| Мреж. место | renovate-switzerland.ch |
|---|
Реновирање на Швајцарија (Renovate Switzerland) е швајцарска кампања на ненасилен отпор започната во април 2022 година, која користи ненасилни акции како средство за притисок врз швајцарскиот федерален совет да го имплементира националниот план за изолација на еден милион домови до 2040 година, со цел да се решат прашањата за климатските промени и енергетската криза.[1] Таа е дел од меѓународната мрежа на кампањи за граѓански отпор, така што слични кампањи се изведуваат во Германија, Австралија, Канада, Франција, Италија, Норвешка, Обединетото Кралство и САД. Овие различни кампањи користат слични тактики, но се фокусираат на барањата кои се специфични за нивниот национален контекст. Сепак, неколку од нив се фокусираат на прашањето за потрошувачката на енергија во зградите. [2]
Реновирање на Швајцарија првично испратиле писмо во кое ги изложиле нивните барања до претседателотот на Швајцарската конфедерација Симонета Сомаруга, но одговорот што го примиле не ги исполнило нивните очекувања.[3] По четири блокади на патиштата во април 2022 година, кампањата влегла во нова акциона фаза во октомври 2022 година. Коавторката на извештајот на ИПЦЦ на ОН, Јулија Штајнбергер учествувала на блокадата на патот во Берн на 11 октомври и ја залепила раката на асфалтот заедно со уште пет лица.[4]
Повеќето од акциите на Реновирање на Швајцарија вклучуваат блокади на патиштата на главните швајцарски автопати и патишта. Иако нивните постапки генерално се сметаат за незаконски, тие се поддржани од некои политичари, како што е Зелената партија на Швајцарија Леонор Порше, која смета дека граѓанската непослушност е легитимна со оглед на ургентноста на климатската криза. [5] [6]
Логото на Реновирање на Швајцарија е осомничено дека го нарушува заштитниот знак на пијалокот Ривела, а компанијата соопштила дека ја разгледува правната постапка.[7][8] Поради оваа ситуација, Реновирање на Швајцарија го промениле својот корпоративен дизајн.