Труење со етилен гликол

Труење со етилен гликол
Етилен гликол
СпецијалностУргентна медицина Уреди на Википодатоците

Труење со етилен гликол е труење предизвикано од внес на етилен гликол.[1] Раните симптоми вклучуваат интоксикација, повраќање и абдоминална болка.[1] Покасни симптоми се намалено ниво на свест, главоболка, и напади.[1] Долгорочни ефекти се бубрежна слабост и оштетување на мозокот.[1] Токсичност и смрт може да настанат и после внес на мала количина.[1]

Етилен гликол е безбојна течност, без мирис, со сладок вкус, често присутна во антифризот.[1] Може да биде испиена случајно или намерно во обид за самоубиство.[2] Во организмот се разложува на гликолна и оксална киселина кои се причинители на токсичноста.[1][3] Дијагнозата може да биде потврдена со мерење на нивото на етилен гликол во крвта; меѓутоа во многу болници не постои можност за изведување на овој тест.[1]

Рано започнување со третман ги зголемува шансите за добар исход.[2] Третманот вклучува стабилизирање на лицето, проследено со примена на антидот.[2] Претпочитан антидот е фомепизол; а доколку не е достапен се користи етанол.[2] Други третмани вклучуваат натриум бикарбонат, тиамин и магнезиум.[2]

Секоја година се случуваат повеќе од 5000 случаи на труење со етилен гликол во САД.[4] Пациентите често се возрасни мажи.[3] Смртни случаи предизвикани од етилен гликол се пријавувани уште од 1930.[5]

Наводи

[уреди | уреди извор]
  1. ↑ 1,0 1,1 1,2 1,3 1,4 1,5 1,6 1,7 Kruse, JA (October 2012). „Methanol and ethylene glycol intoxication“. Critical Care Clinics. 28 (4): 661–711. doi:10.1016/j.ccc.2012.07.002. PMID 22998995.
  2. ↑ 2,0 2,1 2,2 2,3 2,4 Beauchamp, GA; Valento, M (September 2016). „Toxic Alcohol Ingestion: Prompt Recognition And Management In The Emergency Department“. Emergency Medicine Practice. 18 (9): 1–20. PMID 27538060.
  3. ↑ 3,0 3,1 Ferri, Fred F. (2016). Ferri's Clinical Advisor 2017: 5 Books in 1 (англиски). Elsevier Health Sciences. стр. 794. ISBN 9780323448383. Архивирано од изворникот 2017-09-08.
  4. ↑ Naidich, Thomas P.; Castillo, Mauricio; Cha, Soonmee; Smirniotopoulos, James G. (2012). Imaging of the Brain: Expert Radiology Series (англиски). Elsevier Health Sciences. стр. 960. ISBN 978-0323186476. Архивирано од изворникот 2017-09-08.
  5. ↑ Shaw, Leslie M. (2001). The Clinical Toxicology Laboratory: Contemporary Practice of Poisoning Evaluation (англиски). Amer. Assoc. for Clinical Chemistry. стр. 197. ISBN 9781890883539. Архивирано од изворникот 2017-09-08.

Надворешни врски

[уреди | уреди извор]
Класификација
П · Р · П
Надворешни извори