Мангал Шобхаџатра

Мангал Шобхаџатра (бенгалски: মঙ্গল শোভাযাত্রা) — масовна поворка што се одржува во зори на првиот ден од бенгалската Нова година во Бангладеш.[1] Поворката ја организирале наставниците и студентите на Факултетот за ликовни уметности на Универзитетот во Дака.[2] Фестивалот се сметал за израз на секуларниот идентитет на народот на Бангладеш и како начин за промовирање на единството.[3] Било прогласено за нематеријално културно наследство од УНЕСКО во 2016 година,[4] категоризирано на репрезентативниот список како наследство на човештвото.[5][6]

Историја

[уреди | уреди извор]
Голема копија направена од хартија на бенгалски тигар што се носела во Мангал Шобхаџатра

Поворката на фестивалот првпат била забележана во 1989 година,[7] кога претседател на земјата бил автократскиот владетел Хусаин Мухамед Ершад. Тој станал претседател на државата преку бескрвен државен удар.[8]

Во тоа време, земјата била под воена диктатура и страдала од поплави. Во Дака се случил масовен бунт за време на кој загинале многу луѓе.[9][10] Студентите на Факултетот за ликовни уметности на Универзитетот во Дака решиле да демонстрираат против режимот со Мангал Шобхаџатра на Пахела Бајшах.[11][12][13]

Секоја година, илјадници луѓе учествувале во поворката во која имало огромни копии на птици, риби, животни, народни приказни и други мотиви. Поворката го симболизирала единството, мирот и протерувањето на злото за да се овозможи напредок на земјата и човештвото.[6][5] Се сметало за израз на секуларниот идентитет на народот Бангали, обединувајќи ја земјата без разлика на класа, возраст, вера или пол.[3]

Признание од УНЕСКО

[уреди | уреди извор]

Во 2014 година, Академијата Бангла составила досие за номинација што било одобрено од Министерството за култура на Бангладеш и поднесено до УНЕСКО.[11] На 30 ноември 2016 година, фестивалот Мангал Шобхаџатра бил избран за нематеријално културно наследство од Меѓувладиниот комитет за заштита на нематеријалното културно наследство на УНЕСКО на неговиот 11-ти седница, која се одржала во Адис Абеба, Етиопија.[13][11]

Прослави во Индија

[уреди | уреди извор]

Во 2017 година, по стапките на Бангладеш, во Западен Бенгал била изведена празничната Мангал Шобхаџатра.[14][15]

Наводи

[уреди | уреди извор]
  1. ↑ Habib, Haroon. „Dramatic dawn“. The Hindu. Посетено на 30 November 2016.
  2. ↑ „'Mangal Shobhajatra' for removing evil“. bdnews24.com. Посетено на 30 November 2016.
  3. ↑ 3,0 3,1 „La bière belge inscrite au "patrimoine culturel immatériel" de l'humanité par l'Unesco“. Le Huffington Post. Архивирано од изворникот на 30 November 2016. Посетено на 30 November 2016.
  4. ↑ „UNESCO recognises Mangal Shobhajatra as cultural heritage“. UNESCO. 30 November 2016. Посетено на 30 November 2016.
  5. ↑ 5,0 5,1 „UNESCO recognises Mangal Shobhajatra as cultural heritage“. The Daily Star. 30 November 2016. Посетено на 30 November 2016.
  6. ↑ 6,0 6,1 „UNESCO lists Mangal Shobhajatra as cultural heritage“. Prothom Alo. Архивирано од изворникот на 1 December 2016. Посетено на 28 February 2017.
  7. ↑ „UNESCO Deems Belgium's Beer Culture A Treasure of Humanity“. NPR. Посетено на 4 January 2017.
  8. ↑ „The Rocky Road of Democracy“. The Daily Star. 6 December 2016. Посетено на 4 January 2017.
  9. ↑ „Dissent and the price of freedom“. The Daily Star (англиски). 10 November 2016. Посетено на 22 January 2017.
  10. ↑ „Shaheed Noor Hossain Day observed“. Prothom Alo. Архивирано од изворникот на 20 October 2017. Посетено на 22 January 2017.
  11. ↑ 11,0 11,1 11,2 „Unesco lists Mangal Shobhajatra as cultural heritage“. The Daily Star. Dhaka, Bangladesh. 1 December 2016. Посетено на 24 January 2017.
  12. ↑ „Pohela Boishakh's rally gets UNESCO's recognition“. Prothom Alo. Архивирано од изворникот на 9 April 2017. Посетено на 1 December 2016.
  13. ↑ 13,0 13,1 „Mangal Shobhajatra gets recognition as cultural heritage“. Business News 24 BD. Архивирано од изворникот на 2016-12-01. Посетено на 1 December 2016.
  14. ↑ এই প্রথম কলকাতার রাস্তায় ১ লা বৈশাখ হবে মঙ্গল শোভাযাত্রা (Bengali). 9 April 2017.
  15. ↑ Eibela.Com. কলকাতায় প্রথমবারের মত মঙ্গল শোভাযাত্রা (Bengali).

Надворешни врски

[уреди | уреди извор]