കാളിദാസൻ (ചലച്ചിത്രനടൻ)

കാളിദാസ് ജയറാം
കാളിദാസ് ജയറാം
ജനനം (1993-12-16) 16 ഡിസംബർ 1993  (31 വയസ്സ്)
പെരുമ്പാവൂർ, എറണാകുളം ജില്ല
തൊഴിൽചലച്ചിത്ര അഭിനേതാവ്
ജീവിതപങ്കാളിതാരിണി കലിംഗരായർ
മാതാപിതാക്കൾജയറാം,
പാർവ്വതി

മലയാള ചലച്ചിത്ര അഭിനേതാവും താരജോഡികളായ ജയറാം-പാർവ്വതി ദമ്പതികളുടെ മകനുമാണ് കാളിദാസ് ജയറാം (ജനനം: 16 ഡിസംബർ 1993)

ജീവിതരേഖ

[തിരുത്തുക]

പ്രമുഖ മലയാളം - തമിഴ് ചലച്ചിത്രനടൻ ജയറാമിന്റെയും മുൻകാല മലയാള നടി പാർവ്വതിയുടെയും മകനായി 1993 ഡിസംബർ 16ന് എറണാകുളം ജില്ലയിലെ പെരുമ്പാവൂരിൽ ജനിച്ചു. മാളവിക ജയറാം സഹോദരിയാണ്. ചെന്നൈ പത്മശേഷാദ്രി ഭവൻ, ചോയിസ് സ്കൂൾ കൊച്ചി, എന്നിവിടങ്ങളിൽ നിന്ന് പ്രാഥമിക വിദ്യാഭ്യാസം പൂർത്തിയാക്കിയ ശേഷം ചെന്നൈ ലയോള കോളേജിൽ നിന്ന് ബിരുദം നേടി.

സത്യൻ അന്തിക്കാട് സംവിധാനം ചെയ്ത കൊച്ചു കൊച്ചു സന്തോഷങ്ങൾ എന്ന ചിത്രത്തിലൂടെ മലയാളചലച്ചിത്രവേദിയിലെത്തിയ ബാലതാരമാണ് കാളിദാസൻ. സിബി മലയിൽ സംവിധാനം ചെയ്ത എന്റെ വീട്, അപ്പൂന്റേം എന്ന ചിത്രങ്ങളിലെ അഭിനയ മികവിന് 2003-ലെ മികച്ച ബാലനടനുള്ള കേരള സർക്കാർ ചലച്ചിത്രപുരസ്കാരവും ദേശീയ ചലച്ചിത്രപുരസ്കാരവും കാളിദാസൻ നേടി.[1]

മോഡലും 2021 ലെ മിസ് യൂണിവേഴ്‌സ് മത്സരത്തിൽ മൂന്നാം സ്ഥാനക്കാരിയുമായ താരിണി കലിംഗരായരാണ് ഭാര്യ. 2024 ഡിസംബർ 8 ന് ഗുരുവായൂർ ക്ഷേത്രത്തിൽ വെച്ചായിരുന്നു വിവാഹം.[2]

മികച്ച ബാലനടനുള്ള ദേശീയ പുരസ്കാരം ഇന്ത്യൻ പ്രസിഡന്റ് എ.പി.ജെ. അബ്ദുൽ കലാമിൽ നിന്നും ഏറ്റുവാങ്ങുന്നു.
  • മികച്ച ബാലനടനുള്ള കേരളസംസ്ഥാന ചലച്ചിത്രപുരസ്കാരം 2003.(ചിത്രം:എന്റെ വീട്, അപ്പൂന്റേം) [3]
  • മികച്ച ബാലനടനുള്ള ദേശീയ ചലച്ചിത്രപുരസ്കാരം 2003. (ചിത്രം: എന്റെ വീട്, അപ്പൂന്റേം)[4]

അഭിനയിച്ച സിനിമകൾ

[തിരുത്തുക]
  • കൊച്ചു കൊച്ചു സന്തോഷങ്ങൾ 2000
  • യാത്രക്കാരുടെ ശ്രദ്ധയ്ക്ക് 2002
  • എൻ്റെ വീട് അപ്പൂൻ്റേം 2003
  • പൂമരം 2018
  • മിസ്റ്റർ & മിസിസ് റൗഡി 2018
  • അർജൻറീന ഫാൻസ് കാട്ടൂർക്കടവ് 2019
  • ഹാപ്പി സർദാർ 2019
  • ജാക്ക് & ജിൽ 2021
  • പുത്തം പുതു കാലായി 2020
  • പാവ കഥൈകൾ 2020
  • ഒരു പക്ക കഥൈ 2020
  • ബാക്ക്പാക്കേഴ്സ് 2021
  • ജാക്ക് എൻ ജിൽ 2022
  • വിക്രം 2022
  • നച്ചത്തിരം നഗർഗിരധു 2022
  • രജനി 2023
  • അവൾ പെയർ രജനി 2023

അവലംബങ്ങൾ

[തിരുത്തുക]
  1. ↑ "Poomaram Movie Review".
  2. ↑ "7 മാസത്തിനുള്ളിൽ 2 വിവാഹം;മകളെ കെട്ടിപ്പിടിച്ച് കരഞ്ഞ് ജയറാം,ഡബ്ൾ അമ്മായിയമ്മയായെന്ന് പാർവതി" (in ഇംഗ്ലീഷ്). 2024-12-08. Retrieved 2024-12-16.
  3. ↑ വൺഇന്ത്യ » മലയാളം » ചലച്ചിത്രം » വാർത്ത
  4. ↑ കാളിദാസൻ മികച്ച ബാലതാരം