Во 1992 година учествувал во работата на првата приватна радио станица во Охрид. Во радиото работел речиси две години како уредник и водител на емисии. Во истата година се запознава со фотографот Атанас Талевски. Нивната средба ќе доведе до интензивна долгорочна соработка во областа на фотографската уметност.
Интерес кон пишувањето покажувал уште во средношколските денови, а со активно пишување се занимава од 1999 година[6]. Раскази и други текстови има објавувано во списанија и весници во Македонија[7][8] и странство (Бугарија, Чешка и други земји). Има објавено неколку книги и други публикации. Неговата прва книга, романот „Премин во маглата“, е преведена на англиски[9] и бугарски јазик, додека други дела му се преведувани на бугарски[10], чешки[11][12][13] и холандски јазик.
Фотографии има изложувано на самостојни и групни изложби[14][15], а некои се објавувани како илустрации во разни публикации.[16]
Во јуни 2011 година во Охрид го основа Културниот центар „Култура 365“, во кој се одржуваат изложби на уметнички дела и други културни манифестации.[17]
Охридските бисери / The pearls of Ohrid - автор на двојазичниот текст (македонски / англиски) за фото монографијата на Никола Павлески (Охрид, 2007) ISBN 978-9989-2688-0-9
„Елшани - живот меѓу каменот и водата“ - монографија, (Елшани, 2009)
„Нашиот холандски пријател А. ден Долард“ - монографија, (Охрид, 2012) ISBN 978-9989-911-41-5
„Our Dutch friend A. den Doolaard“ (Ohrid, 2012) - ISBN 978-9989-911-49-1 - („Нашиот холандски пријател А. ден Долард“ на англиски јазик)
„Onze Nederlandse vriend A. den Doolaard“ (Ohrid, 2013) - ISBN 978-9989-911-56-9 - („Нашиот холандски пријател А. ден Долард“ на холандски јазик)
„Macedoniërs, A. den Doolaard en andere Nederlanders“ (Ohrid, 2016) - ISBN 978-9989-911-93-4 - („Македонци, А. ден Долард и други Холанѓани“ на холандски јазик)