ഉഷ | |
|---|---|
| ജനനം | ഹസീന 10 മേയ് 1969 |
| ദേശീയത | ഇന്ത്യൻ |
| തൊഴിൽ | സിനിമ നടി |
| സജീവ കാലം | 1988–present |
| ജീവിതപങ്കാളി(കൾ) | ടി.എസ് സുരേഷ്ബാബു (വിവാഹമോചനം) നാസർ അബ്ദുൾ ഖാദർ (2011-present) |
ഒരു മലയാള സിനിമാ നടിയും ഗായികയും ആണ് ഉഷ. [1] മലയാളചലച്ചിത്രങ്ങളിൽ ഇവർ പ്രവർത്തിക്കുന്നു. 50 ൽ അധികം ചിത്രങ്ങളിൽ അഭിനയിച്ചു. [2]
ഹസീന എന്നാണ് ഉഷയുടെ യഥാർത്ഥ പേര്. ആലപ്പുഴ ആലിശേരിയിൽ എ.എസ്.ഐ മുഹമ്മദ് ഹനീഫയുടെയും ഹഫ്സ ബീവിയുടെയും മകളാണ് ഉഷ .[3] ഉഷയുടെ രണ്ട് സഹോദരങ്ങളാണ് ഹസീബ്, ഹെയ്ൻസ്. ഇരുവരും സിനിമാ രംഗത്താണ്. [4] ഉഷയുടെ പ്രാഥമിക വിദ്യാഭ്യാസം ആലപ്പുഴയിലെ ഗവ. മുഹമ്മദ് ഹയർ സെക്കന്ററി സ്കൂളിൽ നിന്നായിരുന്നു. ഒരു സിനിമാകലാകാരിയായി തീർന്നതിനു മുൻപ് അവൾ നാടക നടിയായിരുന്നു. 1988 ൽ കണ്ടതും കേട്ടതും എന്ന ചിത്രത്തിൽ ബാലചന്ദ്രമേനോൻ നായികയായി അരങ്ങേറ്റം കുറിച്ചു. [5] പ്രശസ്ത തെന്നിന്ത്യൻ സംവിധായകനായ ടി.എസ്.സുരേഷ് ബാബുവുമായി വിവാഹം കഴിഞ്ഞെങ്കിലും വിവാഹമോചനത്തിൽ അവസാനിച്ചു. [6] പിന്നീട് 2011 ൽ ചെന്നൈയിലെ ബിസിനസുകാരനായ നാസർ അബ്ദുൾ ഖാദറെ വിവാഹം ചെയ്തു. [7]
സിനിമകളിൽ അഭിനയിക്കുക മാത്രമല്ല കൈരളി ടി വിയിലെ നിലപക്ഷി ഉൾപ്പെടെ ചില ടെലിവിഷൻ പരമ്പരകളിൽ അഭിനയിച്ചു. കൈരളി ടി വിയിലെ നന്മയുടെ നക്ഷത്രങ്ങൾ എന്ന ടെലിഫിലിമിൽ അഭിനയിച്ചു . കൈരളി ടി.വി.യിലെ തരോത്സവം, നക്ഷത്രദീപങ്ങൾ എന്നീ ജനപ്രിയ റിയാലിറ്റി ഷോകളിൽ അവർ പങ്കെടുത്തിട്ടുണ്ട്.