പൈതിയം അഫാനിഡെർമാറ്റം

പൈതിയം അഫാനിഡെർമാറ്റം
ശാസ്ത്രീയ വർഗ്ഗീകരണം
(unranked):
SAR
Superphylum:
Heterokonta
Class:
Oomycetes
Order:
Peronosporales
Family:
Pythiaceae
Genus:
Pythium
Species:
P. aphanidermatum
Binomial name
Pythium aphanidermatum
(Edson) Fitzp., (1923)
Synonyms
  • Nematosporangium aphanidermatum (Edson) Fitzp., Mycologia 15: 168 (1923)
  • Rheosporangium aphanidermatum Edson, (1915)

മണ്ണിൽ ജന്മമെടുക്കുന്ന, സസ്യങ്ങളെ ബാധിക്കുന്ന ഒരു പകർച്ച രോഗാണുവാണ് പൈതിയം അഫാനിഡെർമാറ്റം (Pythium aphanidermatum).[1] ഇതിന്റെ ഉപരിക്ലാസ് ആയ ഊമിസൈറ്റുകൾ യഥാർത്ഥ ഫംഗികൾ അല്ല. ഇവയുടെ കോശഭിത്തികൾ ചിറ്റിനു പകരം സെല്ലുലോസ് കൊണ്ടാണ് ഉണ്ടായിരിക്കുന്നത്, അതാണ് ഇവയെ യഥാർത്ഥ ഫംഗസുകൾ അല്ലെന്നു പറയാൻ കാരണം.[2] അലൈംഗികപ്രജനന നടത്തുന്ന ഇവയ്ക്ക് ആക്രമിക്കാനുള്ള സസ്യങ്ങളുടെ അടുത്തേക്ക് ജലമാർഗ്ഗമാണ് എത്തുക. ഇവയിൽ ലൈംഗികപ്രജനനവും ഉണ്ട്.

ഇഞ്ചിയെ ആക്രമിക്കുന്ന പ്രധാന കുമിൾജന്യരോഗമായ മൃദുചീയലിന് ഇവയാണ് കാരണക്കാർ. ജൂൺ, ജൂലൈ, ഓഗസ്റ്റ് മാസങ്ങളിലാണ്‌ ഈ രോഗം കൂടുതലായി ഉണ്ടാകുന്നത്. ഈ രോഗം ബാധിച്ച ഇലകൾ മഞ്ഞളിക്കുകയും തണ്ട് അഴുകി മൃദുവായി തീരുകയും ഒടിഞ്ഞുവീഴുകയും ചെയ്യും. കൂടാതെ കിഴങ്ങുകൾ അഴുകി നശിക്കുകയും ചെയ്യുന്നു.. രോഗബാധയേൽക്കാത്ത വിത്തുകിഴങ്ങുകൾ ശേഖരിച്ച് കീട - കുമിൾ നാശിനികളിൽ മുക്കിയവ കൃഷിക്കായി ഉപയോഗിക്കുക. തടത്തിൽ വെള്ളം കെട്ടിനിൽക്കാൻ അനുവദിക്കാതിരിക്കുക. തുടർച്ചയായി ഒരേ സ്ഥലത്തു തന്നെയുള്ള കൃഷി ഒഴിവാക്കുക. എന്നീ കാര്യങ്ങൾ ശ്രദ്ധിച്ചാൽ ഒരു പരിധിവരെ ഈ രോഗത്തെ ചെറുക്കാവുന്നതാണ്‌. രോഗം ബാധിച്ച ചെടികൾ പിഴുതു മാറ്റി നശിപ്പിക്കുക, രോഗബാധയേറ്റ ചെടികളുടെ ചുറ്റിലും നിൽക്കുന്ന ചെടികളിലും കുമിൾ നാശിനി പ്രയോഗിക്കുക.

ഇവ പലതരത്തിലുള്ള സസ്യങ്ങളെ ആക്രമിക്കാറുണ്ട്. അതിനാൽത്തന്നെ സാമ്പത്തികമായി വല്യ ശല്യമുണ്ടാവാനും കാരണമാകുന്നു. സോയബീൻ,[3] ബീറ്റ്റൂട്, കുരുമുളക്, ജമന്തിവർഗച്ചെടികൾ, വെള്ളരികൾ, പരുത്തി, പലതരം പുല്ലുകൾ എന്നിവയെ ഈ ഫംഗസുകൾ ആക്രമിക്കുന്നുണ്ട് .[1] ചൂടൂള്ള അന്തരീക്ഷം വേണ്ട ഇവർ അതിനാൽ ഗ്രീൻഹൗസുകളിലും കാണുന്നു.[4] അങ്ങനെ പോയിൻസെറ്റിയ ഉൽപ്പാദനത്തെയും ഇവ ഗണ്യമായി ബാധിക്കാറുണ്ട്.[5] മിതോഷ്ണമേഖലകളിലെ കപ്പളങ്ങ ഉൽപ്പാദനത്തിലെ വേരുചീയലിനും പ്രധാനകാരണക്കാർ ഇവയാണ്.[6] പ്രധാനമായും സസ്യങ്ങളെ ആക്രമിക്കുന്ന ഈ ഫംഗസ് ഒരു തവണ മനുഷ്യരിലും രോഗമുണ്ടാക്കിയതായി അറിയുന്നു.[7]

അവലംബം

[തിരുത്തുക]
  1. ↑ 1.0 1.1 Pythium_aphanidermatum
  2. ↑ "Oomycetes". Archived from the original on 2016-11-21. Retrieved 2016-11-05.
  3. ↑ Norman, A.G., ed. (1987). Soybean Physiology, Agronomy, and Utilization. Academic Press. p. 247. ISBN 9780124335622.
  4. ↑ Pythium root rot of Herbaceous Plants
  5. ↑ "Pythium factsheet". Archived from the original on 2013-04-07. Retrieved 2016-11-05.
  6. ↑ N.B. Koffi, Clovis; Diallo, Hortense A.; Koudio, Justin Y.; Kelly, Paula; Buddie, Alan G.; Tymo, Lukasz M. (2 March 2010). "Occurrence of Pythium aphanidermatum root and collar rot of Papaya (Carica papaya L.) in Cote d'Ivore" (PDF). Fruit Vegetable and Cereal Science and Biotechnology. 4 (special issue 1): 62–67. Archived from the original (PDF) on 2013-01-23. Retrieved 2016-11-05.
  7. ↑ Pythium aphanidermatum Infection following Combat Trauma

പുറത്തേയ്ക്കുള്ള കണ്ണികൾ

[തിരുത്തുക]