ശിരോമണി ഗുരുദ്വാര പ്രബന്ധക് കമ്മറ്റി അംഗീകരിച്ച സൗര കലണ്ടറാണ് നാനാക് ഷാഹി കലണ്ടർ. വിവിധ സിക്ക്മത സംഭവങ്ങൾ കണക്കാക്കാനായി നാനാക് ഷാഹി കലണ്ടർ ഉപയോഗിക്കുന്നു. പ്രമുഖ സിക്ക് നേതാക്കളുടെ സാന്നിദ്ധ്യത്തിൽ തഖത്ത് ശ്രീ ധർമ്മ സാഹിബിൽ വച്ച് പ്രമുഖ സിക്ക് പണ്ഡിതൻ പ്രൊഫ കിർപാൽ സിങ്ങ് ബഢുൻഗാറാണ് ഈ കലണ്ടർ സ്വീകരിച്ചത്. 1988 മുതൽ ഉപയോഗിച്ചിരുന്ന ശക കലണ്ടറിനുപകരം ഉപയോഗിക്കാനായാണ് നാനാക് ഷാഹി കലണ്ടർ രൂപകൽപ്പന ചെയ്തത്. പാൽ സിംഗ് പുരേവാൾ എന്നയാളാണ് നാനക്ഷ കലണ്ടർ നിർമ്മിച്ചത്. ഇതിന്റെ അവലംബദിനം 1469 ൽ ജനിച്ച സിക്ക് ഗുരുവായ ഗുരുനാനാക് ദേവന്റെ ജന്മദിനമാണ്.ഗ്രഗോറിയൻ കലണ്ടറിലെ മാർച്ച് 14നാണ് പുതുവർഷം വരുന്നത്.
ലോകത്തിലെ 90 ശതമാനം ഗുരുദ്വാരകളിലും ഈ കലണ്ടർ സ്വീകരിച്ചിരിക്കുന്നു. ചില പരമ്പരാഗത സിക്ക് വിഭാഗങ്ങളിൽ ഈ കലണ്ടറിന്റെ സ്വീകാര്യതയെ സംബന്ധിച്ച് ചില തർക്കങ്ങൾ നിലനിൽക്കുന്നുണ്ട്.
കലണ്ടറിന്റെ പ്രത്യേകതകൾ
നമ്പർ | പേര് | പഞ്ചാബിയിൽ | ദിവസങ്ങൾ | ഗ്രിഗോറിയൻ മാസങ്ങൾ |
---|---|---|---|---|
1 | ചേത് (മാസം) | ਚੇਤ | 31 | 14 മാർച്ച് – 13 ഏപ്രിൽ |
2 | വൈശാഖ് (മാസം) | ਵੈਸਾਖ | 31 | 14 ഏപ്രിൽ – 14 മെയ് |
3 | ജേത് (മാസം) | ਜੇਠ | 31 | 15 മെയ് – 14 ജൂൺ |
4 | ഹർ (മാസം) | ਹਾੜ | 31 | 15 ജൂൺ – 15 ജൂലൈ |
5 | സാവൻ (മാസം) | ਸਾਵਣ | 31 | 16 ജൂലൈ – 15 ആഗസ്ത് |
6 | ഭാഡോൺ (മാസം) | ਭਾਦੋਂ | 30 | 16 ആഗസ്ത് – 14 സെപ്തംബർ |
7 | അസ്സു (മാസം) | ਅੱਸੂ | 30 | 15 സെപ്തംബർ – 14 ഒക്ടോബർ |
8 | കടക് (മാസം) | ਕੱਤਕ | 30 | 15 ഒക്ടോബർ – 13 നവംബർ |
9 | മഖർ (മാസം) | ਮੱਘਰ | 30 | 14 നവംബർ – 13 ഡിസംബർ |
10 | പോഹ് (മാസം) | ਪੋਹ | 30 | 14 ഡിസംബർ – 12 ജനവരി |
11 | മാഖ് (മാസം) | ਮਾਘ | 30 | 13 ജനവരി – 11 ഫിബ്രവരി |
12 | ഫാഗുൻ (മാസം) | ਫੱਗਣ | 30/31 | 12 ഫിബ്രവരി – 13 മാർച്ച് |