Национален статистически институт. Население по области, общини, населени места и възраст към 01.02.2011 г.“ (бугарски). Архивирано од изворникот на 2013-08-14. Посетено на 2012-03-18.
9. Македонците в културно-политическия живот на България. Анкета от Изпълнителния комитет на Македонските братства, Книгоиздателство Ал. Паскалев и с-ие, София, 1918, стр. 36.
10. „Македоно-одринското опълчение 1912-1913 г. Личен състав“, Главно управление на архивите, 2006, стр. 18.
11. „Македоно-одринското опълчение 1912-1913 г. Личен състав“, Главно управление на архивите, 2006, стр. 12.
12. Македоно-одринското опълчение 1912-1913 г. Личен състав, Главно управление на архивите, 2006, стр. 75.
13. Македоно-одринското опълчение 1912-1913 г. Личен състав, Главно управление на архивите, 2006, стр. 49.
14. „Македоно-одринското опълчение 1912-1913 г. Личен състав“, Главно управление на архивите, 2006, стр. 43.

Литература

• Ангел Даскалов – „Из миналото на Неврокопско и близките му покрайнини“, публикувано в сп. „Македонски Преглед“, книга 1-4, год. VII, София, 1931 година

Надворешни врски

• Trankova, Dimana. „Leshten“. Vagabond.
• Слики од селото Архивирано на 22 март 2016 г.
• Човек со внатрешно горење