ഛോട്ടാ ഇമാംബര

ഛോട്ടാ ഇമാംബര, ലഖ്‌നൗ

മുഹമ്മദ് അലി ഷാ ബഹാദൂർ രാജാവിൻ്റെ (അവധിലെ മൂന്നാമത്തെ രാജാവ്) മകളായ ആസിയ ബീഗം രാജകുമാരിയുടെ ശവകുടീരം. താജ്മഹലിൻ്റെ പകർപ്പ്. മുഹമ്മദലി ഷായുടെയും അമ്മയുടെയും മൃതദേഹം അടക്കാൻ വേണ്ടിയും നിർമ്മിച്ചതാണ് ഇത്.

ട്രഷറി അല്ലെങ്കിൽ എതിരെയുള്ള കെട്ടിടം.

ലഖ്‌നൗവിലെ ഛോട്ടാ ഇമാംബര.

ഹുസൈനാബാദ് ഇമാംബര സമുച്ചയത്തിലെ രാജകുമാരി ആസിയ ബീഗത്തിൻ്റെ ശവകുടീരത്തിന് എതിർവശത്തുള്ള ജവാബ് (1862)

ഹുസൈനാബാദ് മസ്ജിദ്.

ഇന്ത്യയിലെ ഉത്തർപ്രദേശിലെ ലഖ്‌നൗ നഗരത്തിൽ സ്ഥിതി ചെയ്യുന്ന ഒരു ഗംഭീരമായ സ്മാരകമാണ് ഛോട്ടാ ഇമാംബര. ഇമാംബര ഹുസൈനാബാദ് മുബാറക് എന്നും ഇത് അറിയപ്പെടുന്നു. ഇതിന്റെ പണി പൂർത്തിയാകാൻ 54 വർഷമെടുത്തു. 1838-ൽ അവധിലെ നവാബായിരുന്ന മുഹമ്മദ് അലി ഷാ, ഷിയാ മുസ്ലീങ്ങൾക്കായുള്ള ഒരു ഇമാംബര അല്ലെങ്കിൽ ഒരു സഭാ ഹാൾ ആയാണ് ഇത് നിർമ്മിച്ചത്. ^[1] തനിക്കും തന്റെ അമ്മയ്ക്കും വേണ്ടിയുള്ള ഒരു ശവകുടീരമായി ഈ നിർമ്മിതി വർത്തിച്ചു. ^[2]

അഞ്ച് പ്രധാന വാതിലുകളുള്ള പഞ്ചേതൻ വിശുദ്ധ അഞ്ചിന്റെ പ്രാധാന്യം ഇവിടെ ഊന്നിപ്പറയുന്നു. ഈ ഇമാംബരയിൽ രണ്ട് ഹാളുകളും ഒരു ഷെഹ്‌നാഷീനും (ഇമാം ഹുസൈൻ്റെ സരിഹ് സൂക്ഷിച്ചിരിക്കുന്ന ഒരു പ്ലാറ്റ്‌ഫോം.) ഉണ്ട്. ഇറാഖിലെ കർബലയിലുള്ള ഇമാം ഹുസൈൻ്റെ ഖബറിൽ സൂക്ഷിച്ചിരിക്കുന്ന ഘടനയുടെ പകർപ്പാണ് സരിഹ്. പച്ചയും വെള്ളയും നിറത്തിലുള്ള അതിരുകളുള്ള അസാഖാന എന്ന വലിയ ഹാൾ ധാരാളം നിലവിളക്കുകളും ക്രിസ്റ്റൽ ഗ്ലാസ് ലാമ്പ് സ്റ്റാൻഡുകളും കൊണ്ട് അലങ്കരിച്ചിരിക്കുന്നു. വാസ്തവത്തിൽ, സമൃദ്ധമായ ഈ അലങ്കാരം മൂലമാണ് ഈ ഇമാംബരയെ യൂറോപ്യൻ സന്ദർശകരും എഴുത്തുകാരും ദി പാലസ് ഓഫ് ലൈറ്റ്സ് എന്ന് വിശേഷിപ്പിക്കുന്നത്. പുറംഭാഗം ഇസ്‌ലാമിക കാലിഗ്രാഫിയിലെ ഖുറാൻ സൂക്തങ്ങൾ കൊണ്ട് വളരെ മനോഹരമായി അലങ്കരിച്ചിരിക്കുന്നു.

അവലോകനം

നൗബത് ഖാന അല്ലെങ്കിൽ ഛോട്ടാ ഇമാംബരയിലെ ആചാരപരമായ കവാടം.

