Хаџи Халил-паша

Хаџи
Халил
Паша
Голем везир на Османлиската Империја
На должноста
21 август 1716 – 26 август 1717
Монарх Ахмед III
Претходник Силахдар Дамат Али-паша
Наследник Нишанџи Мехмет-паша
Лични податоци
Починал(а) 1733
Крит, Критски Пашалак, Османлиска Империја
Националност Османлија
Народност Албанец
Воена служба
Битки/војни Австриско-турска војна (1716–1718)

Хаџи Халил-паша (турски: Hacı Halil Paşa) ― османлиски голем везир. Неговиот епитет Хаџи значи „аџија“.

Рани години

[уреди | уреди извор]

Тој бил со албанско потекло, роден во Елбасан[1] и се издигнал низ Бостанџискиот корпус. Во 1694 година, тој поднесол оставка и отишол во Багдад како подреден на управникот на Багдад. Во 1711 година бил унапреден во севкупна команда на Бостанџискиот корпус (Бостанџибаши) и во 1716 година на функцијата беглербег на Ерзурумскиот Пашалак. Сепак, тој не служел во Ерзурум поради избувнувањето на Австриско-турската војна од 1716–1818 година, и бил прекомандуван да служи во Белград.[2]

Голем везир

[уреди | уреди извор]

За време на одлучувачката Битка кај Петроварадин на 5 август 1716 година, бил убиен големиот везир Силахдар Али-паша. По предлог на командантите, султанот го назначил Халил-паша за нов голем везир. Следната година тој водел кампања за помош на Белград, кој бил опколен од австриската војска. Меѓутоа, Ежен Савојски Австриски го поразил Халил-паша и го зазел Белград. По овој пораз тој бил разрешен од функцијата на 26 август 1717 година.

Подоцнежни години

[уреди | уреди извор]

Иако бил осуден на смрт, тој се сокрил во Константинопол. На 7 јуни 1720 година бил откриен, но со помош на неговите соборци бил помилуван. Во 1727 година, тој станал управник на Егрибозкиот Санџак во средна Грција, а следната година бил назначен за управник на Крит, каде што починал во 1733 година.

Поврзано

[уреди | уреди извор]

Наводи

[уреди | уреди извор]
  1. ↑ Elena Kocaqi (2006). Albanët me famë në mijëvjeçarë (3. изд.). Globus R. стр. 186. ISBN 9789994336326.
  2. ↑ „Ottoman page“ (турски). Архивирано од изворникот на 2018-12-28. Посетено на 2022-09-03.
Политички функции
Претходник
Силахдар Али-паша 		Голем везир на Османлиската Империја
21 август 1716 – 26 август 1717 		Наследник
Нишанџи Мехмет-паша