മീനങ്ങാണി

മീനങ്ങാണി
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Lamiales
Family:	Lamiaceae
Genus:	Platostoma
Species:	P. hispidum
Binomial name
Platostoma hispidum

ലാമിയേസീ സസ്യകുടുംബത്തിലെ ചതുപ്പ് പ്രദേശങ്ങളിൽ പടർന്ന് വളരുന്ന ഒരംഗമാണ് മീനങ്ങാണി.(ശാസ്ത്രീയ നാമം:Platostoma hispidum)^[1] ഇലകൊഴിയും ഈർപ്പവനങ്ങളിലെ പുൽ‌പ്പരപ്പുകളിലും തരിശുഭൂമികളിലും വളരുന്നു. ഇന്തോ-മലീഷ്യയിൽ കണ്ടുവരുന്നു. 5-30 സെ മീ വരെ വളരുന്ന ഇതിന്റെ രോമാവൃതമായ തണ്ടുകൾ നേരിയതും നാലു കോണുകൾ ഉള്ളവയുമാണ്. ദന്തുരമായ ഇലകൾ വീതികുറഞ്ഞ് നീണ്ടവയും തണ്ടുള്ളവയുമാണ്. നേരിയ പിങ്ക് നിറത്തിലുള്ള പൂവുകൾ വൃത്താകൃതിയിലുള്ള തലപ്പുകളിലാണ് വിരിയുന്നത്.^[2] ഇതിന്റെ പൂക്കൾക്ക് മീനിന്റെ കണ്ണിനോട് സാദൃശ്യമുണ്ട്.^[3]

ഔഷധ ഉപയോഗം

പാമ്പ് വിഷത്തിന് ഇത് അരച്ച് പുരട്ടുകയും അകത്ത് കഴിക്കുകയും ചെയ്യുന്നു. നേത്ര രോഗങ്ങൾ, ഉറക്കമില്ലായ്മ, മുറിവ്, ചുട്ടു നീറ്റൽ എന്നീ രോഗങ്ങൾക്കും ഇത് ഫലപ്രദമായ ഔഷധമാണ്. ഒപ്പം ഇത് മുലപ്പാൽ വർദ്ധിനികൂടിയാണ്.

രസാദി ഗുണങ്ങൾ

രസം :തികതം, തുവരം, മധുരം

ഗുണം :ലഘു

വീര്യം :ശീതം

വിപാകം :കടു

ഔഷധയോഗ്യഭാഗം

സമൂലം

അവലംബം

1. "Platostoma hispidum (L.) A.J.Paton — The Plant List". www.theplantlist.org. Retrieved 2019-01-16.
2. "Platostoma hispidum - Hairy Gomphrena". www.flowersofindia.net. Retrieved 2019-01-16.
3. https://indiabiodiversity.org/species/show/263469

^[1]

1. ഔഷധ സസ്യങ്ങൾ-2, ഡോ. നേശമണി, കേരള ഭാഷ ഇൻസ്റ്റിറ്റ്യൂട്ട്