കള്ളക്കറുവ | |
---|---|
![]() | |
കള്ളക്കറുവയുടെ ചെടി | |
Scientific classification | |
കിങ്ഡം: | |
(unranked): | |
(unranked): | |
Order: | |
Family: | |
Genus: | |
Species: | L. glutinosa
|
Binomial name | |
Litsea glutinosa (Lour.) C.B. Rob.
| |
Synonyms | |
|
15 മീറ്റർ വരെ ഉയരം വയ്ക്കുന്ന ഒരു ചെറുവൃക്ഷമാണ് കള്ളക്കറുവ. (ശാസ്ത്രീയനാമം: Litsea glutinosa). നദികളുടെയും വനങ്ങളുടെയും ഓരത്ത് ഏഷ്യയിൽ മിക്കയിടത്തും കണ്ടുവരുന്നു[2]. Indian Laurel എന്നും അറിയപ്പെടുന്നു. ആസ്ത്രേലിയയിലെ ആദിമനിവാസികളും ഇന്ത്യക്കാരും ഈ മരം ഔഷധങ്ങൾക്കായി ഉപയോഗിച്ചിരുന്നു[3]. തടി വാറ്റിയെടുത്തതിന് ബാക്ടീരിയയ്ക്കെതിരെ പ്രവർത്തിക്കാനുള്ള കഴിവുണ്ട്[4]. പലനാട്ടിലും ഇതിനെയൊരു അധിനിവേശസസ്യമായി കരുതുന്നു[5]. ഫിലിപ്പൈൻസിൽ പുസൊ-പുസൊ എന്നറിയപ്പെടുന്ന കള്ളക്കറുവ വളരെ പ്രാധാന്യമുള്ള ഒരു ഔഷധസസ്യമാണ്[6]. വിത്തിൽ നിന്നും ലഭിക്കുന്ന എണ്ണ സോപ്പും മെഴുകുതിരിയും ഉണ്ടാക്കാൻ ഉപയോഗിക്കുന്നു. വേരിൽ നിന്നും കിട്ടുന്ന നാര് തായ്ലാന്റിൽ കയറുണ്ടാക്കാനും പേപ്പർ പൾപ്പ് ഉണ്ടാക്കാനും ഉപയോഗിക്കുന്നു. പഴം തിന്നാൻ കൊള്ളും. കാലിത്തീറ്റയായും ഇലകൾ ഉപയോഗിച്ചുവരുന്നു[7]. വഴന ശലഭത്തിന്റെ ലാർവ ഭക്ഷിക്കുന്ന ചെടികളിൽ ഒന്ന് കള്ളക്കറുവയാണ്[8].