РК Фајверс Маргаретен

Фајверс Маргаретен
Целосен назив	Хандбалклуб Фајверс Маргаретен
Краток назив	Фајверс Маргаретен
Основан	1919
Игралиште	Шпортхале, Маргаретен
Приемност	1,200
Престедател	Едуард Винтер
Главен тренер	Питер Екл
Лига	Прва лига на Австрија
2018-2019	4. место
Бои
Клупски бои
Дресови
Домашен Гостински
Мреж. место Матична страница

РК Фајверс Маргаретен (ger. Fivers Margareten) е машки ракометен клуб од Маргаретен, петтиот округ на Виена, Австрија. Оттаму произлегува и името на клубот (заб. на прев. фајв на англиски значи пет).

Клубот е основан во далечната 1919 година и во моментов се натпреварува во Првата машка ракометна лига на Австрија. Досега Фајверс трипати пати биле шампиони на земјата (2010-2011, 2015-2016 и 2017-2018) и седум пати освојувачи на Купот на Австрија (1999, 2009, 2012, 2013, 2015, 2016, 2017). На меѓународната сцена најголемиот успех на клубот е пласманот во полуфиналето на Купот на ЕХФ во сезоната 1984-1985. Во последните години Фајверс имаат силно соперништво во домашаната лига со екипата на Алфа Хард со која редовно се борат за титулите.

Својте домашни натпревари Фајверс Маргаретен ги игра во Шпортхале Маргаретен која собира околу 1200 места. Најчесто настапуваат во црни и во бели дресови.

Историја

По Првата светска војна во 1919 година, вкупно четири виенски асоцијации се собрале за да го формираат клубот кој првично се викал ВАТ Маргаретен, од кој како ракометна секција основана во 1920 година, се појавил денешниот Фајверс. По основањето клубот играл во градската лига на Виена, а во лигата имало само 5 екипи во тоа време.

Бидејќи во клубот била длабоко вкоренета работната сила тој бил изложен на силна социјалдемократска политика, што била забранета од австрофашистите. Клубот отслужувал забрана дури и за време на владеењето на националните социјалисти. Сепак, по Втората светска војна ВАТ Маргаретен бил реоснован со силна помош на поранешниот голман Јохан Хефлер.

Во 1978 година овој ракометен клуб изборил промоција во Државната лига Б, а конечно го направиле нивниот прв скок во највисоката австриска лига во 1982 година, во која играат и денес. Завршувајќи на третото место во првенството во сезоната 1983-1984, клубот за првпат се квалификувал за учество во меѓународните натпреварувања со пласман во Купот на ЕХФ за сезоната сезоната 1984-1985. По победите над холандскиот клуб ХВ Алсмаер, потоа францускиот УСАМ Ним и познатиот шведски клуб Истадс, ВАТ Маргаретен бил сопрен од подоцнежниот освојувач на титулата во натпреварувањето Минаур Баја Маре од Романија во полуфиналето.

Во 1999 година, клубот го постигнал најголем национален успех до тогаш. Иако Виенците за малку не успеале во последниот натпревар да ја освојат шампионската титула, тие сепак го освоиле Купот на Австрија една недела подоцна. По победата над УХК Толн, Маргаретнер дошол до првата титула во клупската историја победувајќи го тимот на Брук во финалето.

Во 2003 година, била отворена спортската сала Шпортхале Маргаретен во Холгасе, Виена, а на клубот му било дадено името „Фајверс“ (како синоним за 5-та област во Вина) со ново лого како дел од процесот со кој клубот започнал нова страница во својата историја. Со ребрендирањето на клубот исто така започнало да се посветува големо внимание на младинските категории во тимот.

Во 2009 година, РК Фајверс го освои Купот на Австрија (по вторпат во историјата) за првпат откако името на клубот било сменето откако во финалето пред домашната публика го поразиле ХИТ Инсбрук. Во 2011 година, Фајверс за првпат станале австриски шампиони. Голема заслуга за тоа имал и тренерот Питер Екл кој во својата дебитантска сезона го одвел клубот до најголемиот успех во историјата. Освојувањето на првата титула во домашното првенство му овозможило на клубот од Маргаретнер да учествува во квалификациите за Лигата на шампионите за првпат во клупската историја. Таму тие биле елиминирани во првиот двобој против Динамо Минск.^[1] Во 2012 година, Фајверс го освоиле Купот на Австрија, а во финалето била поразена екипата на УЛЦ Швац дури по две продолженија. Во 2013 година, тие го одбраниле насловот во купот против Алфа Хард во финалето. Фајверс исто така го освоиле и Суперкупот на Австрија во 2013 и 2014 година победувајќи ги и во двата случаи австриските шампиони Алфа Хард.

