അജന്ത മെൻഡിസ്

ഇംഗ്ലീഷ് വിലാസം

https://ml.wikipedia.org/wiki/Ajantha_Mendis

അജന്ത മെൻഡിസ്

വ്യക്തിഗത വിവരങ്ങൾ
മുഴുവൻ പേര്	ബലപുവദുഗെ അജന്ത വിൻസ്ലോ മെൻഡിസ്
ഉയരം	5 അടി (1.52400000000 മീ)^*
ബാറ്റിംഗ് രീതി	വലങ്കയ്യൻ
ബൗളിംഗ് രീതി	വലങ്കയ്യൻ ലെഗ് സ്പിൻ, ഓഫ് സ്പിൻ
റോൾ	ബൗളർ
അന്താരാഷ്ട്ര തലത്തിൽ
ദേശീയ ടീം	ശ്രീലങ്ക
ആദ്യ ടെസ്റ്റ് (ക്യാപ് 109)	23 ജൂലൈ 2008 v ഇന്ത്യ
അവസാന ടെസ്റ്റ്	26 മേയ് 2011 v ഇംഗ്ലണ്ട്
ആദ്യ ഏകദിനം (ക്യാപ് 134)	10 ഏപ്രിൽ 2008 v വെസ്റ്റ് ഇൻഡീസ്
അവസാന ഏകദിനം	11 ജനുവരി 2012 v ദക്ഷിണാഫ്രിക്ക
ഏകദിന ജെഴ്സി നം.	40
പ്രാദേശിക തലത്തിൽ
വർഷം	ടീം
2007–തുടരുന്നു	വയാമ്പ ക്രിക്കറ്റ് ടീം
2006–തുടരുന്നു	ശ്രീലങ്ക ആർമി സ്പോർട്ട്സ് ക്ലബ്
2011	സോമർസെറ്റ് കൗണ്ടി ക്രിക്കറ്റ് ക്ലബ്
2008–2009	കൊൽക്കത്ത നൈറ്റ് റൈഡേഴ്സ്
കരിയർ സ്ഥിതിവിവരങ്ങൾ
മത്സരങ്ങൾ ടെസ്റ്റ് ഏകദിനം ഫസ്റ്റ് ക്ലാസ് ലിസ്റ്റ് എ കളികൾ 16 59 45 100 നേടിയ റൺസ് 164 109 688 509 ബാറ്റിംഗ് ശരാശരി 14.90 7.78 13.23 15.42 100-കൾ/50-കൾ 0/1 0/0 0/1 0/2 ഉയർന്ന സ്കോർ 78 15* 78 71* എറിഞ്ഞ പന്തുകൾ 3,993 2,756 9,400 4,664 വിക്കറ്റുകൾ 62 96 213 176 ബൗളിംഗ് ശരാശരി 32.48 20.75 21.99 18.39 ഇന്നിംഗ്സിൽ 5 വിക്കറ്റ് 3 3 12 4 മത്സരത്തിൽ 10 വിക്കറ്റ് 1 n/a 2 n/a മികച്ച ബൗളിംഗ് 6/117 6/13 7/37 6/12 ക്യാച്ചുകൾ/സ്റ്റം‌പിംഗ് 2/– 8/– 12/– 16/–
ഉറവിടം: CricketArchive, 11 ജനുവരി 2012

അജന്താ മെൻഡിസ്
ജനനം	മാർച്ച് 11, 1985 - മൊറാറ്റുവ
ദേശീയത	Sri Lanka
വിഭാഗം	Sri Lanka Army
ജോലിക്കാലം	2005 -
പദവി	Second Lieutenant
യൂനിറ്റ്	Sri Lanka Artillery

ബാലപുവാഡുഗെ അജന്താ മെൻഡിസ് ശ്രീലങ്കയ്ക്കു വേണ്ടി കളിക്കുന്ന ഒരു ക്രിക്കറ്ററാണ്.

സ്ലോ മീഡിയം ബൗളറാണെങ്കിലും ഗൂഗ്ലീസ്, ഓഫ്-ബ്രേക്ക്സ്, റ്റോപ്-സ്പിന്നേഴ്സ്, ഫ്ലിപ്പേഴ്സ് തുടങ്ങി മെൻഡിസ് തന്റെ നടുവിരലിന്റെ മാന്ത്രികജാലം കൊണ്ട് പലതരത്തിൽ പന്തെറിയുന്നു.

