Религијата во Есватини има значајна улога во секојдневниот животот на луѓето во земјата. Најголема религија во земјата според последниот попис на Pew Research е христијанството со 88.1% или 1,2 милиони жители, додека повеќе од 10% не немаат определена религија или се нерелигиозни.[1]. Според извештајот за верска слобода на американскиот Стејт департмент од 2012 година, локалните верски водачи проценуваат дека 90% од населението на Есватини е христијанин, 2% муслимани, додека под 10% припаѓаат на други верски групи[2]. Според CIA world factbook, 40% припаѓаат на Сионската христијанска црква, 20% на Римокатоличката црква додека 10% се муслимани, а дополнителни 30% припаѓаат на Англиканската црква, Бахајствотото, Методизмот или Јудаизмот. Во други извори според Clay Potts, религиозната демографија е 80% христијанска и 20% традиционална религија.[3].
Англиканските, протестантските и домородните африкански цркви, меѓу кои и африканските сионисти и римокатолиците, го сочинуваат мнозинството христијани во земјата[4]. На 18 јули 2012 година, Елина Вамукоја била избрана за англикански епископ од Есватини. На 17 ноември 2012 година станала првата жена која е посветена како епископ во Африка[4][5].
Уставот на Есватини, кој стапил на сила на 8 февруари 2006 година, предвидува слобода на религијата. Владата ја почитува слободата на религијата.[4], но сепак има извештаи од 2012 година за општествена дискриминација врз основа на верска припадност, верување или практика.[2].
| ||||||||||||||||||