Во сезоната 2013-2014 година, било отворено ново поглавје во клупската историја на Фајверс. Во оваа сезона тие се натпреварувале и во втората лига на Австрија (нивната втора екипа), со што станале првиот клуб во историјата на австрискиот ракомет кој се квалификувал и во првата и во втората лига.^[2][3] И додека вториот тим едвај изборил опстанок во втората лига, првиот тим играл во финалето на австрикото првенство и купот, но бил поразен и во двете од екипата на Алфа Хард.

Во 2015 година, Фајверси се вратиле со нова титула, освојувајќи го повторно Купот на Австрија, поразувајќи го Брегенц во финалето, по продолженија.^[4] Сезоната 2015-2016 била најдобрата во историјата на клубот од Маргаретен; тие го освоиле австриското првенство по вторпат во клупската историја а потоа и ја одбраниле титулата во купот, забележувајќи ја својата прва историска двојна круна. Во финалната серија тие биле подобри од Брегенц со 2-0 во победи.^[5] Со седум титули, Фајверс во моментов се рекордери Купот на Австрија од воведувањето на натпреварувањето.

Во сезоната 2017-2018 клубот ја прославил својата трета шампионската титула.

Хронологија од 2001 година

Сезона	Лига	Место	Куп
2001-2002	Прва лига на Австрија	4.
2002-2003	Прва лига на Австрија	6.
2003-2004	Прва лига на Австрија	6.
2004-2005	Прва лига на Австрија	2.
2005-2006	Прва лига на Австрија	2.	Финале
2006-2007	Прва лига на Австрија	2.	Четвртфинале
2007-2008	Прва лига на Австрија	2.	Осминафинале
2008-2009	Прва лига на Австрија	4.	Шампион
2009-2010	Прва лига на Австрија	2.	Финале
2010-2011	Прва лига на Австрија	1.	Полуфинале
2011-2012	Прва лига на Австрија	4.	Шампион
2012-2013	Прва лига на Австрија	2.	Шампион
2013-2014	Прва лига на Австрија	2.	Финале
2014-2015	Прва лига на Австрија	4.	Шампион
2015-2016	Прва лига на Австрија	1.	Шампион
2016-2017	Прва лига на Австрија	2.	Шампион
2017-2018	Прва лига на Австрија	1.	Полуфинале
2018-2019	Прва лига на Австрија	4.	Четвртфинале

Легенда
	Шампион на Австрија
	Освојувач на купот
	Двојна круна (првенство и куп)

Играчи

Моментален состав

Состав за сезоната 2019–2020

Ракометарите на Фајверс Маргаретен ја слават титулата во купот.

Голмани 51 Волфганг Филцвајзер 52 Борис Таниќ 56 Флоријан Хаг Десни крила 75 Макс Риде 85 Давид Брандфелнер Леви крила 53 Хенри Стумер 57 Херберт Јонас 65 Ерик Дамбек Пикери 05 Тобијас Вагнер 50 Винсент Швеглер

Леви бекови 55 Марин Мартиновиќ 59 Маркус Колар Средни бекови 15 Матијас Николиќ 54 Витаутас Жиура 58 Фабијан Глацл Десни бекови 25 Никола Стевановиќ 45 Лукаш Хутечек

Познати поранешни играчи

• Томас Бауер (2003–2009)
• Рихард Вес (2004–2007, 2015–2016)
• Никола Билик (2012–2016)
• Иван Мартиновиќ (2015–2018)
• Дорук Пеливан (2018–2019)

Титули

• Австриско првенство : 3
• Шампион : 2010-2011, 2015-2016, 2017-2018
• Куп на Австрија : 7
• Шампион : 1999, 2009, 2012, 2013, 2015, 2016, 2017
• Куп на ЕХФ
• Полуфинале : 1984-1985

Наводи

1. „Spielbericht der EHF-Champions League Qualifikation“. Архивирано од изворникот на 2019-12-30. Посетено на 2019-12-30.
2. fivers.at: Mission Klassenerhalt beginnt, конс. 26.10.2017
3. „Mehr als nur ein Club | Fivers WAT Margareten Handballclub“. www.fivers.at. Посетено на 2016-11-19.
4. „SIS-Spielbericht des Cup-Finales“. Архивирано од изворникот на 2018-08-01. Посетено на 2019-12-30.
5. „MEISTER 2015/16! #TripleTRAUM!!!!!!!!!!!!“. fivers.at. 2016-05-17. Посетено на 2016-05-29.

Надворешни врски

• Официјална страна на клубот
• Handball Liga Austria (HLA) Архивирано на 10 јули 2018 г.
• YoungFivers Архивирано на 30 декември 2019 г.