ഏകദിനക്രിക്കറ്റിലെ അദ്ദേഹത്തിന്റെ ഏറ്റവും നല്ല പ്രദർശനം 2008-ലെ ഏഷ്യാക്കപ്പ് ഫൈനൽ മത്സരത്തിലായിരുന്നു. അതിൽ വെറും 13 റൺസ് വിട്ടുകൊടുത്ത് മെൻഡിസ് 6 വിക്കറ്റ് കൊയ്തു. ഇതടക്കം 17 വിക്കറ്റുകൾ കൈയ്യടക്കി ടൂർണ്ണമെന്റിലെ മാൻ ഓഫ് ദി സീരീസ് അവാർഡും മെൻഡിസ് കൈയ്യടക്കി^[1].

മെൻഡിസ് ഇന്ത്യൻ പ്രീമിയർ ലീഗിൽ കൊൽക്കത്ത നൈറ്റ് റൈഡേർസ് ടീമിനു വേണ്ടിയും കളിക്കുന്നു.

മെൻഡിസിന്റെ ആദ്യ ടെസ്റ്റ് ക്രിക്കറ്റ് മത്സരം 2008 ജൂലൈ 23-ന് ഇന്ത്യയ്ക്ക് എതിരെയായിരുന്നു. ആ മത്സരത്തിൽ അദ്ദേഹം 132 വിട്ടുകൊടുത്തുകൊണ്ട് 8 വിക്കറ്റുകൾ നേടി. അങ്ങനെ ഒരു ടെസ്റ്റ് മാച്ചിൽ 8 വിക്കറ്റ് നേടുന്ന ആദ്യ ശ്രീലങ്കൻ ബൗളറായി മെൻഡിസ് മാറി. 2008 സെപ്തംബറിൽ ദുബായിൽ വെച്ച് നടന്ന ഐ.സി.സി. അവാർഡ് സമ്മാനദാന ചടങ്ങിൽ എമർജിംഗ് പ്ലേയർ ഓഫ് ദി ഇയർ അവാർഡ് മെൻഡിസ് ഏറ്റുവാങ്ങി.

2009 മാർച്ച് 3-ന് ലാഹോറിലെ ഗദ്ദാഫി സ്റ്റേഡിയത്തിലേക്ക് പോവുകയായിരുന്ന ശ്രീലങ്കൻ ടീം സഞ്ചരിച്ചിരുന്ന ബസ്സിനു നേരെ ആക്രമണമുണ്ടായി. ബസ്സിന്റെ കാവലിനായി നിന്നിരുന്ന അഞ്ച് ഭടന്മാർ കൊല്ലപ്പെട്ട ഈ ആക്രമണത്തിനിരയായ ടീമിൽ മെൻഡിസും ഒരംഗമായിരുന്നു^[2].

2010 ആഗസ്ത് 6-ന് ഇന്ത്യക്കെതിരായി മെൻഡിസ് തന്റെ ആദ്യ അർദ്ധസെഞ്ചുറി നേടി. ആ കളിയിൽ എല്ലാ ബൗളർമാരേയും മെൻഡിസിനു നേരിടേണ്ടിയും വന്നു-പത്താമനായിറങ്ങുന്ന ഒരു ബാറ്റ്സ്‌മാന് അപൂർവ്വമായി മാത്രം നേരിടേണ്ടി വരുന്ന ഒരനുഭവം.

ഒരു മികച്ച ട്വന്റി 20 ബൗളറാണ്. 2012 സെപ്തംബർ വരെ ട്വന്റി 20 ക്രിക്കറ്റിൽ 6 വിക്കറ്റുകൾ കരസ്ഥമാക്കിയ ഒരേയൊരു ബൗളറാണ് മെൻഡിസ്, കൂടാതെ ഈ നേട്ടം ഇരുതവണ കൊയ്ത ഒരേയൊരാളും.^[3].2012 ഒക്ടഓബർ 26-ന് ശ്രീലങ്കയിലെ ഏറ്റവും വലിയ സിവിലിയൻ അവാർഡായ "ശ്രീലങ്കൻ ഓർഡർ ഓഫ് ബന്ധു" മെൻഡിസ് ഏറ്റുവാങ്ങി.

