Меѓународна федерација за уметничка фотографија

Меѓународна федерација за уметничка фотографија
Лого
КратенкаFIAP
Основана1946
Виднепрофитна организација
Целфотографија
СедиштеЛуксембург
Регионглобална
Мреж. местоfiap.net

Меѓународна Федерација на уметничка фотографија или ФИАП (Fr. Fédération Internationale de l'Art Photographique - FIAP), (Eng. International Federation of Photographic Art), е глобална организација која обединува фотографски организации, клубови и поединци од целиот свет. Од 2021 година во ФИАП членуваат 90 национална асоцијација, со повеќе од еден милион индивидуални фотографи.

М. Ван де Вијер од Белгија ја основа ФИАП во 1946 година и станува нејзин прв претседател. М. Ван де Вијер е претседател на ФИАП до 1976 година. Прв официјален јазик на ФИАП е францускиот, но има преводи на официјалните документи и текстови на англиски и германски.

При формирањето на ФИАП, како први членови се регистрирани фотографските здруженија од Белгија, Холандија, Италија, Португалија и Швајцарија. Активностите за зголемување на членството на ФИАП продолжуваат и следните години, така во 1947 година на ФИАП се приклучија и Данска, Финска и Унгарија. Првиот официјален конгрес на ФИАП се одржа во Берн, Швајцарија во 1950 година, каде што дополнителне му пристапуваат националните асоцијации од Австрија, Бразил, Куба, Шпанија, Финска, Франција, Ирска, Луксембург, Шведска и Југославија. Овој конгрес е значаен и поради тоа што се смета како официјален основачки конгрес, така да основањето на ФИАП официјално е од 1950 година. [1]

Категории на членство

[уреди | уреди извор]

ФИАП има различни категории на членство, кои вклучуваат Оперативни членови, Придружни членови (Регионални, Локални и Индивидуални) и Почесни членови[2].

  1. Оперативни членови Оперативните членови се федерации или асоцијации со национално дејствување во суверени држави, членки на Обединетите нации. Името на државата, регистрирано во Обединетите нации, се користи во сите документи на FIAP за дефинирање на потеклото на оперативниот член. Во една суверена држава е можно само едно оперативно членство.
  2. Придружни членови
    • Регионални придружни членови: Оваа категорија ги опфаќа асоцијациите што ги сочинуваат главно клубови и здруженија на фотографи. Бројот на регионални членови не е ограничен.
    • Локални придружни членови: Ова се клубови или локални здруженија што ги сочинуваат исклучиво фотографи. Бројот на локални членови исто така не е ограничен.
    • Индивидуални придружни членови: Личности, професионални или аматерски фотографи, кои се афилирани со Оперативен член сè додека го задржуваат статусот на афилирани.
  3. Почесни членови Почесни членови се лица што се назначуваат доживотно од Генералното собрание на FIAP за нивниот извонреден придонес во развојот на федерацијата.

Индивидуалните членови на ФИАП, врз основа на нивните достигнувања на националните и меѓународните фото конкурси кои се организираат според правилата и под покровителство на ФИАП може да конкурираат за звања на ФИАП. ФИАП ги доделува следниве звања на своите членови:

Звање Кратенка
Artist FIAP AFIAP
Excellence FIAP EFIAP
Excellence FIAP Bronze EFIAP/b
Excellence FIAP Silver EFIAP/s
Excellence FIAP Gold EFIAP/g
Excellence FIAP Platinum EFIAP/стр
Excellence FIAP Diamond 1 EFIAP/d1
Excellence FIAP Diamond 2 EFIAP/d2
Excellence FIAP Diamond 3 EFIAP/d3
Master FIAP MFIAP

Наводи

[уреди | уреди извор]
  1. ↑ „History“. FIAP (англиски). Посетено на 2024-12-21.
  2. ↑ „Operational members“. FIAP (англиски). Посетено на 2024-12-25.