| Maulana Naeem Siddiqui | |
|---|---|
| نعیم صدیقی | |
| മതം | Islam |
| Personal | |
| ജനനം | 5 June 1916 Chakwal, Punjab, British India |
| മരണം | 25 സെപ്റ്റംബർ 2002 (പ്രായം 86) Lahore, Punjab, Pakistan |
പാക്കിസ്ഥാൻ ഇസ്ലാമിക പണ്ഡിതനും എഴുത്തുകാരനും രാഷ്ട്രീയക്കാരനുമായിരുന്നു മൗലാന നഈം സിദ്ദീഖി (ജീവിതകാലം: 1916 - 25 സെപ്റ്റംബർ 2002). ജമാഅത്തെ ഇസ്ലാമിയുടെ സ്ഥാപകാംഗമായിരുന്ന അദ്ദേഹം അബുൽ അഅ്ല മൗദൂദിയുടെയും അമിൻ അഹ്സാൻ ഇസ്ലാഹിയുടെയും അടുത്ത അനുയായിയായിരുന്നു.[1]
1916 ജൂൺ 5 ന് ബ്രിട്ടീഷ് ഇന്ത്യയിലെ പഞ്ചാബിലെ ചക്വാളിലാണ് നഈം സിദ്ദീഖി ജനിച്ചത്.[2] വീട്ടിൽ നിന്ന് പ്രാഥമിക വിദ്യാഭ്യാസം നേടിയശേഷം ഖാൻപൂർ സർക്കാർ ഹൈസ്കൂളിൽ പഠനം തുടർന്നു. ലാഹോറിലെ യൂണിവേഴ്സിറ്റി ഓഫ് പഞ്ചാബിൽ നിന്നും മുൻഷി (ബിരുദം), മുൻഷി ഫാസിൽ (ബിരുദാനന്തര ബിരുദം)എന്നിവ പൂർത്തിയാക്കി.[3]
ജമാഅത്തെ ഇസ്ലാമിയുടെ സ്ഥാപകസമ്മേളനത്തിലെ അംഗമായിരുന്ന നഈം സിദ്ദീഖി, 1994 വരെ അതിൽ പ്രവർത്തിച്ചു വന്നു. അഭിപ്രായഭിന്നതകളെത്തുടർന്ന് തഹ്‌രീകെ ഇസ്‌ലാമി എന്ന പേരിൽ പുതിയ സംഘടന രൂപീകരിച്ചു.[4][5]<ref name=dawn/>
അനാരോഗ്യത്തെത്തുടർന്ന് 2002 സെപ്റ്റംബർ 25 ന് 86 ആം വയസ്സിൽ അദ്ദേഹം അന്തരിച്ചു. മൻസൂറ മൈതാനത്ത് അദ്ദേഹത്തിന്റെ സംസ്കാര ചടങ്ങുകൾ നടത്തി. ജമാഅത്തെ ഇസ്ലാമിയുടെ മുൻ അമീറായ മിയാൻ തുഫൈൽ മുഹമ്മദാണ് ഇതിന് നേതൃത്വം നൽകിയത്.