ബാര ഇമാംബരയുടെ പടിഞ്ഞാറ് ഭാഗത്തായി ഛോട്ടാ ഇമാംബര നിലകൊള്ളുന്നു. ബാര ഇമാംബരുയുടെ പ്രൗഢമായ കവാടമാണ് റൂമി ദർവാസ. ^[3] മുഹറം പോലെയുള്ള പ്രത്യേക ആഘോഷവേളകളിലെ അലങ്കാരങ്ങളും നിലവിളക്കുകളും കാരണം ഈ കെട്ടിടം വിളക്കുകളുടെ കൊട്ടാരം എന്നും അറിയപ്പെടുന്നു. ^[4]

ഈ കെട്ടിടത്തിൻ്റെ ഉൾവശം അലങ്കരിക്കാൻ ഉപയോഗിക്കുന്ന തൂക്കുവിളക്കുകൾ ബെൽജിയത്തിൽ നിന്നാണ് കൊണ്ടുവന്നത്. ^[5] കെട്ടിടത്തിനുള്ളിൽ മുഹമ്മദ് അലി ഷായുടെ കിരീടവും ആചാരപരമായ ടാസിയസും ഉണ്ട്. ^[6] ആയിരക്കണക്കിന് തൊഴിലാളികൾ ക്ഷാമ മോചനത്തിനായി പദ്ധതിയിൽ പ്രവർത്തിച്ചു.

ഇതിന് സ്വർണ്ണം പൂശിയ താഴികക്കുടവും നിരവധി ഗോപുരങ്ങളും മിനാരങ്ങളും ഉണ്ട്. മുഹമ്മദ് അലി ഷായുടെയും മറ്റ് കുടുംബാംഗങ്ങളുടെയും ശവകുടീരങ്ങൾ ഈ ഇമാംബരയ്ക്കുള്ളിലാണ്. മുഹമ്മദ് അലി ഷായുടെ മകളുടെയും ഭർത്താവിൻ്റെയും ശവകുടീരങ്ങളായി നിർമ്മിച്ച താജ്മഹലിൻ്റെ രണ്ട് പകർപ്പുകൾ ഇതിൽ ഉൾപ്പെടുന്നു. ചുവരുകൾ അറബി കാലിഗ്രാഫി കൊണ്ട് അലങ്കരിച്ചിരിക്കുന്നു. ^[7]

ഇമാംബരയ്ക്കുള്ളിലെ ജലധാരകൾക്കും ജലസ്രോതസ്സുകൾക്കുമുള്ള ജലവിതരണം ഗോമതി നദിയിൽ നിന്നാണ്. ^[8]

നവാബ് മുഹമ്മദ് അലി ഷാ ബഹാദൂറിൻ്റെ (അവധിലെ മൂന്നാം നവാബ്) മകൾ ആസിയ ബീഗം രാജകുമാരിയുടെ ശവകുടീരം

നവാബ് മുഹമ്മദ് അലി ഷായുടെ മകൾ ആസിയ ബീഗം സാഹിബ രാജകുമാരിയുടെയും മറ്റ് രണ്ട് ശവകുടീരങ്ങളുടെയും ശവകുടീരമായി ഈ നിർമ്മിതി പ്രവർത്തിക്കുന്നു. താജ്മഹലിൻ്റെ ചെറിയൊരു പകർപ്പാണിത്.

ട്രഷറി

ശവകുടീരത്തെ അഭിമുഖീകരിക്കുന്ന മറ്റൊരു ഘടന ഇമാംബരയുടെ വാസ്തുവിദ്യാ സമമിതിയ്ക്കും സന്തുലിതാവസ്ഥയ്ക്കും വേണ്ടി നിർമ്മിച്ചതാണ്. ഇത് ഒരു ട്രഷറിയായി ഉപയോഗിച്ചു.

ഹുസൈനാബാദ് മസ്ജിദ്

പ്ലാറ്റ്‌ഫോമിൻ്റെ അരികിൽ രണ്ട് വലിയ മിനാരങ്ങളുള്ള ഉയർന്ന പ്ലാറ്റ്‌ഫോമിലാണ് ഈ മസ്ജിദ് നിർമ്മിച്ചിരിക്കുന്നത്. ഈ മസ്ജിദ് പുഷ്പ ഡിസൈനുകളും ഖുറാൻ കാലിഗ്രാഫിയും കൊണ്ട് വളരെ മനോഹരമായി അലങ്കരിച്ചിരിക്കുന്നു.

സത്ഖണ്ഡം

സത്ഖണ്ഡ, അപൂർണ്ണമായ വാച്ച് ടവറും ചന്ദ്ര നിരീക്ഷണാലയവും

സത്ഖണ്ഡ എന്ന വാക്കിൻ്റെ അർത്ഥം ഏഴ് നിലകളുള്ളതാണ്, എന്നാൽ നാലാം നിലയോടെ നിർമ്മാണം നിലച്ചതിനാൽ ഡിസൈനിലെ സമമിതിക്ക് ആനുപാതികമായി ഈ കെട്ടിടം നിർമ്മിക്കപ്പെട്ടില്ല. നവാബ് മുഹമ്മദ് അലി ഷാ തൻ്റെ ഭരണകാലത്ത് ഈ കെട്ടിടം കമ്മീഷൻ ചെയ്തു. ഇതിന്റെ നിർമ്മാണം 1837 ൽ ആരംഭിച്ച് 1842 വരെ തുടർന്നു. ലഖ്‌നൗവിലെ പഴയ നഗര പ്രദേശത്തിൻ്റെ വിഹഗവീക്ഷണം ലഭിക്കുന്നതിനുള്ള ഒരു നിരീക്ഷണ ഗോപുരമായാണ് ഇത് രൂപകല്പന ചെയ്തത്. ഗോപുരത്തിന് നിരവധി വലിയ കമാനങ്ങളുള്ള ജനലുകളും അറകളുമുണ്ട്. കെട്ടിടത്തിൻ്റെ വിവിധ നിലകളിലേക്ക് സർപ്പിള ആകൃതിയിലുള്ള പടികൾ നയിക്കുന്നു. ^[9]

