ചുബ
ചുബ ടിബറ്റിലെ ജനങ്ങളുടെ പാരമ്പര്യ വേഷമാണ്. ശരീരം മുഴുവൻ മറയത്തക്ക വിധത്തിൽ ധരിക്കുന്ന ഒരു വസ്ത്രമാണിത്. ഹിമാലയത്തിലെ ടിബറ്റൻ പർവ്വതത്തിലെ കഠിനമായ തണുപ്പിൽ നിന്നും രക്ഷനേടുന്നതിന് ഈ വസ്ത്രധാരണം ടിബറ്റുകാരെ സഹായിക്കുന്നു. ടിബറ്റൻ നാടോടികളുടെയിടയിലാണ് ഇത് കൂടുതലും പ്രചാരത്തിലുള്ളത്. ടിബറ്റിലെ ജനവിഭാഗമായ ഷെർപ്പകളുടെ പാരമ്പര്യവേഷമാണിത്.[1] കമ്പിളി നെയ്യലും നിറം കൊടുക്കലുമൊക്കെയാണ് ഷെർപ്പ സ്ത്രീകളുടെ പ്രധാന ജോലി.[2] പടിഞ്ഞാറൻ നേപ്പാളിലെ കുന്നുകളിൽ വസിക്കുന്ന ഒരു ജനവിഭാഗമാണ്‌ ഷെർപ്പകൾ. ഇവിടെ ഇവർ യാക്കുകളേയും മറ്റു കന്നുകാലികളെ മേയ്ക്കുകയും, ചെറുകിട കൃഷികൾ നടത്തുകയും, തിബറ്റിലേക്ക് കച്ചവടം നടത്തുകയും ചെയ്യുന്നു