Санта Фе (англиски: Santa Fe) – американски филм од 1951 година, во режија на Ирвинг Пичел. Сценариото го напишале Кенет Гамет и Џејмс Ванс Маршал. Главните улоги ги толкуваат: Рандолф Скот, Џенис Картер и Џером Кортленд.
По завршувањето на граѓанската војна во САД, четворица браќа, кои се бореле на страната на Конфедерацијата, се упатуваат кон Санта Фе. Патем, силите на Северот градат железничка пруга и еден од браќата одлучува да им се придружи. Меѓутоа, неговите тројца браќа, полни со омраза кон своите непријатели од војната, се обидуваат да ја попречат изградбата...