എ പെസ്റ്ററിങ്ങ് ജേർണി
| എ പെസ്റ്ററിങ്ങ് ജേർണി | |
|---|---|
| സംവിധാനം | കെ.ആർ. മനോജ് |
| നിർമ്മാണം | ട്രോപ്പിക്കൽ സിനിമ |
| രചന | രഞ്ജിനി കൃഷ്ണൻ കെ.ആർ. മനോജ് |
| സംഗീതം | എ.എസ്.അജിത്കുമാർ |
| ഛായാഗ്രഹണം | ഷെഹ്നാദ് ജലാൽ |
| ചിത്രസംയോജനം | മഹേഷ് നാരായൺ അജയ് കുയിലൂർ |
| സ്റ്റുഡിയോ | പോസിറ്റീവ് ഫ്രെയിംസ് ചിത്രാഞ്ജലി സ്റ്റുഡിയോസ് |
| റിലീസിങ് തീയതി | 2010 |
| രാജ്യം | ഇന്ത്യ |
| ഭാഷ | ഇംഗ്ലീഷ്, മലയാളം, പഞ്ചാബി, ഹിന്ദി, തുളു |
| സമയദൈർഘ്യം | 66 മിനിറ്റ് |
കെ.ആർ.മനോജ് സംവിധാനം ചെയ്ത ഒരു ഡോക്യുമെന്ററി ചലച്ചിത്രമാണ് എ പെസ്റ്ററിങ്ങ് ജേർണി. ഈ ഡോക്യുമെന്ററി സ്വാതന്ത്ര്യാനന്തരം ഇന്ത്യയിൽ സംഭവിച്ച പ്രധാനപ്പെട്ട രണ്ട് കീടനാശിനിദുരന്തപ്രദേശങ്ങളിലൂടെയുള്ള യാത്രയാണ്. നമ്മുടെ നാട്ടിലെ കൃഷിയെയും സംസ്കാരത്തെയും ഹരിതവിപ്ലവം എപ്രകാരം സ്വാധീനിച്ചു എന്നൊരു അന്വേഷണം ഈ ചിത്രത്തിലൂടെ നടത്തുന്നു. പഞ്ചാബിലെ പരുത്തിത്തോട്ടങ്ങളിലും മറ്റ് കൃഷിയിടങ്ങളിലും വ്യാപകമായി കീടനാശിനി ഉപയോഗിക്കുന്നതിന്റെ ഇരകളായ കർഷകരുടെയും കാസർഗോഡ് ജില്ലയിലെ കശുമാവിൻതോട്ടങ്ങളിൽ എൻഡോസൾഫാൻ തളിച്ചതിന്റെ ഭാഗമായി ദുരിതജീവിതം വിധിക്കപ്പെട്ട ജനങ്ങളുടെയും ജീവിതപരിസരങ്ങളിലൂടെയാണ് ഈ യാത്ര. തത്സമയം പകർത്തിയ ശബ്ദങ്ങൾ ചിത്രത്തിന്റെ സ്വാഭാവികത കൂട്ടുന്നു.
2010 ൽ പുറത്തിറങ്ങിയ, 66 മിനുട്ട് ദൈർഘ്യമുള്ള ചിത്രത്തിൽ ഇംഗ്ലീഷ്, മലയാളം, ഹിന്ദി, പഞ്ചാബി, തുളു തുടങ്ങിയ ഭാഷകളിൽ സംഭാഷണം ഉണ്ട്. ഹൈ ഡെഫനിഷൻ സാങ്കേതികവിദ്യ ഉപയോഗിച്ചാണ് ചിത്രീകരണം നടത്തിയിരിക്കുന്നത്.
അണിയറയിൽ
[തിരുത്തുക]- സംവിധാനം : കെ.ആർ. മനോജ്
- രചന : രഞ്ജിനി കൃഷ്ണൻ, കെ.ആർ. മനോജ്
- നിർമ്മാണം : ട്രോപ്പിക്കൽ സിനിമ
- ക്യാമറ : ഷെഹ്നാദ് ജലാൽ
- എഡിറ്റിങ്ങ് : മഹേഷ് നാരായണൻ, അജയ് കുയിലൂർ
- ശബ്ദലേഖനം : ഹരികുമാർ മാധവൻ നായർ
- ശബ്ദമിശ്രണം : എൻ. ഹരികുമാർ
- സംഗീതം : എ. എസ്. അജിത്ത്കുമാർ
- പ്രൊഡക്‌‌ഷൻ ഡിസൈൻ: സുരേഷ് വിശ്വനാഥൻ
- ഡിസൈൻ : പ്രിയരഞ്ജൻലാൽ
പുരസ്കാരങ്ങൾ
[തിരുത്തുക]- മികച്ച അന്വേഷണാത്മകചിത്രത്തിനുള്ള 2010 ലെ ദേശീയപുരസ്ക്കാരം ചിത്രത്തിന് ലഭിച്ചു.[1]
- മികച്ച ശബ്ദലേഖനത്തിനുള്ള 2010 ലെ ദേശീയപുരസ്കാരം ഹരികുമാർ മാധവൻ നായർക്ക് ലഭിച്ചു.[1]
- ഗോവയിലെ അന്താരാഷ്ട്ര ചലച്ചിത്രോത്സവത്തിൽ മികച്ച പരിസ്ഥിതി ചിത്രത്തിനുള്ള നാലാമത് ഹ്രസ്വചലച്ചിത്രകേന്ദ്രം വസുധ പുരസ്‌കാരം ലഭിച്ചു[2]
അവലംബം
[തിരുത്തുക]- ↑ 1.0 1.1 http://pib.nic.in/newsite/erelease.aspx?relid=72204
- ↑ "'വസുധ' പുരസ്‌കാരം 'എ പെസ്റ്ററിങ് ജേർണി'ക്ക്‌". Archived from the original on 2011-12-03. Retrieved 2011-12-03.
പുറമെ നിന്നുള്ള കണ്ണികൾ
[തിരുത്തുക]- [വെബ് സൈറ്റ് http://apesteringjourney.wordpress.com/]