അവൈലബിൾ ലൈറ്റ്
ഫോട്ടോഗ്രഫിയിലും ഛായാഗ്രഹണത്തിലും, അവൈലബിൾ ലൈറ്റ് (ആംബിയന്റ് ലൈറ്റ് അല്ലെങ്കിൽ പ്രായോഗിക വെളിച്ചം എന്നും വിളിക്കുന്നു) എന്നത് ചിത്രമെടുക്കുന്നതിനായി ഫോട്ടോഗ്രാഫർ മനപ്പൂർവ്വം ഉപയോഗിക്കുന്നതല്ലാത്ത ഏതെങ്കിലും പ്രകാശ സ്രോതസ്സുകളെ സൂചിപ്പിക്കുന്ന പദമാണ്. ഈ പദം സാധാരണയായി സ്വാഭാവികമായി ലഭ്യമായ പ്രകാശ സ്രോതസുകളെയാണ് സൂചിപ്പിക്കുന്നത് (ഉദാ. സൂര്യൻ, ചന്ദ്രൻ, മിന്നൽ ) അല്ലെങ്കിൽ ഫോട്ടോഗ്രഫിക്കല്ലാതെ ഉപയോഗിച്ച കൃത്രിമ പ്രകാശം (ഉദാ. ഒരു മുറി പ്രകാശിപ്പിക്കുന്നതിന്).[1] ഇത് സാധാരണയായി ഫ്ലാഷുകളെ ഒഴിവാക്കുന്നുവെങ്കിലും ഒരേ സ്ഥലത്ത് ഒരേസമയം ഷൂട്ടിംഗ് നടത്തുന്ന മറ്റ് ഫോട്ടോഗ്രാഫർമാർ നൽകുന്ന ഫ്ലാഷ് ലൈറ്റിംഗ് അവൈലബിൾ ലൈറ്റ് ആയി കണക്കാക്കാറുണ്ട്. യഥാർത്ഥ ഫ്രെയിമിൽ ഉൾപ്പെടുത്തിയിരിക്കുന്ന ലൈറ്റ് സ്രോതസ്സുകളെ പ്രാക്റ്റിക്കൽ ലൈറ്റ് സോഴ്സസ് അല്ലെങ്കിൽ പ്രാക്റ്റിക്കൽസ് എന്ന് വിളിക്കുന്നു.[2]
വിഷയങ്ങളെ ശല്യപ്പെടുത്താതിരിക്കും എന്നതിനാൽ അവൈലബിൾ ലൈറ്റിന്റെ ഉപയോഗം കാൻഡിഡ് ഫോട്ടോഗ്രഫിയിലെ ഒരു പ്രധാന ഘടകമാണ്.
അവൈലബിൾ ലൈറ്റിന്റെ ഉപയോഗം ഒരു ഫോട്ടോഗ്രാഫർക്ക് ഒരു വെല്ലുവിളി സൃഷ്ടിച്ചേക്കാം. ഇൻഡോർ ലൈറ്റിംഗ് ഒഴികെ പ്രകാശത്തിന്റെ തെളിച്ചവും ദിശയും പലപ്പോഴും ക്രമീകരിക്കാൻ കഴിയില്ല. ഇത് ഷട്ടർ വേഗത തിരഞ്ഞെടുക്കുന്നത് പരിമിതപ്പെടുത്തും, കൂടാതെ പ്രകാശം കൈകാര്യം ചെയ്യുന്നതിന് ഷേഡുകളുടെയോ റിഫ്ലക്ടറുകളുടെയോ ഉപയോഗം ആവശ്യമായി വന്നേക്കാം. ആവശ്യമുള്ള ലൈറ്റിംഗ് അവസ്ഥകൾ നേടുന്നതിന് ഫോട്ടോ ഷൂട്ടിന്റെ സമയം, സ്ഥാനം, ഓറിയന്റേഷൻ എന്നിവയെയും ഇത് സ്വാധീനിക്കും. അവൈലബിൾ ലൈറ്റിന് പലപ്പോഴും കളർ ഫോട്ടോഗ്രഫി ഉപയോഗിച്ച് ഒരു കളർ കാസ്റ്റ് സൃഷ്ടിക്കാൻ കഴിയും.
ഫിൽ ലൈറ്റായി ഉപയോഗിക്കുന്ന അധിക ലൈറ്റിംഗുമായി താരതമ്യപ്പെടുത്തി ആംബിയന്റ് ലൈറ്റിന്റെ ലെവലുകൾ മിക്കപ്പോഴും കണക്കാക്കപ്പെടുന്നു, ഈ സാഹചര്യത്തിൽ ആംബിയന്റ് ലൈറ്റിനെ സാധാരണയായി കീ ലൈറ്റ് ആയി കണക്കാക്കുന്നു. ചില സാഹചര്യങ്ങളിൽ, ആംബിയന്റ് ലൈറ്റ് ഒരു ഫില്ലായി ഉപയോഗിക്കാം, ഈ സാഹചര്യത്തിൽ ശക്തമായ പ്രകാശ സ്രോതസ്സ് അധിക ലൈറ്റിംഗ് നൽകുന്നു (ഉദാഹരണത്തിന് ബൗൺസ് ഫ്ലാഷ് ഫോട്ടോഗ്രഫി). ആംബിയന്റ് ലൈറ്റിന്റെയും ഫിൽ ലൈറ്റിന്റെയും ആപേക്ഷിക തീവ്രതയെ ലൈറ്റിംഗ് റേഷ്യോ എന്ന് വിളിക്കുന്നു, ഇത് പൂർത്തിയായ ചിത്രത്തിലെ ദൃശ്യതീവ്രത കണക്കാക്കുന്നതിനുള്ള ഒരു പ്രധാന ഘടകമാണ്.
ഉറവിടങ്ങൾ
[തിരുത്തുക]ഇൻഡോർ (മുറിക്കുള്ളിൽ)
[തിരുത്തുക]- മെഴുകുതിരികൾ
- ഫ്ലൂറസെന്റ് വിളക്കുകൾ
- ലൈറ്റ് ബൾബുകൾ
- ഒരു ജാലകത്തിലൂടെ കടന്നു വരുന്ന പ്രകാശം
ഔട്ട്‌ഡോർ (പുറത്ത്)
[തിരുത്തുക]- ധ്രുവദീപ്തി
- മേഘങ്ങൾ
- തീ
- വെടിക്കെട്ട്
- ഫ്ലാഷ്ലൈറ്റുകൾ (ടോർച്ചുകൾ)
- വിളക്കുകൾ
- പ്രകാശ മലിനീകരണം
- മിന്നൽ
- ചന്ദ്രൻ
- ആകാശം
- നക്ഷത്രങ്ങൾ (വളരെ മങ്ങിയത്)
- തെരുവ് വിളക്കുകൾ
- സൂര്യൻ (ഗോൾഡൻ ഔറും കാണുക)
ഇതും കാണുക
[തിരുത്തുക]- ലോ കീ ലൈറ്റിംഗ്
- ഹൈ കീ ലൈറ്റിംഗ്
- പ്രകാശം
- ലക്സ്
അവലംബം
[തിരുത്തുക]- ↑ http://dictionary.reference.com/browse/ambient%20light Dictionary.com definition
- ↑ "ആർക്കൈവ് പകർപ്പ്". Archived from the original on 2021-04-22. Retrieved 2021-04-22.