Худисаурус
| Худисаурус Период: Доцна Јура | |
|---|---|
| Научна класификација | |
| Царство: | Животни |
| Колено: | Хордати |
| Класа: | Влекачи |
| Надред: | Диносауруси |
| Ред: | Сауришија |
| Подред: | †Сауроподоморфија |
| Инфраред: | †Сауропода |
| Нерангирано: | †Еусауропода |
| Семејство: | †Маменчисауридија |
| Род: | †Худисаурус Донг, 1997 |
| Вид: | H. sinojapanorum |
| Научен назив | |
| †Hudiesaurus sinojapanorum Донг, 1997 | |
Худисаурус (што значи „гуштер пеперутка“) — тревојаден род од сауроподски диносаурус од Кина. Фосилните остатоци од Худисаурусот биле пронајдени во 1993 година од кинеско-јапонска експедиција во близина на Кикетаи во Шаншан, провинција Ксинџијанг. Типскиот вид Hudiesaurus sinojapanorum, бил именуван и опишан од Донг Зиминг во 1997 година. Генеричкото име потекнува од мандарински худи, „пеперутка“ и се однесува на рамен процес во форма на пеперутка на предната основа на ’рбетниот столб. Специфичното име се однесува на членовите на експедицијата, но може да се прочита и како „централен дел“ на кинески јазик, игра на зборови за јапонската новинарска група Чуничи Шинбун (повторно „централен дел“), која го финансираше истражувањето.[1]
Худисаурусот е познат само од два нецелосни примероци, откриени во седиментите во басенот Турпан, еквивалентен на формацијата Калажа на басенот Јунггар, што можеби датира од доцната Јура. Типскиот примерок (IVPP V 11120) е претставен само со многу голем преден грбен пршлен. Друг делумен скелет од очигледно помала единка пронајдена на околу еден километар од холотипот, кој се состои од скоро целосна десна нога и заби. Примерокот IVPP P. 11121, од Донг бил упатен на овој вид.[1] Пол Апчурч во 2004 година го отфрли идентитетот поради недостаток на материјал што се соовпаѓал.[2]
Иако примероците се фрагментарни, се верува дека Худисаурусот бил многу голем, дури и за сауроподи, со оглед на значителната должина на центарот на ’рбетниот столб од 55 сантиметри. Неговата должина на телото се проценува на 20 до 30 метри.[1][3] Во 2016 година, Грегори С. Пол ја проценил неговата должина на 25 метри и неговата маса на 25 тони.[4] Во 2020 година, Молина Перес и Лараменди дале поголема проценка од 30,5 метри и 44 тони, што сугерира дека пршлениот може да биде цервикален наместо торакален, во кој случај животното би било 32 метри и 55 тони.[5]
Донг сметал дека Худисаурусот е можеби поврзан со Маменчисаурусот и според тоа го сместил во Маменчисауридија. Апчурч во 2004 година ја ограничи прецизноста на поопшта Еусауропода.[2]
Наводи
[уреди | уреди извор]- ↑ 1,0 1,1 1,2 Dong, Z. (1997). "A gigantic sauropod (Hudiesaurus sinojapanorum gen. et sp. nov.) from the Turpan Basin, China." Pp. 102-110 in Dong, Z. (ed.), Sino-Japanese Silk Road Dinosaur Expedition. China Ocean Press, Beijing.
- ↑ 2,0 2,1 Upchurch, P.; Barrett, P.M.; Dodson, P.; 2004 "Sauropoda". In: Weishampel, D.B. and Dodson, P. and Osmolska, H., (eds.) The Dinosauria. p 259 - 322. University of California Press: Berkeley and Los Angeles
- ↑ Holtz, Thomas R. Jr. (2011) Dinosaurs: The Most Complete, Up-to-Date Encyclopedia for Dinosaur Lovers of All Ages, Winter 2010 Appendix.
- ↑ Paul, Gregory S. (2016). The Princeton Field Guide to Dinosaurs 2nd Edition. New Jersey: Princeton University Press. стр. 207.
- ↑ Molina-Perez & Larramendi (2020). Dinosaur Facts and Figures: The Sauropods and Other Sauropodomorphs. New Jersey: Princeton University Press. стр. 252.
Надворешни врски
[уреди | уреди извор]- "How big was Hudiesaurus?" Sauropod Vertebra Picture of the Week, January 17, 2008