തെറ്റായ നവീകരണം

പിന്നീട് ഈ കെട്ടിടം നവീകരിച്ചു. എന്നാൽ പുനർനി‍ർമ്മാണ പ്രക്രീയ വലിയ രീതിയിൽ വിമർശിക്കപ്പെട്ടു. "[ഈ കെട്ടിടം] ഈയിടെ ആധുനിക സിമൻ്റ് ഉപയോഗിച്ച് "അറ്റകുറ്റപ്പണി നടത്തി", അതിൻ്റെ സൂക്ഷ്മമായ പ്ലാസ്റ്റർ വർക്ക് തകർത്തു" എന്ന് 2016-ൽ ദി ഇക്കണോമിസ്റ്റ് എഴുതി. ^[10]

ചിത്രശാല

• 
  അറബി കാലിഗ്രാഫി
• 
  അവധിലെ മൂന്നാമത്തെ രാജാവായ മുഹമ്മദ് അലി ഷായുടെ കിരീടം (1837-1843)
• 
  സമുച്ചയത്തിനുള്ളിലെ ഇരട്ട മിനാരങ്ങളിൽ ഒന്ന്
• 
  നിലവിളക്കുകൾ
• 
  പ്രധാന ഹാളിലെ ടാസിയ
• 
  നിലവിളക്കുകൾ
• 
  തറയിലെ ചാൻഡിലിയേഴ്സ്
• 
  പ്രധാന കവാടത്തിൽ ചങ്ങല പിടിച്ചിരിക്കുന്ന പ്രതിമ
• 
  പ്രധാന ഗേറ്റിൽ മത്സ്യത്തിൻ്റെ രൂപത്തിൽ ഒരുഅനിമോമീറ്റർ
• 
  മുറ്റത്ത് ഒരു കുളം
• 
  അറബി ഭാഷയിൽപന്ത്രണ്ട് ഇമാമുകളുടെപേര്
• 
  ഇസ്ലാമിക കാലിഗ്രാഫിയുടെഉദാഹരണമായ പ്രാവിൻ്റെ രൂപത്തിൽ എഴുതിയ "അല്ലാഹ്" എന്ന വാക്ക്
• 
  മുഹറം സമയത്ത് മജ്‌ലിസിന് (വിലാപ സമ്മേളനം) ഉപയോഗിക്കുന്ന മിമ്പർ.
• 
  ആനക്കൊമ്പ്കൊണ്ട് നിർമ്മിച്ച താസിയ
• 

ഇതും കാണുക

• ബാര ഇമാംബര
• ഛത്തർ മൻസിൽ
• ഇമാംബര ഷാ നജാഫ്
• ഇമാംബര ഗുഫ്രാൻ മഅബ്
• ഹുസൈനിയ
• ലഖ്‌നൗവിലെ ഇമാംബരകൾ
• ലഖ്‌നൗവിലെ ആസാദാരി
• ബുലന്ദ് ദർവാസ

അവലംബങ്ങൾ

1. Tornos India – About Us – Nawabs of Avadh Archived 10 ഒക്ടോബർ 2008 at the Wayback Machine
2. Sarina Singh (2010). Lonely Planet India. Lonely Planet. p. 430. ISBN 978-1-74220-347-8.
3. Sarina Singh (2010). Lonely Planet India. Lonely Planet. p. 430. ISBN 978-1-74220-347-8.
4. Arthur Murrell's Frontier Camera - 1. Lulu.com. p. 19. ISBN 978-1-85829-073-7.
5. Marshall Cavendish Corporation (2007). World and Its Peoples: Eastern and Southern Asia. Marshall Cavendish. p. 448. ISBN 978-0-7614-7631-3.
6. Sarina Singh (2010). Lonely Planet India. Lonely Planet. p. 430. ISBN 978-1-74220-347-8.
7. Sarina Singh (2010). Lonely Planet India. Lonely Planet. p. 430. ISBN 978-1-74220-347-8.
8. Jagir Singh Bajwa; Ravinder Kaur (2007). Tourism Management. APH Publishing. pp. 161–. ISBN 978-81-313-0047-3.
9. "Satkhanda, Lucknow - Sarmaya". sarmaya.in (in അമേരിക്കൻ ഇംഗ്ലീഷ്). Retrieved 2023-07-12.
10. "Preservation in India: Brick by brick". The Economist. Retrieved 2016-11-28.