മിഠി നദി
| മിഠി നദി | |
| മാഹിം നദി | |
| River | |
 മിഠി നദി, ബാന്ദ്ര
| |
| രാജ്യം | ഇന്ത്യ |
|---|---|
| സംസ്ഥാനം | മഹാരാഷ്ട്ര |
| District | മുംബൈ സബർബൻ |
| പട്ടണം | മുംബൈ |
| Primary source | വിഹാർ തടാകം |
| ദ്വിതീയ സ്രോതസ്സ് | പവായ് തടാകം |
| - location | ആരേ കോളനി, ഗോരേഗാവ് |
| അഴിമുഖം | അറബിക്കടൽ |
| - സ്ഥാനം | മാഹിം ഉൾക്കടൽ |
| നീളം | 15 കി.മീ (9 മൈ) |
 The Mithi river is in the centre.
| |
സാൽസെറ്റ് ദ്വീപിൽ ഒഴുകുന്ന ഒരു നദിയാണ് മിഠി നദി. വിഹാർ തടാകത്തിൽ ഉത്ഭവിച്ച് മുംബൈ നഗരത്തിലൂടെ ഒഴുകി മാഹിം എന്ന സ്ഥലത്ത് ഇത് അറബിക്കടലിൽ പതിക്കുന്നു. 2005 ജൂലൈ 26-ന് കനത്ത മഴയെ തുടർന്ന് മിഠി കരകവിഞ്ഞ്, പരിസരപ്രദേശങ്ങളൊക്കെ വെള്ളത്തിനടിയിലായിരുന്നു[1].
ഭൂമിശാസ്ത്രം
[തിരുത്തുക]സഞ്ജയ് ഗാന്ധി നാഷണൽ പാർക്കിൽ സ്ഥിതി ചെയ്യുന്ന വിഹാർ തടാകത്തിൽ നിന്നാണ് ഈ നദിയുടെ ഉത്ഭവം. 17.8 കിലോമീറ്ററാണ് ഇതിന്റെ നീളം[2]. മഴക്കാലത്ത് തടാകം നിറഞ്ഞൊഴുകുന്ന വെള്ളം മിഠി നദിയിലൂടെ അറബിക്കടലിലെത്തുന്നു. പവായ് തടാകത്തിലെ അധികജലവും ഈ നദിയിലേക്ക് ഒഴുകിയെത്തുന്നു. പവായ്, സാക്കി നാക്ക, കുർള, സാന്തക്രൂസ്, കലീന, വകോല, ധാരാവി തുടങ്ങിയ സ്ഥലങ്ങളിലൂടെ ഒഴുകി മാഹിം ഉൾക്കടലിലെത്തുന്നു. തുടക്കത്തിൽ 5 മീറ്ററും മധ്യഭാഗത്ത് 25 മീറ്ററും അവസാനഭാഗത്ത് 70 മീറ്ററുമാണ് ഇതിന്റെ ശരാശരി വീതി.
പരിസ്ഥിതി
[തിരുത്തുക]മിഠി നദി അറബിക്കടലിനോട് ചേരുന്ന മാഹിം ഉൾക്കടൽ പ്രദേശം ഒരു പക്ഷിസങ്കേതമാക്കുവാൻ ശുപാർശ ചെയ്യപ്പെട്ടിട്ടുള്ളതാണ്[3]. ഇവിടെയുള്ള കണ്ടൽ വനപ്രദേശത്ത് ദേശാടനപ്പക്ഷികളെ ധാരാളമായി കണ്ടുവരുന്നു. ഈ നദിയിലെ മലിനീകരണത്തോത് വളരെ ഉയർന്നതാണ്[4]. വൻ തോതിലുള്ള നികത്തൽ ഭീഷണിയും മിഠി നദി നേരിടുന്നുണ്ട്. നദിയുടെ 54% വിസ്തീർണ്ണം കയ്യേറ്റത്തിന് വിധേയമായി കഴിഞ്ഞുവെന്ന് 2017-ലെ കണക്കുകൾ സൂചിപ്പിക്കുന്നു[5]. നദിയുടെ കരകൾ സംരക്ഷിച്ചുനിർത്തിയിരുന്ന കണ്ടൽ കാടുകൾക്ക് നേരിട്ട നാശം നദിയേയും ബാധിക്കുകയുണ്ടായി. 2005-ലെ വെള്ളപ്പൊക്കത്തെ തുടർന്ന് ഈ നദിയുടെ സംരക്ഷണത്തിനായി വിവിധ പദ്ധതികൾ ആസൂതണം ചെയ്യപ്പെട്ടു[6].
അവലംബം
[തിരുത്തുക]- ↑ http://floodlist.com/asia/mumbai-floods-mithi-river
- ↑ https://scroll.in/roving/750928/the-story-of-mumbais-abused-polluted-mithi-river-is-anything-but-sweet
- ↑ http://www.thehindubusinessline.com/todays-paper/tp-economy/mumbai-pays-for-neglecting-mithi-river/article2184889.ece
- ↑ http://www.indiawaterportal.org/articles/mithi-recounting-rivers-apathetic-journey
- ↑ http://www.hindustantimes.com/mumbai-news/six-nullahs-are-polluting-mithi-river-in-mumbai-says-survey/story-adn4xtxJ3iO1KNfYrVj78L.html
- ↑ http://www.hindustantimes.com/mumbai-news/95-work-on-mithi-river-complete-659-83cr-spent-bmc-to-bombay-hc/story-oCsga20LdORmRYm0yvrueI.html