പാറ്റ് വുഡൽ

പാറ്റ് വുഡൽ
വുഡലും ഗാരി ക്ലാർക്കും 1964 ൽ.
ജനനം
പട്രീഷ്യ ജോയ് വുഡൽ

(1944-07-12)ജൂലൈ 12, 1944
വിൻത്രോപ്പ്, മസാച്യുസെറ്റ്സ്, യു.എസ്.
മരണംസെപ്റ്റംബർ 29, 2015(2015-09-29) (പ്രായം 71)
ഫാൾബ്രൂക്ക്, കാലിഫോർണിയ, യു.എസ്.
തൊഴിൽനടി/ഗായിക
സജീവ കാലം1962–1973
ജീവിതപങ്കാളികൾ
ഗാരി ക്ലാർക്ക്
​
(m. 1964⁠–⁠1977)​
വെർൺ മക്ഡേഡ്
​
(m. 1978⁠–⁠2015)​

പട്രീഷ്യ ജോയ് വുഡൽ (ജീവിതകാലം: ജൂലൈ 12, 1944 - സെപ്റ്റംബർ 29, 2015) ഒരു അമേരിക്കൻ നടിയും ഗായികയുമായിരുന്നു. 1963 മുതൽ 1965 വരെ സംപ്രേക്ഷണം ചെയ്യപ്പെട്ട പെറ്റിക്കോട്ട് ജംഗ്ഷൻ എന്ന ടി.വി. ഹാസ്യ പരമ്പരയിലെ ബോബി ജോ ബ്രാഡ്‌ലി എന്ന വേഷത്തിലൂടെ അവർ പ്രശസ്തയാണ്.

ജീവിതരേഖ

[തിരുത്തുക]

1944 ജൂലൈ 12ന് മസാച്യുസെറ്റ്‌സിലെ വിൻത്രോപ്പിലാണ് നഗരത്തിലാണ് പാറ്റ് വുഡൽ ജനിച്ചത്.[1] തുടക്കത്തിൽ ഒരു ഗായികയാകാൻ ആഗ്രഹിച്ചിരുന്ന അവർ, ചെയെൻ എന്ന ടിവി പരമ്പരയുടെ 1962 ലെ "ദി വാനിഷിംഗ് ബ്രീഡ്" എന്ന എപ്പിസോഡിലൂടെ അഭിനയരംഗത്തേക്ക് കടക്കുന്നതിനുമുമ്പായി ഒരു കൗമാരക്കാരിയെന്ന നിലയിൽ കാറ്റ്‌സ്‌കിൽ മൗണ്ടൻസ് ഹോട്ടലുകളിൽ ഗായികയായി പ്രകടനങ്ങൾ നടത്തിയിരുന്നു. പിന്നീട് ഹവായിയൻ ഐ (1963), ദി ഗാലന്റ് മെൻ (1963),GE ട്രൂ (1963), 77 സൺസെറ്റ് സ്ട്രിപ്പ് (1963) എന്നീ ടി.വി. പരമ്പരകളിൽ അവർ പ്രത്യക്ഷപ്പെട്ടു. 1962 ൽ പുറത്തിറങ്ങിയ റെഡ് നൈറ്റ്മേർ എന്ന കമ്മ്യൂണിസ്റ്റ് വിരുദ്ധ ചിത്രത്തിലും അവർ പ്രത്യക്ഷപ്പെട്ടു.[2][3]

സ്വകാര്യ ജീവിതം

[തിരുത്തുക]

നടൻ ഗാരി ക്ലാർക്കിനെയാണ് വുഡൽ വിവാഹം കഴിച്ചത്. 1964 ജനുവരി 17-ന് രാത്രി, ഹോളിവുഡിലെ ഒരു വാർത്താലേഖകനോട് അവർ പറഞ്ഞത്, 1963-ലെ ക്രിസ്മസ് ദിനത്തിൽ ക്ലാർക്കുമായി രഹസ്യ വിവാഹനിശ്ചയം നടത്തിയ ശേഷം ജൂണിൽ ക്ലാർക്കിനെ വിവാഹം കഴിക്കാൻ പദ്ധതിയിട്ടിരുന്നുവെന്നാണ്.[4] 1964 മെയ് 9-ന് അവർ ഔദ്യോഗികമായി വിവാഹിതരായി. 1977-ലെ അവരുടെ വിവാഹമോചനത്തെത്തുടർന്ന് 1978-ൽ വെർൺ മക്‌ഡേഡിനെ അവർ വിവാഹം കഴിച്ചു. അവരുടെ മരണം വരെ ഈ വിവാഹജീവിതം നീണ്ടുനിന്നു. വുഡൽ 2015 സെപ്റ്റംബർ 29-ന് കാലിഫോർണിയയിലെ ഫാൾബ്രൂക്കിലുള്ള വസതിയിൽ വച്ച് അന്തരിച്ചു. 71 വയസ്സുണ്ടായിരുന്ന അവർ 20 വർഷത്തിലേറെയായി അർബുദബാധിതയായിരുന്നു.[5]

അവലംബം

[തിരുത്തുക]
  1. ↑ Colker, David (October 17, 2015). "Pat Woodell dies at 71; actress best known for 1960s sitcom 'Petticoat Junction'". Los Angeles Times. Archived from the original on October 20, 2015. Retrieved October 18, 2015.
  2. ↑ Colker, David (October 17, 2015). "Pat Woodell dies at 71; actress best known for 1960s sitcom 'Petticoat Junction'". Los Angeles Times. Archived from the original on October 20, 2015. Retrieved October 18, 2015.
  3. ↑ Stedman, Alex (October 18, 2015). "Pat Woodell, 'Petticoat Junction' Actress, Dies at 71". Variety. Archived from the original on October 21, 2015. Retrieved October 18, 2015. (archive link requires scrolldown)
  4. ↑ "Pat Woodell, 'Petticoat Junction' Actress, Dies at 71". The New York Times. Associated Press. October 19, 2015. Archived from the original on October 23, 2015. Retrieved October 20, 2015.
  5. ↑ Colker, David (October 17, 2015). "Pat Woodell dies at 71; actress best known for 1960s sitcom 'Petticoat Junction'". Los Angeles Times. Archived from the original on October 20, 2015. Retrieved October 18, 2015.