ജോസഫ് പാറേക്കാട്ടിൽ
 | ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| ജോസഫ് പാറേക്കാട്ടിൽ Joseph Parecattil | |
|---|---|
 സീറോ-മലബാർ സഭയുടെ ആദ്യ കർദ്ദിനാൾ | |
| സ്ഥാനാരോഹണം | ജൂലൈ 20, 1956 |
| മുൻഗാമി | അഗസ്റ്റിൻ കണ്ടത്തിൽ |
| പിൻഗാമി | ആന്റണി പടിയറ |
| വൈദിക പട്ടത്വം | ഓഗസ്റ്റ് 24, 1939 |
| മെത്രാഭിഷേകം | നവംബർ 30, 1953 |
| കർദ്ദിനാൾ സ്ഥാനം | ഏപ്രിൽ 28, 1969 |
| മറ്റുള്ളവ | എറണാകുളം - അങ്കമാലി അതിരൂപതാ സഹായ മെത്രാൻ (1953-1956) |
| വ്യക്തി വിവരങ്ങൾ | |
| ജനനം | ഏപ്രിൽ 1, 1912 കിടങ്ങൂർ, എറണാകുളം, ഇന്ത്യ |
| മരണം | ഫെബ്രുവരി 20, 1987 (പ്രായം 74) കൊച്ചി, കേരളം, ഇന്ത്യ |
| ദേശീയത |  ഇന്ത്യ |
| വിഭാഗം | സീറോ മലബാർ കത്തോലിക്കാ സഭ |
സിറോ-മലബാർ സഭക്കാരനായ പ്രഥമ കർദ്ദിനാളും എറണാകുളം അതിരൂപതയുടെ മുൻ മെത്രാപ്പോലീത്തയുമായിരുന്നു മാർ ജോസഫ് പാറേക്കാട്ടിൽ (ഏപ്രിൽ 1, 1912 — ഫെബ്രുവരി 20, 1987).[1] മൂന്നു പതിറ്റാണ്ടോളം ഇദ്ദേഹം അതിരൂപതാ അധ്യക്ഷ പദവി വഹിച്ചിരുന്നു.
ജീവിതരേഖ
[തിരുത്തുക]എറണാകുളം ജില്ലയിലെ കിടങ്ങൂരിൽ 1912 ഏപ്രിൽ 1-നാണ് ഇദ്ദേഹത്തിന്റെ ജനനം. 1939 - ഓഗസ്റ്റ് 24-ന് പൗരോഹിത്യം സ്വീകരിച്ച ഇദ്ദേഹം ശ്രീലങ്കയിലെ കാൻഡി പേപ്പൽ സെമിനാരിയിൽ വൈദികപഠനം പൂർത്തിയാക്കിയ ശേഷം ദൈവശാസ്ത്രത്തിൽ ഡോക്‌ട്രേറ്റും തത്ത്വശാസ്ത്രത്തിൽ ബിരുദാനന്ത ബിരുദവും നേടി. ക്രൈസ്തവ വാരികയായ സത്യദീപത്തിന്റെ ചീഫ് എഡിറ്ററായി വളരെക്കാലം സേവനമനുഷ്ഠിച്ചിരുന്നു. ഞാറയ്ക്കൽ, വടക്കൻ പറവൂർ എന്നീ ഇടവകകളിൽ സഹവികാരിയായിരുന്നു. പിന്നീട് കൊച്ചി ചുണങ്ങംവേലിയിൽ വികാരിയായും ചുമതല വഹിച്ചു.
1953 ഒക്ടോബർ 28-ന് എറണാകുളം അതിരൂപതയുടെ സഹായമെത്രാനായി നിയമിതനായി. 1956 ജനുവരി 27-ന് എറണാകുളം അതിരൂപതയുടെ അഡ്മിനിസ്ട്രേറ്ററായും തുടർന്ന് 1957 ജനുവരി 9-ന് ആർച്ച് ബിഷപ്പായും ചുമതലയേറ്റു. 1969 ഏപ്രിൽ 28-നാണ് പോൾ ആറാമൻ മാർപ്പാപ്പ ഇദ്ദേഹത്തെ കർദ്ദിനാളായി നിയമിച്ചത്. 1984-ൽ തൽസ്ഥാനത്തു നിന്നും വിരമിച്ചു. റോമിലെ പൗരസ്ത്യ തിരുസംഘത്തിന്റെ കൺസൾട്ടന്റായും ഇദ്ദേഹം പ്രവർത്തിച്ചിരുന്നു. 1987 ഫെബ്രുവരി 20-ന് 74-ആം വയസ്സിൽ അന്തരിച്ചു.
പുറത്തേക്കുള്ള കണ്ണികൾ
[തിരുത്തുക]- മുൻ മേലധ്യക്ഷന്മാർ - എറണാകുളം അതിരൂപതയുടെ വെബ്‌സൈറ്റിലെ വിവരണം Archived 2015-12-08 at the Wayback Machine.
അവലംബം
[തിരുത്തുക]- ↑ "ആർക്കൈവ് പകർപ്പ്". Archived from the original on 2015-12-08. Retrieved 2011-04-01.