ക്രിസ്റ്റിൻ നെൽസൺ

ക്രിസ്റ്റിൻ നെൽസൺ
ക്രിസ്റ്റിൻ നെൽസൺ 1964 ൽ
ജനനം
ഷാരോൺ ക്രിസ്റ്റിൻ ഹാർമോൺ

(1945-06-25)ജൂൺ 25, 1945
ബർബാങ്ക്, കാലിഫോർണിയ
മരണംഏപ്രിൽ 27, 2018(2018-04-27) (പ്രായം 72)
സാന്താ ഫെ, ന്യൂ മെക്സിക്കോ
ദേശീയതഅമേരിക്കൻ
മറ്റ് പേരുകൾക്രിസ്റ്റിൻ നെൽസൺ ടിങ്കർ
തൊഴിൽ
  • നടി
  • ചിത്രകാരി
  • രചയിതാവ്
ജീവിതപങ്കാളി(കൾ)
​
​
(m. 1963; div. 1982)​
​
​
(m. 1988; div. 2000)​
കുട്ടികൾട്രേസി, മത്യു, ഗണ്ണാർ , സാം നെൽസൺ
മാതാപിതാക്ക(ൾ)ടോം ഹാർമോൺ
എലിസ് നോക്സ്
ബന്ധുക്കൾമാർക്ക് ഹാർമോൺ
(സഹോദരൻ)
കെല്ലി ഹാർമോൺ
(സഹോദരി)
പാം ഡോബർ
(സഹോദരി)
ഹാരിയറ്റ് ഹില്യാർഡ് നെൽസൺ
(അമ്മായിയമ്മ)
ഓസി നെൽസൺ
(അമ്മായിയപ്പൻ)
ഡേവിഡ് നെൽസൺ
(അളിയൻ)

ഷാരോൺ ക്രിസ്റ്റിൻ നെൽസൺ (മുമ്പ്, ഹാർമോൺ; ജൂൺ 25, 1945 - ഏപ്രിൽ 27, 2018) ഒരു ചിത്രകാരി, നടി, എഴുത്തുകാരി എന്നീ നിലകളിൽ പ്രശസ്തയായ വനിതയായിരുന്നു. അഭിനേതാക്കളായ മാർക്ക് ഹാർമൺ, കെല്ലി ഹാർമൺ എന്നിവരുടെ സഹോദരിയായ അവർ നടനും സംഗീതജ്ഞനുമായിരുന്ന റിക്കി നെൽസണുമായി 19 വർഷത്തെ വിവാഹ ജീവിതം നയിച്ചു.

ആദ്യകാല ജീവിതം

[തിരുത്തുക]

അമേരിക്കൻ ഫുട്ബോൾ താരം ടോം ഹാർമന്റെയും മോഡലും നടിയുമായിരുന്ന എലിസ് നോക്സിന്റെയും മകളായിരുന്നു ക്രിസ്റ്റിൻ നെൽസൺ. മോഡലും നടിയുമായ കെല്ലി ഹാർമൺ, നടൻ മാർക്ക് ഹാർമൺ എന്നിവർ അവളുടെ ഇളയ സഹോദരങ്ങളാണ്.[1] ബെൽ എയറിലെ പെൺകുട്ടികൾക്കായുള്ള കത്തോലിക്കാ വിദ്യാലയമായ മേരിമൗണ്ട് ഹൈസ്‌കൂളിൽ, ഏറ്റവും അടുത്ത സ്‌കൂൾ സുഹൃത്തുക്കളിൽ ഒരാളായിരുന്ന മിയ ഫാരോ ഉൾപ്പെടെയുള്ള പിൽക്കാല സെലിബ്രിറ്റികളായ മറ്റ് കുട്ടികൾക്കൊപ്പമാണ് അവർ പഠനം നടത്തിയത്.[2] 1963-ൽ, 17-ാം വയസ്സിൽ കൌമാരക്കാരനായിരുന്ന റിക്കി നെൽസണെ വിവാഹം കഴിക്കുകയും അവരുടെ ആദ്യത്തെ കുഞ്ഞിന് ജന്മം നൽകുകയും ചെയ്തു.[3]

കരിയർ

[തിരുത്തുക]

1963-ൽ റിക്കുമായുള്ള വിവാഹത്തെത്തുടർന്ന്, അയാളുടെ കുടുംബത്തോടൊപ്പം അവരുടെ ടെലിവിഷൻ ഷോയായ ദി അഡ്വഞ്ചേഴ്‌സ് ഓഫ് ഓസി ആൻഡ് ഹാരിയറ്റിൽ ഒരു സ്ഥിരം അഭിനേതാവായി ചേർന്ന അവർ ആദ്യമായി "റിക്ക്സ് വെഡ്ഡിംഗ് റിംഗ്" എന്ന എപ്പിസോഡിൽ പ്രത്യക്ഷപ്പെട്ടു.[4][5] 1965-ൽ, റൊമാന്റിക് കോമഡിയായ ലവ് ആൻഡ് കിസ്സസിൽ റിക്കിനൊപ്പം അഭിനയിച്ച അവർ അതിൽ വിവാഹിതരായ സ്കൂൾ പ്രായത്തിലുള്ള യുവ ദമ്പതികളുടെ പ്രശ്‌നങ്ങൾ അവതരിപ്പിച്ചു.[6]

ആദം-12 എന്ന ടെലിവിഷൻ പരമ്പരയിൽ പോലീസ് ഉദ്യോഗസ്ഥനായ ജിം റീഡിന്റെ ഭാര്യ ജീൻ ആയി വേഷമിട്ട അവർ മറ്റ് പരമ്പരകളിൽ അതിഥി താരമായി അഭിനയിച്ചതു കൂടാതെ മികച്ച ലൈവ്-ആക്ഷൻ ഹൃസ്വ ചിത്രത്തിനുള്ള അക്കാദമി പുരസ്കാരം നേടിയ ദി റിസറക്ഷൻ ഓഫ് ബ്രോങ്കോ ബില്ലി ഉൾപ്പെടെയുള്ള ഏതാനും നാടകീയ സിനിമകളിലും അഭിനയിച്ചു. 1982-ൽ ലയേഴ്‌സ് മൂൺ എന്ന ചിത്രത്തിന് ശേഷം അവർ അഭിനയത്തിൽ നിന്ന് വിരമിച്ചു.

അവലംബം

[തിരുത്തുക]
  1. ↑ Nash, Eric P. "Books in Brief: Nonfiction; California Dreamin' ", The New York Times, November 16, 1997; retrieved February 24, 2010.
  2. ↑ Wilkins, Barbara (1974-05-24). "The Rick Nelsons Come of Age". PEOPLE.com (in ഇംഗ്ലീഷ്). Retrieved 2019-12-14.
  3. ↑ "Inside the Tragic Downfall of Kristin Harmon: Mark Harmon's Late Sister and Former Member of TV Royalty". PEOPLE.com (in ഇംഗ്ലീഷ്). Retrieved 2019-12-15.
  4. ↑ Bashe 145
  5. ↑ Selvin 150
  6. ↑ "Nelsons combine teenage fun romance in 'Love and Kisses'", The Dispatch, Lexington, p. 34, September 14, 1965.