ആദ്യകാല ജീവിതവും വ്യക്തിജീവിതവും

മൊറാറ്റുവ എന്ന ചെറുഗ്രാമത്തിൽ 1985 മാർച്ച് 11-നാണ് മെൻഡിസിന്റെ ജനനം.അഞ്ചംഗ കുടുംബത്തിലെ മൂന്നമനായണ് മെൻഡിസ് ജനിച്ചത്.അദ്ദേഹം മതപരമായി കത്തോലിക്കനാണ്.^[4][5].തന്റെ ഗ്രാമത്തിലെ തന്നെ സെന്റ്.അന്തോണീസ് കോളേജിലയിരുന്നു മെൻഡിസിന്റെ ആദ്യകാല വിദ്യാഭ്യാസം.അവിടെയാകട്ടെ കായികമേഖലയ്ക്ക് വലിയ പ്രാധാന്യം നൽകാതെ, അതിനുള്ള അവസരങ്ങൾ തന്നെയില്ലായിരുന്നു.2000-ത്തിലാണ് മൊരാറ്റുവ മഹാ വിദ്യാലയത്തിൽ പ്രവേശനം നേടിയതും കായികരംഗത്തേയ്ക്ക് പതുക്കെ പ്രവേശിച്ചതും. മെൻഡിസിലെ കഴിവ് കണ്ടെത്തുന്നത് സ്കൂൾ കോച്ച് ആയിരുന്ന ലക്കി റോഗേഴ്സ് ആണ്. അപ്പോൾ മെൻഡിസിന്റെ പ്രായം 13. 2000-ത്തിൽ അണ്ടർ-15 ടീമിലേയ്ക്ക് തിരഞ്ഞടുക്കപ്പെട്ട മെൻഡിസ് പിന്നീട് ക്യാപ്റ്റൻ സ്ഥാനത്തേക്കും ഉയർത്തപ്പെട്ടു.

പട്ടാള ജീവിതം

200-2004 കളിൽ ശ്രീലങ്കൻ ആർമ്മിയ്ക്കെതിരായി നടന്ന മത്സരങ്ങളിൽ മെൻഡിസിന്റെ കഴിവ് ശ്രദ്ധിക്കപ്പെട്ടു.ഇതേത്തുടർന്ന് മെൻഡിസിനെ ശ്രീലങ്കൻ ആർമ്മിയിലേക്ക ക്ഷണിക്കപ്പെട്ടു.^[6].

അടിസ്ഥാന പരിശീലനത്തിനുശേഷം ആർമ്മി ടീമിനു വേണ്ടി കളിക്കുകയും ആർമ്മിയിൽ ഗണ്ണർ ആയി സേവനമനുഷ്ഠിക്കുകയും ചെയ്തു^[6].ഏഷ്യാക്കപ്പിനെത്തുടർന്ന് അദ്ദേഹത്തെ സെർജന്റായി സ്ഥാനക്കയറ്റം നൽകി^[7].2008 ജൂലൈ 7-ന് സെക്കന്റ് ലഫ്റ്റെനെന്റായിത്തീരുകയും ചെയ്തു^[8].

അവലംബം

1. Staff, Cricinfo. "Ajantha Mendis Profile Cricinfo". Retrieved 2008-06-28.
2. (March 3, 2009). "Sri Lanker players shot in Lahore". Sydney Morning Herald.
3. "Records - Twenty20 matches - Bowling records - Best figures in an innings". ESPN Cricinfo. Retrieved 21 September 2012.
4. "Catholics pray for Sri Lankan cricketers following attack". Union of Catholic Asian News. 2009-03-04. Retrieved 2009-09-25.
5. Dileep Premachandran (2008-08-03). "Ajantha Mendis is the sorcerer's apprentice". Times Online. Retrieved 2009-09-25. {{cite web}}: Italic or bold markup not allowed in: |publisher= (help)
6. "Soldier creating history in International cricket". Archived from the original on 2008-07-02. Retrieved 2012-10-26.
7. Army’s Sensational Spinner Ajantha Mendis Promoted, Sri Lanka Army^{[പ്രവർത്തിക്കാത്ത കണ്ണി]}
8. "Promotion for new cricketing hero, Ajantha, Ministry of Defence". Archived from the original on 2008-07-12. Retrieved 2012-10-26.